Новости за 14.01.2022

Mинистерот за економија, Крешник Бектеши и вицепремиерот за економски прашања Фатмир Битиќи на денешната прес-конференција во Владата информираа дека е решен проблемот со снабдувањето со топлинска енергија во Скопје и дека домаќинствата ќе имаат непрекината испорака на парно греење. Битиќи рече дека радијаторите на граѓаните на Град Скопје и на општините ќе останат топли до крајот на грејната сезона, додавајќи дека деновиве имаше јавни превирања за тоа каде припаѓа одговорноста за решавање на овој проблем. Читать дальше...

САД ја обвинија Русија дека испраќа диверзанти во источна Украина со цел да организира инцидент што би можел да даде изговор за инвазија доколку не се исполнат безбедносните барања на Москва во преговорите со Западот. Американски официјален претставник денеска изјави дека Белата куќа е загрижена дека руската влада „се подготвува за инвазија во Украина што може да резултира со широко распространето кршење на човековите права и воени злосторства доколку дипломатијата не ги исполни нивните цели“. Читать дальше...

Министерството за здравство соопшти денеска дека Институтот за јавно здравје во редовниот извештај пријавил починато бебе на шест месечна возраст. Бебето во регистарот Мој Термин е заведено дека починало на 3 јануари. „Според податоците добиени од Клиниката за детска хирургија, станува збор за дете со вродена аномалија на черепот. Доенчето е примено на Клиниката за Неврохирургија заради оперативна интервенција. По добивање на ковид позитивен тест, детето е ставено во изолација на респираторна машина и е ординирана соодветна терапија. Читать дальше...

На Меѓународниот аеродром Скопје денеска пристигна група од 67 граѓани на Авганистан, кои се вработени во организациите Национален демократски институт и Националната фондација за демократија, како и членови на нивните семејства. „Продолжувајќи ја својата активна улога на солидарна земја, Северна Македонија им обезбеди привремен престој до заминување во трета држава. Ова е дел од меѓународната операција за помош на демократското авганистанско население кое е во опасност од талибанските власти“, соопшти владината прес-служба. Читать дальше...

Министерството за здравство информира, согласно податоците од Институтот за јавно здравје дека во последните 24 часа направени се 6.928 тестови, а регистрирани се 1.732 нови случаи на Ковид-19. Од вкупниот број на позитивни 204 се реинфекции. Оздравени се 1035 пациенти, а починати се 7лица: по 2 починати лица од Скопје (68г и 88г) и Велес (57г и 83г) и по едно починато лице од Прилеп (84г), Кавадарци (69г) и Свети Николе (79г). Пријавените лица се починати во болнички услови. Согласно Регистарот... Читать дальше...

САД и понудија на Украина „секаква помош што и е потребна за да се опорави“ од масовниот сајбер напад за кој Киев рече дека потекнува од Русија. Сајбер нападот со предупредувачка порака до Украинците „да се плашат и да го очекуваат најлошото“, е извршен врз веб-страниците на украинската влада во четвртокот вечерта (13-ти јануари).  Хакирани украински владини сајтови: „Очекувајте го најлошото“ Министерството за култура и информатичка политика соопшти дека „првичните податоци“ укажуваат дека нападот потекнува од Русија. Читать дальше...

Германија ја врати Северна Македонија на листата на високоризични земји, што значи дека од недела невакцинираните и лицата кои не прележале Ковид-19 ќе мора да бидат ставени во карантин. Покрај Северна Македонија, на листата на земји со поголем ризик се вратени и Србија, Босна и Херцеговина и земјите од ЕУ, како Франција, Австрија, Летонија, Бугарија и други земји од повеќе делови на светот. Што се однесува до нашиот регион, Хрватска од 24 октомври минатата година е на листата на високоризични земји... Читать дальше...

Иван Жданов и Леонид Волков, двајца од најблиските соработници на рускиот опозициски политичар Алексеј Навални, се ставени на руската листа на „екстремисти и терористи“. Нивните имиња денеска се појавија во регистарот на Росфинмониторинг ставајќи ги на исто ниво со десничарските националистички групи и странските терористички организации како што се талибанците и милитантната група Исламска држава. Според рускиот закон, банкарските сметки на лицата кои се додадени на списокот мора веднаш да се замрзнат. Читать дальше...

