Новости за 03.11.2023

په بلوچستان ایالت کې د پاکستان د امنیتي ځواکونو پر کاروان د وسله‌والو برید ۱۴ کسان وژلي دي. په پاکستان کې د تاوتریخوالي د پېښو په دوام د دې هېواد پوځ نن ناوخته خبر ورکړ چې د بلوچستان ایالت په ګوادر ولسوالۍ کې د امنیتي ځواکونو پر کاروان په برید کې ۱۴ سرتېري وژل شوي دي. د پوځ د عامه اړیکو څانګې په یوه بیان کې وویل چې د امنیتي ځواکونو دوه موټر چې پوځي پرسونل په کې سپاره وو، په دې برید کې په نښه شوي دي. په بیان کې کومه ځانګړې ډله په دې برید نه ده تورنه شوې، خو دومره یادونه شوې چې دا یوه تروریستي حمله وه. Читать дальше...

د تیرې اونۍ پېښو ته کتنه

د پاکستان پوځ وايي، نن جمعه په بلوچستان ایالت کې د ناپېژانده وسله‌والو په برید کې ۱۴ پاکستاني پوځیان وژل شوي دي. د پاکستان د پوځ د عامه اړیکو له دفتر څخه په خپرې شوې خبرپاڼه کې ویل شوي، د پوځیانو دوه موټرې د بلوچستان په ساحلي سیمه کې له پسنۍ څخه اورمړې سېمې ته روان وو چې وسله‌والو پرې برید وکړ. ترواسه د برید مسوولیت کوم چا په غاړه نه دی اخیستی. خو بلوڅ بیلتون غوښتونکي وخت ناوخته په پاکستاني پوځیانو بریدونه کوي.

د اسراییل صدراعظم بنیامین نتنیاهو په غزې تړانګه کې د لنډمهاله اوربند پیشنهاد رد کړ او ویې ویلي چې د اسراییل تهاجمي عملیات به تر هغو روان وي چې حماس ډلې یرغل کړي کسان خوشې کړي نه وي. اسوشېټېډپرېس خبري اژانس راپور ورکړی چې نتنیاهو په دې اړه لنډه شېبه وروسته له هغې خبرې وکړې چې د امریکا د بهرنیو چارو له وزیر انټوني بلېنکن سره یې وکتل. بلېنکن نن تل ابیب ته ورسېد او په غزې تړانګه کې یې د اسراییل په تهاجمي عملیاتو کې د لنډمهاله وقفې غوښتنه وکړه، څو په سیمه کې بشري وضعیت بهتره شي. هغه همدا راز له... Читать дальше...

د هندوستان په لکنو ښار کې د کرکټ نړیوال جام ۳۴مه سیالي کې افغانستان د هالنډ لوبډلې ته ماتې ورکړه. هالنډ یا نیدرلینډ ټولو لوبغاړو په سوځېدو په ۴۷ اورونو کې ۱۷۹ منډې وکړې. یادې لوبډلې ته سېبرن اینجیل ښه ولوبېد چې ۵۸ منډې یې وکړې. د هالنډ په توپوهونکو کې نن څلور لوبغاړي رن اوټ شول. په افغان توپ اچونکو کې محمدنبي ۳، نور احمد۲ او مجیب الرحمت یوه وېکټ واخېسته. د افغانستان په لوبغاړو کې رحمت شاه او حشمت الله شهیدي پنځوسیزې وکړې او په دې سره یې د هالنډ لوبډلې ته ماتې ورکړه. دا د کرکټ په نړیوال جام روانو سیالیو کې د افغانستان څلورمه بریا ده.

که یو سړی ونه غږېږي، ونه ژاړي او ونه لیکي، نو څه باید وکړي چې غم یې کم شي؟ ومري یا وچوي؟ که له ما څخه پوښتنه وشي چې تر ټولو بدبخته څوک دی؟ زه وایم: کډوال که څوک له ما پوښتنه وکړي، تر ټولو بد حالت څه دی؟ زه وایم: کډوالي او زه په ریښتیا له لفظ سره کرکه لرم... په خپلې فېسبوکپاڼې مې ولیکل، هغه کسان چې په پاکستان کې دي د خپل وضعیت په اړه راته ولیکئ! د زحل په نامه یوه پېغله چې ۲۷ کاله عمر لري د خپلې کورنۍ سره پاکستان ته کډه شوي. د زحل خور او ورور د دې لپاره چې څارنوالان وو، د طالبانو... Читать дальше...

