Новости за 16.05.2021

د مې له ۱۷مې نېټې د واټونو د خوندیتوب اوونۍ پیلېږي، خو په افغانستان کې سره له دې چې په تېرو ۲۰ کلونو کې د واټونو او سړکونو د جوړونې په برخه کې ډېرې پیسې مصرف شوي، لا هم په دغه هېواد کې د سړکونو خراب وضعیت او په ترافیکي پېښو کې د تلقاتو د لوړې کچې له امله نیوکې موجودې دي. کم بري او غیر معیاري سړکونه او د ترافیکي نښو نښانو نشتوالی په دې برخه کې مهم انتقادونه دي. په افغانستان کې د ترافیکو عمومي ریاست وايي چې د ترافیکي پېښو له امله د تلفاتو شمېر تېر کال د وړم کال په پرتله ډېر شوی دی. د افغانستان... Читать дальше...

له افغانستانه به د امریکایي ځواکونو د وتلو بهیر تر ټاکلې نېټې مخکې بشپړ شي. دا خبره یوه غربي چارواکي چې د ځواکونو د وتلو د بهیر په اړه معلومات لري، د خپل نوم نه‌ښودلو په شرط اسوشیټډ پرس خبري اژانس ته کړې او ویلي یې دي چې ښایي د ټولو امریکایي ځواکونو د وتلو بهیر د جولای تر لومړیو پورې بشپړ شي. دغه چارواکي په دې اړه نور جزئیات نه‌‍دي ورکړي ځکه د ځواکونو د وتلو څرنګوالی تر ډېره نه‌دی رسنیز شوی. د امریکا د ولسمشر جو بایډن د پرېکړې له مخې له افغانستانه د ټولو امریکایي ځواکونو د وتلو لپاره د سپټبر ۱۱مه وروستۍ نېټه ټاکل شوې ده. Читать дальше...

په سیدالشهدا ښوونځي له خونړي موټر بم برید وروسته د وژل شویو، ټپیانو او له پېښې د روغ وتلو  زده‌کوونکو د کورنۍ غړي او خپلوان له حکومت د دغه ښوونځي د امنیت غوښتنه کوي. دوی د یکشنبې په ورځ «۱۴۰۰ کال د غويي ۲۶» په کابل کې په يوه غونډه کې سره راټول او په يو اته ماده‌ییز پرېکړه‌لیک کې يې ګواښ وکړ، که دولت‌يې امنیت خوندي نه‌کړي، خپل بچیان ښوونځي ته نه‌لېږي. دغه پرېکړه‌لیک د قربانيانو د يوې کورنۍ غړي محمد دریا ازادي راډیو ته داسې ولوسته: "د شهیدانو او ټپیانو د کورنیو وارثین وايي، تر کومه چې دولت د زده‌کوونکو... Читать дальше...

د افغانستان دفاع وزارت د کندز په امام صاحب ولسوالۍ کې د طالبانو د استخباراتو د مسؤل د نیولو خبر ورکوي. دې وزارت نن په خپره کړې خبرپاڼه کې یوازې دومره ویلي چې کمانډو ځواکونو د کندز ولایت امام صاحب ولسوالۍ لپاره د طالبانو استخباراتي مسؤل "محمد حسن" نن له یوه ټوپک او یوې تومانچې سره ونیو. دفاع وزارت د دې پېښې په اړه نور جزئیات نه‌دي ورکړي، خو له دې مخکې یې دې ولسوالۍ ته د طالبانو په وړاندې د جګړې د پیاوړي کېدو لپاره د کمانډو د نویو ځواکونو د استولو خبره کړې وه. د پامیر۲۱۷ قول اردو هم له دې مخکې... Читать дальше...

په جاپان کې د یوې ترسره شوې سروې نتیجه ښیي چې په سلو کې نږدې ۶۰ جاپانیان د کرونا وبا له امله په توکیو کې د المپیک د دوبنیو لوبو د لغوه کېدو پلوي کوي.  دغه سروې چې د کویدو خبري اژانس ترسره کړې، په سلو کې څه باندې ۲۵ ګډونوالو یې ویلي چې دغه لوبې دې له نندارچیانو پرته له مهالوېش سره سرم ترسره شي او څه باندې ۱۲ نیم فیصده ګډونوالو هم د دغو لوبو د ترسره کېدو پلوي کړې، خو ویلي یې دي چې د نندارچیانو شمېر یې باید محدود وي. د المپیک نړیواله کمېټه او د دې لوبو جاپاني تنظیموونکي غواړي چې دغه لوبې په ټاکلې... Читать дальше...