Mинистерот за правда Бојан Маричиќ на денешната прес-конференција изјави дека има уште многу прашања кои што се отворени во однос на измените на Изборниот законик. Според него, процесот треба да се отвори што побрзо, за да се даде шанса да се изнесат сите аргументи од страна на сите политички партии. „Кога го заклучивме процесот на преговори пред локалните избори се договоривме со политичките партии дека повторно ќе се отвори веднаш по изборите тој процес затоа што останаа прво, голем број на препораки... Читать дальше...

Претставници на Ерменија и Турција се согласија да ги продолжат преговорите по денешната прва рунда разговори во Москва, чија цел беше нормализирање на односите по долгогодишно непријателство меѓу двете земји. „Рубен Рубинијан, заменик-претседателот на ерменскиот парламент и Сердар Килиќ, поранешен турски амбасадор во Соединетите држави, за време на нивната средба во главниот град на Русија, се согласија дека Турција и Ерменија треба да работат на регулирање на врските преку дијалог и без предуслови“... Читать дальше...

Има сомнежи дека градоначалникот на Шуто Оризари, како и претседателот на Советот на општината, користеле службено возило за лични и приватни потреби, односно за потребите за предизборната кампања за Локалните избори 2021 година, беше констатирано на денешната седница на Државната комисија за спречување на корупцијата (ДКСК). Горан Трпеноски, член на ДКСК кој го образложи овој предмет, меѓу другото наведе дека од патните налози се гледа дека не се уредно потполнети, не се правилно архивирани и не може да се утврди целта на дневните патувања. Читать дальше...

Според извештаите од болниците, моментно се хоспитализирани 340 лица, a од нив 81 отсто не се вакцинирани, додека 19 проценти се вакцинирани. Во исто време, 78 отсто од починатите лица од ковид-19 биле невакцинирани, а само 22 отсто примиле вакцина, се вели во анализата објавена од Министерството за здравство за вакцинирани од позитивните случаи со ковид-19 во период од 6 август 2021 година до 13 јануари 2022 година. Од Министерството потенцираат дека изминативе неколку недели, притисокот врз болниците... Читать дальше...

Франција сака да биде користа и да направи сè што ќе помогне да се подобри состојбата со цел да се придвижат позициите, да се постигне договор и да се отворат преговорите за Северна Македонија со ЕУ, рече денеска амбасадорот на Франција во земјава, Сирил Бомгартнер на прес-конференција на којашто ги претстави програмата и приоритетите на француското претседателство со Советот на Европската Унија. „Доколку ова е можно во време на француското претседателство, тогаш сето тоа ние и ќе го направиме, изјави амбасадорот. Читать дальше...

На Москва и е исцрпено трпението во врска со Западот, изјави денеска министерот за надворешни работи на Русија Сергеј Лавров. Тој вели дека Русија очекува писмен одговор на нејзините барања за безбедносните гаранции во рок од една недела, откако не успеаја дипломатските разговори со НАТО и САД да се постигне напредок по ова прашање, во услови кога се зголемува руското воено присуство на границата со Украина. Лавров за време на прес-конференцијата на која ја престави годишната програма на Министерството... Читать дальше...

Австралискиот судија Ентони Кели денеска рече дека српскиот тенисер Новак Ѓоковиќ нема да биде депортиран од Мелбурн до окончувањето на жалбата во врска со укинувањето на визата и дека случајот сега е префрлен во Сојузниот суд на Австралија. До разговорот со имиграционите власти, кој ќе се одржи вечерва во 22 часот по средноевропско време, односно во сабота наутро во Мелбурн, тој нема да биде во имиграциски притвор. По сослушувањето, Ѓоковиќ ќе биде однесен во притвор, сè до новото сослушување кое е закажано за в недела. Читать дальше...

Блок 3 на РЕК Битола повторно не работи, соопшти денеска Стевче Антовски, член на Комисија за енергетика на ВМРО-ДПМНЕ. Тој вели дека третиот блок на РЕК е надвор од функција оти повторно трансформаторот не работи. „Станува збор за истиот трансформатор којшто се запали во ноември, а беше наводно минат низ процес на ремонт. Сега пред неколку дена истиот трансформатор го исфрла цел Блок 3 на РЕК Битола од употреба“, рече Антовски. Во ноември имаше пожар во Блок 3. Причина за пожарот, според АД... Читать дальше...