د خوړو نړیوال پروګرام او د ملګرو ملتونو د خوړو او کرنې اداره وايي، افغانستان د نړۍ یو له هغو اتو هېوادونو څخه دی چې د خوړو خوندیتوب نه لري. یادو ادارو د جمعې په ورځ په یوه نوي ګډ راپور کې چې 'د ۲۰۲۳ له نومبر څخه د ۲۰۲۴م تر اپرېل پورې د خوړو د شدید نه خوندیتوب لومړنی خبرداری' په نوم خپور شوی ویلي، افغانستان، د کانګو ډیموکراتیک جمهوریت، ایتوپیا، هایټي، پاکستان، سومالیا، سوریه او یمن هغه اته هیوادونه دي چې د خوړو د شدید نه خوندیتوب له امله د ډېرې لوړې اندېښنې لرونکو هېوادونو په توګه پېژندل شوي. ... Читать дальше...

د میډیا د خپلواکۍ لپاره کارکونکې نا حکومتي تنظیم فریډم نېټورک د تېرې اکتوبر میاشتې په خپل یو تازه رپوټ کې ویلي چې د پاکستان ریاست د خبریالانو په خوندیتوب کې پاتې راغلی.

له پاکستانه په ایستل کېدونکو بې اسناده کډوالو کې ګڼ ماشومان هم شامل دي چې د اوږد سفر پر مهال خوړو او روغتیايي خدماتو ته په لاسرسي کې له ستونزو سره مخامخ دي. یوشمېر میندې وايي چې ډېری ماشومان پر لاره ناروغه شوي دي او د درملنې پیسې نه لري. د اې اېف پي له ویډیو جوړ رپورټ.

اوکرایني چارواکو نن وویل چې روسیې تېره شپه د اوکراین پر ښارونو او بنسټونو د بې پېلوټه الوتکو په مرسته پراخې حملې کړې دي. دغو چارواکو خبرداری ورکړی چې مسکو ښايي تر ژمي مخکې خپلې حملې لا سختې کړي. د اوکراین ولسمشر ولودمیر زیلینسکي په خپله ایکس شبکه چې پخواني ټویټر نومېده نن جمعه لیکلي چې روسیې تېره شپه د 'شاهد' په نوم څلوېښت بې پېلوټه الوتکې توغولي دي. د هغه په وینا، د دغو الوتکو تر نیمايي زیاټې نسکورې کړای شوې دي. د فرانسې خبري اژانس په لیکنه، پر اوکراین د روسیې د جګړې له پیله د شاهد په نوم... Читать дальше...

په پاکستان کې یو شمېر افغان کډوال ادعا کوي چې له قانوني اسنادو له درلودلو سره سره د دغه هېواد د پولیسو له خوا شړل شوي او یا هم د ايستلو له ګواښ سره مخ دي. په داسې حال کې چې له پاکستان څخه د افغان کډوالو د ایستلو بهیر چټک شوی، په ياد هېواد کې یو شمېر کډوال ادعا کوي چې د پاکستان پولیس د دغه هېواد د حکومت د ژمنې خلاف هغه افغان کډوال چې په دغه هېواد کې د اوسېدو قانوني اسناد هم لري، له ياد هېواده شړي. زرغونه احمدي يوه افغان مدافع وکیله، چې په افغانستان کې د امنیتي ګواښونو له امله پاکستان تللې ده.... Читать дальше...

د خيبر پښتونخوا په ډېره اسماعيل خان کې په دوو بېلو چاودنو کې شپږ کسان وژل شوي او ۲۴ نور ژوبل شوي دي. د نومبر پر درېيمه لومړۍ چاودنه په ټانک اډه سيمه کې د پوليسو ګاډي ته نېږدې وشوه چې پکې پينځه عام وګړي ووژل شول او د دوو پوليسو په ګدون ۲۴ ژوبل شول. دويمه چاودنه په کلاچۍ سيمه کې د پوځ ګاډي ته نېږدې وشوه چې د پوليسو په وينا يو پوځي پکې ووژل شو. ويډيو رپورټ

له پاکستان څخه افغانستان ته د افغان کډوالو د ستنېدو لړۍ چټکه شوې ده. په تېرو څو ورځو کې په زرګونه افغان کډوال افغانستان ته ستانه شوي دي.

د اوکراین د بهرنیو چارو وزیر دمیترو کولیبا جرمني ته د سفر پر مهال، د روسي ځواکونو پر وړاندې د مبارزې لپاره خپل هېواد ته د لا زیات ملاتړ غوښتنه وکړه. دا په داسې حال کې ده چې په وروستیو کې په منځني ختیځ کې روان وضعیت ته د نړیوالو زیات پام اوښتی دی. کولیبا نن په برلین کې د خبرو پر مهال چې 'زیټ ډي ایف' تلوېزیون خپرې کړې، ویلي: "پر موږ اعتماد وکړ‎ئ او ملاتړ مو وکړئ، زموږ بریا به ستاسو بریا وي." د اوکراین د بهرنیو چارو وزیر په عین حال کې ټینګار وکړ، که څه هم پر اوکراین د روسیې یرغل ته د رسنیو پام... Читать дальше...

