Новости за 25.11.2019

Во МНТ во петокот биле најавени два настани, но не било најавено дека ќе присуствува навивачка група, соопштуваат од Министерството за култура. Од Министерството велат дека во МНТ во петокот било најавено  свеченото одбележување на Денот на албанската азбука и проекција на документарен филм, но до Дирекцијата на МНТ воопшто не било најавено присуството на навивачката група. Реакцијата на Министерството уследи по настаните во МНТ кои завршиле со уништен инвентар од страна на дел од навивачката група Шверцери на Фудбалскиот клуб Шкупи. Читать дальше...

Дали промената на реториката на Русија кон Македонија и честите бизнис-форуми, културни и образовни настани се искрена понуда за пријателство од Москва помирена со фактот дека не го спречи Скопје да отиде на Запад или е обнова на тактиката за „мека моќ“ за враќање на своето влијание во Македонија?

Турција денеска ќе ја тестира новата руска ракетна одбрана С-400, јавуваат турските медиуми, и покрај притисокот на Вашингтон Турција да го напушти системот. Набавката на С-400, ги влоши односите меѓу Анкара и Вашингтон. САД сметаат дека системот не е компатибилен со политиките на НАТО. Турските власти соопштија дека денеска над небото на Анкара ќе летаат турските воздухопловни сили Ф-16 и други авиони на ниска и голема надморска височина за да го тестираат системот за воздушна одбрана. Медиумите... Читать дальше...

Кинеската влада на крајниот запад на земјата затворила над милион Ујгури и други етнички малцинства, повечето муслимански во кампови кои служат како тајни центри за принудно превоспитување, покажуваат доверливи документи на кинеската влада. Додека Пекинг тврди дека станува збор за доброволни центри за работа, откриените тајни документи фрлаат друга светлина и укажуваат дека станува збор за кампови чии затвореници се присилени да се откажат од јазикот и верата и се изложени на политичка индоктринација.

Руската група за заштита на правата на жените Сотсфем Алтернатива соопшти дека добила дозвола да одржи протест во центарот на Москва за да го одбележи денешниот Меѓународен ден за елиминација на насилството врз жените. Властите дозволиле собирање на над 200 луѓе во времетраење од три часа. Русија е единствената земја во Советот на Европа која нема закон за кривично гонење на домашното насилство.

Бугарскиот премиер Бојко Борисов во текот на неговата официјална посета на САД денеска ќе има средба со американскиот претседател Доналд Трамп. Во Белата куќа тие ќе разговараат за развојот на односите меѓу двете земји. Според најавите, акцент ќе биде ставен врз начините за зајакнување на напорите во областа на безбедноста, во контекст на НАТО и ангажманот на официјална Софија за зголемување на буџетот за одбраната. Се очекува Борисов и Трамп да разговараат за енергетската диверзификација, изградбата на „Турски поток“... Читать дальше...

Ирачките безбедносни сили убиле 13 антивладини демонстранти за време на вчерашните протести во кои дојде до тешки судири. Демонстрантите гневни поради раширената корупција во владата и лошите комунални услуги палеле автомобилски гуми и ги блокирале главните патишта. Во провинцијата Басра загинале седум демонстрати откако ирачките власти користеле боева муниција и солзавец за растурање на протестите.

Актуелниот претседател Клаус Јоханис, според првичните резултати, победи во вториот круг од претседателските избори во Романија. Неговата победа, велат посматрачите, е потврда на проевропската траекторија на оваа членка на ЕУ.

Продемократските кандидати освоија над 45 насто од мандатите на вчерашните локални избори во Хонг Конг. Ова го покажуваат делумните резултати од гласањето кое се смета за тест на поддршата на повеќемесечните антивладини протести во таа автономна кинеска територија. Според првичните резултати, продемократските кандидати добиле 201 од 452 мандати во 18 окружни совети. Тежок пораз доживеа најголемата прокинеска партија, бидејќи 155 од нејзините 182 кандидати биле поразени.

Претседателот на Романија Клаус Јоханис убеливо победи на вчершниот втор круг од претседателските избори во таа земја. 60 годишниот конзервативец освои над 63 насто од гласовите, а доскорашната премиерка, кандидатка на социјалдемократите Вијорка Данчила над 36 проценти. По објавувањето на резултатите Јоханис во седиштето на Национално либералната партија изјави дека „на изборите победи модерна, европска и нормална Романија“. Одѕивот на изборите беше околу 50 насто, што е помалку од 2014 година кога... Читать дальше...

Ќе биде претежно облачно со врнежи од дожд, кои ќе бидат пообилни во јужните делови. Утринската температура ќе биде од четири до 12, а дневната од шест до 14 степени. Во Скопје и околината слично вре,ме/ Утринската температура ќе биде околу осум, а дневната ќе достигне до 12 степени.