د اسلامي هېوادونو د همکارۍ سازمان ۵۷ غړو د غزې د وضعیت په اړه نن انلاین بېړنۍ غونډه وکړه او د اسرائیل د پوځي حملو د پای ته رسولو غوښتنه‌یې وکړه. د سعودي عربستان د بهرنیو چارو وزیر شهزاده فیصل بن فرحان له نړیوالې ټولنې وغوښتل چې په غزه کې د اسرائیل د پوځي عملیاتو د پای ته رسولو لپاره دې کار وکړي ترڅو ځپل شویو سیمو ته مرستې ورسول شي.  د فلسطیني ادارې د بهرنیو چارو وزیر ریاض المالکي چې له رام‌الله یې خبرې کولې، اسرائیل تورن کړ، هغه‌یې اپارټایډ دولت وباله چې د ده په وینا په غزه کې زموږ د خلکو په وړاندې جنایتونه او بې‌رحمۍ ترسره کوي. Читать дальше...

د عوامي‌ نشنل ګوند پخوانۍ مشره بېګم نسيم ولي خان د ۸۸ کلونو په عمر د خېبر پښتونخوا په چارسده کې مړه شوه.  د راپورونو له مخې هغه د زړه او شکرې پر ناروغۍ اخته وه.  د دغه ګوند ویاند زاهد خان ازادي راډیو ته وویل چې د نوموړې جنازه به نن په ولي باغ کې ترسره شي. عوامي نشنل ګوند د بېګم نسیم ولي خان د مړینې په خاطر درې ورځنی ماتم اعلان کړی دی.  بېګم نسیم ولي خان د خان عبدالولي خان چې په ۲۰۰۶ کال وفات شوی، مېرمن وه.  بېګم نسيم ولي ‌خان درې ځلې د پاکستان د پارلمان غړې پاتې شوې.

بیا يو وخت داسې هم راغی چې په ۲۰۰۶ز کال کې عوامي نیشنل ګوند د اختلافاتو ښکار شو او هغه "فولادي ښځه" د خپل زوی اسفنديار ولي خان په مشرۍ مرکزي مجلس عاملې له ګونده وایسته.

د اسرائیل صدراعظم بنیامین نتانیاهو وایي، د فلسطین د افراطي وسله‌والو په وړاندې به اوسنۍ پوځي مبارزه د اړتیا تر حده دوام کوي. دا په داسې حال کې ده چې ملګرو ملتونو او د امریکا متحده ایالاتو د وضعیت د کرارېدو غوښتنه کړې ده. بنیامین نتانیاهو پرون شنبه دغه خبرداری داسې مهال ورکړ چې د اسرائیل پوځ په غزه کې د جګپوړو چارواکو او د حماس د قوماندانانو پر څو اهدافو هوایي بریدونه وکړل. د اسرائیل صدراعظم بنیامین نتانیاهو د حماس ډلې مشرانو ته وویل چې نه به د ځمکې پر سر او نه به هم تر ځمکې لاندې پټ پاتې شئ. Читать дальше...

د پاکستان د عوامي نشنل ګوند له مشرانو یوې بېګم نسیم ولي خان نن په ۸۸ کلنۍ کې له دې نړۍ سترګې پټې کړې.   ملالۍ بشیر په پښتونخوا کې د ښځو د حقونو لپاره فعال واک تحریک له یوې مشرې قندي صافۍ سره مرکه کړې ده او په سر کې يې د بېګم نسیم ولي خان د مهمو فعالیتونو په اړه پوښتنه کړې. دغه مرکه د لاندې لېنک په کېکاږلو سره اورېدلی شئ:

د افغانستان عامې روغتیا وزارت وایي، رسمي شمېرې یې ښیي چې د اختر په درې ورځو کې نږدې ۴۰۰ کسان پر 'کووېډ-۱۹' ناروغۍ اخته شوي دي.  د دې وزارت مرستیال ویاند میرویس علیزي ازادي راډیو ته وویل: "د اختر په درې ورځو کې کوم ارقام چې زموږ لاس ته راغلي، له ۲،۳۰۰ زیاتو هېوادوالو چې د کرونا ویروس باندې مشکوک و، د پي سي ار ټست لپاره لابراطوارونو ته مراجعه کړې ده. له دې ډلې ۳۹۶ یې مثبت دي، یعنې پر کرونا اخته شوي. همدارنګه پر کرونا اخته شوي ۹۳ کسان رغېدلي او په خواشینۍ سره ۱۷ کسانو هم ژوند له لاسه ورکړی دی." ... Читать дальше...