په داسې حال کې چې په غزه کې لا هم د اسراییل بمباري روانه ده، د امریکا د بهرنیو چارو وزیر نن تل ابیب ته ورسېد. د امریکا د متحدو ایالتونو د بهرنیو چارو وزیر انټوني بلېنکن، د غزې په جګړه کې پر بشري اوربند د ټینګار لپاره نن تل ابیب ته ورسېد. د رویټرز خبري اژانس د راپور له مخې، بلېنکن په دې سفر کې د اسراییل له صدراعظم بنیامین نتنیاهو سره د خبرو پر مهال په غزه کې ملکیانو ته د زیان اوښتو د کمېدو په باب خبرې کوي. په دې ځای کې د روانو جګړو له کبله د خوراکي موادو، سون توکو، اوبو او درملو کموالی احساسېږي. Читать дальше...

په هرات ولایت کې د افغان فلم د مدير فریدون فکوري یو شمېر خپلوان ادعا کوي چې فکوري د طالبانو د حکومت له خوا نیول شوی دی. دوی د جمعې په ورځ له ازادي راډيو سره په خبرو کې وويل چې ښاغلی فکوري د روانې اوونۍ د سه شنبې په ورځ شاوخوا یوه بجه وروسته له هغه چې له خپل دفتر څخه کور ته روان و، په هرات کې د طالبانو د حکومت د استخباراتو له ونیول شو. د فريدون فکوري يو خپلوان چې نه غواړي د امنيتي ستونزو له امله یې نوم په راپور کې ياد شي ازادي راډيو ته وويل چې د طالبانو حکومت تر اوسه د فکوري د نيولو د لامل په اړه د هغه کورنۍ او ملګرو ته ځواب نه دى ورکړى. Читать дальше...

د ټولنیزو رسنیو په لسګونه فعالانو، د کرکټ نامتو لوبغاړو او یو شمېر پېژندل شویو څېرو له پاکستانه خپل هېواد ته ستنو شويو افغان کډوالو سره له بېلابېلو لارو د مرستې راټولولو کمپاین پیل کړی دی. د ټولنیزو رسنیو یو شمېر کارونکو افغانستان ته ستونو شویو او ستنېدونکو افغان کډوالو سره د مرستې لپاره، د ټولنیزو رسنیو له لارې یو انلاین کمپاین پیل کړی دی. دوی په سوداګرو، خیریه بنسټونو او شتمنو خلکو غږ کړی چې له هغو کډوالو مالي ملاتړ وکړي چې خپل هرڅه یې په پاکستان کې له لاسه ورکړي. ذبیح الله، چې افغان کډوالو... Читать дальше...

نن د هندوستان په لکنو ښار کې د کرکټ نړیوال جام ۳۴مه سیالي د افغانستان او نیدرلینډ لوبډلو ترمنځ روانه ده. نیدرلینډ د ټولو لوبغاړو په سوځېدو په ۴۷ اورونو کې ۱۷۹ منډې وکړې. یادې لوبډلې ته سېبرن اینجیل ښه ولوبېد چې ۵۸ منډې یې وکړې. د نیدرلینډ په توپوهونکو کې نن څلور لوبغاړي رن اوټ شول. په افغان توپ اچونکو کې محمدنبي ۳، نور احمد۲ او مجیب الرحمت یوه وېکټ واخېسته. که افغانستان نننۍ سیالي وګټي، نو د نومرو مجموعه به یې ۸ ته لوړه شي او نیمه پایلوبې ته به لا نېږدې شي.

د نومبر پر دویمه د بلوچستان کرندګرو له هغې صوبې څخه د پاکستان نورو برخو ته تلونکې لارې تړلې وې او د اوبو او برېښنا چارو له ادارې (واپډا) څخه یې وغوښتل چې د ورځې دې ورته تر اتو ساعتونو پورې د بجلۍ ورکولو ژمنه عملي کړي. دوی وايي، د زیات لوډشیډنګ له وجې پر وخت اوبه خور نه شي کولای او فصلونه او باغونه یې له خطر سره مخامخ دي. په کوټه کې د واپډا چارواکي وايي چې کروندګر او باغوانان د برېښنا بېلونه نه پرې کوي نو ځکه ورته زیاته بجلي نه ورکوي. ویډیویي رپورټ.