Со блокадата на македонските евроинтеграции од страна на Бугарија, сè погласни стануваат најавите за можно раздвојување на Македонија и Албанија на европскиот пат. Многумина аналитичари го сметаат раздвојувањето за безбедносно прашање. Поранешниот дипломат Мухамед Халили смета дека двете земји ќе ги почнат преговорите заедно, но напредокот ќе зависи исклучиво од самостојните постигнувања.

Денешното судско рочиште за случајот „Плацеви на Водно“ не се одржа поради отсуство на обвинетиот Сашо Мијалков, поранешниот директор на УБК, чија одбрана пријавила дека тој а позитивен на ковид-19. Судијата Илија Трпков информираше дека адвокатите на Мијалков ја пријавиле здравствената состојба на нивнниот клиент до Судот, од каде пак информираат дека позитивни на ковид-19 се и неколку адвокати на обвинетите. Според обвинението, чиј застапник е обвинителката Лиле Стефанова, покрај Мијалков, обвинети... Читать дальше...

Сеизмолошката опсерваторија при Природно-математичкиот факултет во Скопје, денеска претпладне регистрирала нова серија земјотреси во пограничното епицентрално подрачје Битола – Лерин. Според опсерваториските податоци, епицентрите биле во соседна Грција. Според досегашните податоци со кои располага опсерваторијата, мво Битола и околината најмногу бил почувствуван земјотресот во 10 часот и 46 минути, со локална Рихтерова магнитуда 3.0 и интензитет од III-IV степени според Европската макросеизмичка скала. Читать дальше...

Голем сајбер напад, со предупредувачка порака до Украинците „да се плашат и да го очекуваат најлошото“, е извршен врз веб-страниците на украинската влада во четвртокот вечерта (13-ти јануари). Поради тоа , некои од владините веб-услуги денеска не се достапни, а Киев отвори истрага за нападот. „Како резултат на масовен хакерски напад, веб-страниците на Министерството за надворешни работи и на голем број други владини агенции привремено не работат. Нашите експерти веќе работат на обновување на ИТ системот“... Читать дальше...

Додека скопјани кои се греат на парно се прашуваат дали од утре ќе имаат топли радијатори поради најавата на БЕГ дека немаат веќе гас, Обвинителството води предистражната постапка за пријава стара речиси три години. БЕГ го следат контроверзии уште од неговото основање пред десет години.

За купување новогодишни пакетчиња се потрошени 72.000 евра, иако се очекува сумата да достигне и поголема вредност имајќи предвид дека некои државни институции сѐ уште ги немаат објавено договорите и вредноста на потрошените пари за оваа намена, соопшти денеска Центарот за граѓански комуникации (ЦГК), објавувајќи ги резултатите од истражувањето и базата на податоци на трошоците на државните институции за новогодишни пакетчиња за Новата 2022 година. „Тендери за купување пакетчиња за новата 2022 година имале 20 институции... Читать дальше...

Косово удри против копачите на криптовалути, чии операции за производство на виртуелната валута ја исцрпуваат електричната мрежа на земјата, во услови на вонредна состојба поврзана со енергетска криза. Во Косово ископувањето криптовалути е голем бизнис, па што ќе се случи следно? Тони Весоловски

Kосовската влада да им дозволи на Србите да гласаат на претстојниот референдум организиран од Србија, повика денеска меѓународната заедница. Во заедничката изјава на неколку западни земји се изразува жалење што косовската влада не дозволи Организацијата за безбедност и соработка во Европа (ОБСЕ) да собира гласачки ливчиња од Косово за време на референдумот во недела на 16-ти јануари. Србија на 16 јануари организира референдум за измена на Уставот во областа на правдата. „Ја повикуваме косовската... Читать дальше...

Брзиот раст на новозаразени со омикрон ги загрижи наставниците и родителите, па се погласни стануваат барањата за одложување на старотот на второто полугодие или воведување онлајн настава. Мислењата се поделени, а влогот голем.