د افغانستان پکتیا ولايت ځاځي اریوب ولسوالۍ اوسیدونکي غوښتنه کوي چې افغان حکومت دې د امنیت ښه کولو او پرمختيايي پروژو پلي کیدو ته پاملرنه ډېره کړي. دوی وايي په دې ولسوالۍ کې نا امنیو او د کارونو نشتون د خلکو ژوند او چارې له ستونزو سره مخامخ کړي دي. د ځاځي اریوب ولسوالۍ اوسیدونکي محمد دوست د مې په ۱۵مه مشال راډیو ته وویل: ((پروژې خو له یوې مخې نشته، کارونه بند دي، کاروبار بیخي خراب دی. د ولسوال دلاسه هم څه نه کیږي چې موږ سره مرسته وکړي یا کاروبار راته پیدا کړي، خو بس شپې ورځې دي، سره تیروو يې.)) ... Читать дальше...

په پاکستان کې د کورونا وایرس د کنټرول ملي‌ادارې اعلان کړی چې د نوو کېسونو د کمېدو له وجې اوس دکانونو ته اجازه ورکوي چې د شپې تر اتوو بجو پورې پرانیستي پاتې شي. د مې په ۱۵مه دې ادارې په يوه خبرپاڼه کې ويلي‌چې همداراز به د صوبو او ښارونو ترمنځ به د موټرو تګ راتګ ته د مې له شپاړسمې څخه اجازه وي. دا بندیز د اختر په ورځو کې لګول شوی وو. همداراز د بندیزونو د نور نرمولو په ترڅ کې حکومت اعلان کړی چې په سرکاري دفترونو کې به نيمايي کسان کارکوي. خو د خلکو په ډېرې ګڼې ګوڼې به بندیز دوام لري. په دې کې د... Читать дальше...

د افغان حکومت او طالبانو ترمنځ په اختر کې د درې ورځني اوربند په مهال د کمو حملو وروسته اوس جګړې بيا زیاتې شوې دي. د افغانستان دفاع وزارت وايي  طالبانو په ۱۸ ولایتونو کې پر افغان ځواکونو بریدونه کړي، خو دا وزارت د جګړې له کبله د اوښتې مرګ‌ژوبلې په اړه څه نه‌وايي. د دې وزارت د ویاند مرستیال فواد امان د مې په ۱۶مه مشال رېډيو ته ويلي چې طالبانو د درې ورځني اوربند تر اعلان وروسته اوس يو ځل بيا حملې ډېرې کړې دي. د هغه په وينا طالبانو د اختر په ورځو کې هم د افغانستان په پنځو ولایتونو کې ۲۱ ملکیان وژلي او له ۳۰ ډېر یې ټپیان کړي دي. Читать дальше...

هندوستان نن یکشنبه د درېیمې پرله‌پسې ورځې لپاره د کرونا ویروس یا 'کووېډ-۱۹' لږې پېښې ثبت کړې. خو په تېرو ۲۴ ساعتونو کې په دې ناروغۍ د مړینو شمېر په‌کې تر ۴۰۰۰ زیات و چې په ټوله کې په کرونا ویروس د مړینو شمېر په‌کې تر ۲ لکه ۷۰ زرو واوښت. په تېرو ۲۴ ساعتونو کې په هندوستان کې په کرونا ویروس د ۴ زره ۷۷ کسانو مړینه او د درې لکه ۱۱ زره ۱۷۰ کسانو اخته کېدل ثبت شوي دي. د روغتیا وزارت معلومات ښيي چې دا په تېرو درېیو اوونیو کې په ورځني ډول تر ټولو لږ شمېر ګڼل کېږي. په ټوله کې په هندوستان کې روانه اوونۍ... Читать дальше...