په داسې حال کې چې په زور له پاکستانه د کډوالو د ویستلو لړۍ روانه ده، ملګرو ملتونو یو وار بیا له پاکستانه غوښتي چې د هغو افغانانو ملاتړ ته دوام ورکړي چې د خپل ژوند د خوندیتوب لپاره دې هېواد ته تللي دي. د دې سازمان د سرمنشي ویاند سټیفن دوجاریک تېره ورځ په یو خبري کنفرانس کې ټینګار وکړ چې خپل هېواد ته د کډوالو بېرته ستنېدل باید په خپله خوښه وي نه د جبر او زور له لارې. نوموړي وویل چې د ملګرو ملتونو د کډوالو عالي کمېشنرۍ یا 'یو این ایچ سي آر' پاکستان ته ډاډ ورکړی چې دوی به د دغه کډوالو د مدیریت او... Читать дальше...

د پاکستان یو چارواکی وايي چې نن پر ډیورند کرښه ځینې نور مرکزونه هم پرانیستل شول چې له پاکستانه د لسګونو زرو افغان کډوالو د ایستلو بهیر ګړندی کړي. په خیبر کې د کمېشنر مرستیال عبدالناصر خان رویټرز اژانس ته ویلي، پر تورخم دروازه چې ډېر کډوال ورڅخه افغانستان ته اوړي، د دغو مرکزونو شمېر درې برابره زیات شوی دی. هغه زیاته کړې چې تر اوسه شاوخوا ۲۰زره کسان د تورخم له لارې افغانستان ته ستانه شوي دي. د رویټرز د خبر له مخې د چمن له لارې بیا تر ۳۵زره ډېر بې اسناده افغانان، خپل هېواد ته ستانه شوي دي. په... Читать дальше...

په پاکستان کې د پولیسو چارواکي وايي چې نن سهار په دېره اسماعیل خان کې د ټانک اډې سره نږدې چاودنه کې پنځه کسان وژل شوي او د درېیو پوليسو په شمول ۲۱ کسان ژوبل شوي دي. د ژغورنې ډلې وايي، په ژوبلو کې د ترافیکو یو پولیس او يوه ښځه شامله ده. د پولیس چارواکو په خبره، دا چاودنه نن هغه وخت وشوه چې ټانک اډې سره د پوليسو د ګزمې موټر په تېرېدو و. پوليس چارواکي وايي چې د چاودنې د څرنګوالي په باب پلټنې پيل شوې دي. تر دا مهاله د دې چاودنې مسوولیت چا نه دی منلی.

د افغان ښځو، نجونو او بشري حقونو لپاره د امریکا د متحدو ایالتونو ځانګړې استازې رینا امیري وايي، له پاکستانه یې د افغان کډوالو د اخراج پر عواقبو په واشنګټن ډي سي کې د پاکستان له سفیر مسعود خان سره خبرې وکړې. مېرمن امیري نن سهار په خپله اکس شبکه کې لیکلي، افغانستان ته د ایستل کېدونکو افغان کډوالو اضطراري وضعیت د بررسۍ لپاره له خان سره د کتنې هرکلی کوي. د هغې په وینا، په دې کتنه کې یې پر ښځو او نورو زیانګالو ډلو د دې اخراج د اغېزو په باب بحث وکړ چې افغانستان ته تر ستنېدو وروسته له څه ډول خطراتو او چلنجونو سره مخامخېږي. Читать дальше...

د طالبانو یوې مخالفې ډلې، د افغانستان د ازادۍ جبهې په بغلان ولایت کې د طالبانو د استخباراتو پر ریاست د حملې ادعا کړې ده. دغې ډلې په یوه خبرپاڼه کې ویلي، تېر ماښام په دې حمله کې د طالبانو د یوه مدیر په ګډون د دوی د استخباراتو ۴ کارکوونکي وژل شوي او دوه نور طالبان ټپیان شوي دي. خپلواکو سرچینو دغه ادعا تایید کړې نه ده او طالبانو هم په دې باب څه نه دي ویلي.

د ملګرو ملتونو د خوړو نړیوال پروګرام وايي، په ژمي کې د کورنیو د لاسنیوي لپاره ۴۰۰ میلیون امریکايي ډالرو ته اړتیا لري. د دې ادارې د افغانستان څانګې نن په خپله ایکس شبکه کې لیکلي، په افغانستان کې سخت ژمي ته یوازې یو څو اوونۍ پاتې چې له کبله به یې په غرنیو سیمو کې د واورو او کنګلونو له کبله د خلکو د تګ راتګ لارې تړلې وي. د افغانستان په سړو سیمو کې هر کال د واورې له اورېدو سره عمدتاً مواصلاتي لارې تړل کېږي او زیاتې کورنۍ په سختۍ د اړتیا وړ خوراکي مواد ترلاسه کوي.