د اسلامي دولت ډلې یا داعش د کابل په شکردره ولسوالۍ کې پر یوه جومات د حملې مسؤلیت اخیستی.  د حاجي بخشي پر جومات د اختر په دوهمه د جمعې په ورځ په چاودنه کې لږترلږه ۱۲ کسان وژل شوي او شاوخوا ۱۵ نور ټپیان شوي وو. په وژل شویو کې د دې جومات ملا مفتي نعمان هم شامل و. د جرمني د ډې پې اې خبري اژانس د راپور له مخې په هغه خبرپاڼه کې چې د داعش اړوند ناشر نیوز خبري رسنۍ پرون شنبه خپره کړې دغې ډلې ویلي وسله‌والو یې چاودېدونکې وسیله په دغه جومات کې خښه کړې وه.   طالبانو چې د اختر په مناسبت درې ورځنی اوربند... Читать дальше...

د درې ورځني اوربند له پای ته رسېدو سره سم له هلمند څخه د نښتو د بیا پیلېدو راپورونه ورکول کېږي.  د اختر په مناسبت اعلان شوی اوربند تېره شپه ۱۲ بجې پای ته ورسېد. د فرانسپرس اژانس د راپور له مخې د هلمند د مرکز لښګرګاه په لمنو کې د وسله‌والو طالبانو او افغان امنیتي ځواکونو ترمنځ نښتې بیا پیل شوې دي.  د هلمند د ولایتي شورا رئیس عطاالله افغان دې اژانس ته وویل چې نښتې نن سهار پیل شوې او تر اوسه دوام لري. هغه وویل، طالبانو د لښکرګاه په لمنو کې او یو شمېر نورو ولسوالیو کې پر یو شمېر امنیتي پوستو بریدونه پیل کړي دي. Читать дальше...

د اسرائیل صدراعظم بنیامین نتانیاهو وایي، د فلسطیني سخت‌دریځو په وړاندې به اوسنی کمپاین تر هغو دوام وکړي چې اړتیا یې وي. دا په داسې حال کې ده چې د امریکا متحده ایالاتو او ملګرو ملتونو د وضعیت د کرارېدو غوښتنه کړې ده. بنیامین نتانیاهو پرون شنبه دغه خبرداری داسې مهال ورکړ چې د اسرائیل پوځ په غزه کې د جګپوړو چارواکو او د حماس د قوماندانانو پر څو ځایونو هوایي بریدونه وکړل. د اسرائیل صدراعظم د حماس ډلې مشرانو ته وویل چې نه به د ځمکې پر سر او نه به هم تر ځمکې لاندې پټ پاتې شئ. له دې مخکې اسرائیل... Читать дальше...

د بریتانیا صدراعظم بورېس جانسون خبرداری ورکړی چې له هند څخه د کرونا ویروس بدله شوې بڼه‌یې په هېواد کې ثبت شوې ده. جانسون پرون شنبې وویل چې بریتانیا ته د دغه ویروس د نوې بڼې سرایت هغه هڅې له خنډ سره مخامخ کوي چې په دې هېواد کې یې له 'کووېډ-۱۹' ناروغۍ څخه د خلاصون لپاره پیل کړې دي.  جانسون وویل، د لګول شویو محدودیتونو د لیرې کولو بله مرحله له سبا د مې له ۱۷ پیلېږي، خو خبرداری ورکوي چې ښايي د ویروس د دغې نوې بڼې سرایت د ټول محدودیتونو لیرې کول د جون تر۲۱مې پورې شا ته وغورځوي.  د بریتانیا روغتیایي... Читать дальше...

د امریکا د بهرنیو چارو وزیر انتوني بلېنکن نن یو شمېر اروپایي هېوادونو ته خپل پنځه ورځنی سفر پیلوي. دی به په دې سفر کې ډڼمارک، ایسلنډ او ګرینلنډ ته ولاړ شي او په ترڅ کې به‌یې د ارکتېک شورا په غونډه کې برخه واخلي. د امریکا د ولسمشر جو بایډن د ادارې له پیل راهیسې په لومړي ځل ښاغلی بلېنکن په دې غونډه کې له خپل روسي سیال سرګي لاوروف سره مخامخ ګوري. دغه شورا چې اته غړي لري د مې پر ۱۹مه خپله دوه ورځنۍ غونډه په ریکیاویک ښار کې پیلوي.   د بلېنکن د سفر په اجنډا کې د ارکتېک شورا د غړو هېوادونو له بهرنیو چارو وزیرانو سره دوه اړخیزې لیدنې شاملې دي. Читать дальше...

د اسرائیل او حماس ډلې ترمنځ د جګړو په دوام، د ایران یوه لوړپوړي چارواکي ویلي چې په بشپړ ډول د حماس ملاتړ ته دوام ورکوي. د ایران د دولتي ټلوېزیون د راپور له مخې د ایران د سپاه پاسداران انقلاب د قدس ځواکونو قوماندان اسماعیل قاآني پرون د حماس د ډلې له مشر اسماعیل هنیه سره د ټیلیفوني خبرو پر مهال له دې ډلي خپل ملاتړ ښودلی دی. بل‌خوا د امریکا متحده ایالاتو ولسمشر د اسرائیل له صدراعظم نتانیاهو او د فلسطین له مشر محمود عباس سره خبرې کړي او د وضعیت د کرارېدو غوښتنه‌یې کړې ده.  ولسمشر بایډن د تاوتریخوالي د دوام په اړه اندېښنه ښودلې. Читать дальше...

د اختر له ۳ ورځني اوربند وروسته چې د تاوتریخوالي کچه په‌کې صفر نه‌وه، یو ځل بیا د جګړې له پیل خبر ورکول کېږي. د افغانستان د ملي دفاع وزارت وايي، طالبانو په ۱۸ ولایتونو کې پر افغان ځواکونو بریدونه کړي، خو دا وزارت د جګړې له کبله د اوښتې مرګ‌ژوبلې په اړه څه نه‌وايي. د دې وزارت د ویاند مرستیال فواد امان د یکشنبې په ورځ «۱۴۰۰ کال د غويي ۲۶» ازادي راډیو ته وویل: "له ۳ ورځې اعلان شوي اوربند وروسته، طالبانو خپل ترهګریز فعالیتونه له سره پیل کړي. پر افغانانو د طالبانو ترهګریز بریدونه روان دي." د ملي... Читать дальше...

د پاکستان حکومت وايي‌ په تېرو ۲۴ ګينټو کې یې د کورونا وایرس دیرش زره، څلور سوه او دوه ټيسټونه کړي دي.  د کورونا په اړه حکومتي ويبپاڼې د مې په ۱۶مه ليکلي چې کورونا وایرس په تېر یو شواروز کې۷۶ کسان وژلي دي. په دې سره د ټولو  کورونا وهلو شمېر له اتو لکو او اوه اویا زرو اوښتی چې پکې یې نورلس زره او پينځه سوه درې څلويښت مړه کړي خو نيزدې اوه لکه او نهه اتیا زره ترې بېرته رغېدلي هم دي.   په همدې حال کې په پاکستان کې د کورونا وایرس مخنيوي لپاره د واکسينو کول هم روان دی. دا واکسين ۴۰ کلنو يا له دې څخه ډير عمر لرونکو کسانو ته کېږي. Читать дальше...

د عوامي‌ نېشنل ګوند پخوانۍ مشره بيګم نسيم ولي خان د ۸۸ کلونو په عمر د خیبر پښتونخوا په چارسده کې وفات شوه. د دغه ګوند وياند زاهد خان د مې په ۱۶مه مشال رېډيو ته وويل چې د هغې جنازه به نن په شپږ بجې په ولي باغ کې کېږي. نوموړې د زړه او شکرې ناروغي درلوده. عوامي نېشنل ګوند د بيګ نسيم ولي‌خان په مرګ د درې ورځني ماتم اعلان کړی دی. بيګم نسيم ولي‌خان درې ځل د پاکستاني پارليمان غړې پاتې شوې وه. نوموړې د خېبرپښتونخوا اولنۍ ښځه وه چې د ۱۹۷۷ کال په غیر ګوندي انتخاباتو کې یې ګډون وکړ او بریالۍ شوه. هغه... Читать дальше...

د افغانستان د ملي امنیت سلاکار وايي، د "دښمن" هدف قدرت ته د طالبانو رسول نه، بلکې د خپلې جغرافیې پراخول دي. حمدالله محب دغه خبرې پرون شنبه د ننګرهار په ګوشتې ولسوالۍ کې د وینا پر مهال وکړې. د ملي امنیت شورا وايي، ښاغلي محب یوې ولسي غونډې ته وویل چې د ګوشتې ولسوالۍ ټولو اوسېدونکو د امن او سولې لپاره له امنیتي او دفاعي ځواکونو سره همکاري کړې ده. ښاغلي محب ویلي چې د ولس په ویښتیا کې د ډیورند "فرضي" کرښې په دواړو غاړو کې د دیني عالمانو او ځوانانو نقش مهم دی. ښاغلي محب تر دې مخکې هم په خپلو خبرو... Читать дальше...