Новости за 15.01.2025

په دې خپرونه کې مو په هلمند کې د بست کلا ته له پيدا شویو ګواښونو خبرو. دا به هم واورئ چې په افغانستان کې د ناول لوستونکي زیات شوي. د شعر نقد لرو او په پاکستان کې مو د لسګونو میشتو افغان هنرمندونو کډوالو له اندیښنو خبرو.

موسیقي په کلتور او ټولنیز ژوند کې څه رول لوبوي؟ د دې او نورو پوښتنه ځوابونه به د ملالۍ بشیر په کوربه توب د دې ځل په (پوښتنه: هره موضوع له بېلې زاویې) خپرونه کې له نومیالي سندرغاړي هارون باچا څخه واورئ.

د طالبانو حکومت د افغانستان او پاکستان تر منځ د سرحدي بازارونو د جوړولو وړاندیز رد کړی دی. د پاکستاني رسنیو د راپور له مخې، د دې هیواد له لوري ایران او افغانستان سره د سرحدي بازارونو د جوړولو وړاندیز شوی و چې افغانستان دغه وړاندیز رد کړی دی.

د امریکا د کېلېفورنیا ایالت په لاس اېنجلس کې د جنورۍ له اوومې راهیسې لګېدلی اور نورو سيمو ته هم غځېدلی دی. د چارواکو په وينا، د جنورۍ تر ۱۴مې پورې هغه اور زرګونه کورونه تباه کړي او لږترلږه ۲۴ کسان يې وژلي دي. د رويټرز خبري اژانس له ويډيوګانو جوړ رپورټ

په پکتیا ولایت د څمکنیو ولسوالۍ ځینې اوسېدونکي او د ښوونیزو مرکزونو مسؤلین ادعا کوي چې ځايي طالب چارواکو په دغه ولسوالۍ کې له تېرو دوو ورځو راهیسې د یو شمېر ښوونیزو مرکزونو او کورسونو فعالیتونه ځنډولي دي.

د شمالي‌کوریا پوځیان چې د اوکراین پر وړاندې د روسي ځواکونو ترڅنګ جنګېږي د اوکرایني پوځیانو له لوري نیول کېدو وروسته وایي، ورته ویل شوي وو چې «نظامي تمریناتو» ته لېږل کېږي، خو د رښتیا جګړې میدان ته یې لېږلي وو. د اوکراین پوځ د شمالي کوریا د ځینو هغو سرتېرو ویډیوګانې خپرې کړي چې تازه نیول شوي دي.

د دې اوونۍ "د مشال تر رڼا لاندې" کې په ۲۰۲۵ز کال کې د پاکستان د اقتصاد د ممکنه وضعيت جاج اخیستل شوی دی. دا هېواد له تېرو څو کلونو راهیسې له سخت اقتصادي بحران سره مخامخ دی چې د ښه کولو لپاره يې اسلام اباد د مالیې نړيوال صندوق (ای اېم اېف) څخه د پورونو تړون هم لاسليک کړی دی.

بصیر هغه ۴۱ کلن سړی دی چې تازه له نشې خلاص شوی دی. دی وایي ۲۳ کاله مخکې ایران کې د کډوالۍ پر مهال په نشه يي توکو اخته شو او په دې موده کې یې “کورنۍ او هر څه” وبایلل.

د جنورۍ پر نهمه په سنجيدي کې د کويلې په یو کان کې د ګیس چاودنې له امله هغه کان ونړېد چې ۱۲ مزدوران تر لاندې شول. وروسته ژغورونکو ډلو د هغوی د ایستلو عمليات پيل کړل او وروستی مړی يې د جنورۍ پر ۱۴مه وایست.

د کراچۍ بندر مزدورانو د هغوی د چارو لپاره د ډاک لېبر بورډ په نوم د ځانګړې ادارې د ختمېدو پرضد مظاهره کړې ده. د جنورۍ ۱۴مې په مظاهره کې سلګونه مزدورانو ګډون وکړ او و یې ویل چې په ډاک لېبر بورډ کې ۲،۷۰۰ تنه کار کوي او وفاقي حکومت ویلي دي چې د اپرېل تر ۳۰مې پورې ټوله اداره ختموي. ډاک لېبر بورډ په ۱۹۷۳ز کال کې جوړ شوی وو چې پکې هغه مهال ۹،۰۰۰ مزدوران راجسټر ول. د پاکستان د مالیې وزیر د جنورۍ پر اتمه ویلي ول چې یوه ځانګړې کمېټي د ۴۰۰ ادارو جاج اخلي او له تاوان سره مخامخې هغه به ختموي. د پاکستان حکومت... Читать дальше...

د پاکستان د پولیو مخنیوي پروګرام وايي، د سیند په جیکب اباد ښار کې یو ماشوم ګوزڼ وهلی دی. هغې ادارې د جنورۍ پر ۱۴مه پر خپله ووبپاڼه په بيان کې ويلي دي چې د روغتیا ملي ادارې (نیشنل هېلت انسټيټیوټ یا اېن ای اېچ) د جیکب اباد په یو نارینه ماشوم  کې د پولیو وایرس تایید کړ. د پولیو مخنیوي پروګرام وايي چې د هغه هلک د وینې نمونې د ډېسېمبر پر ۲۷مه لېبارټرۍ ته استول شوې وې نو ځکه دا پېښه په ۲۰۲۴ز کال کې حسابوي چې ورسره سم تېر کال په پاکستان د پولیو د پېښو شمېر ۷۱ ته لوړ شوی دی. د پولیو مخنیوي پروګرام وايي... Читать дальше...

له کراچۍ سره نېږدې په یو کلي عبدالله ګوټ کې تر لسیزو پورې ښوونځی نه وو. هلته اوس یو سکول شته، خو چلوونکې او ښوونکې یې وايي چې کور په کور وګرځېدې چې میندې او پلرونه د تعلیم له ارزښته خبر کړي. دوی وايي، اوس ماشومان ښوونځي ته ځي، خو د مالي مشکلاتو له وجې کار کولو ته هم اړ دي. په پاکستان کې لکونه ماشومان د بې وزلۍ له وجې له زده کړو بې برخې دي. د اې اېف پي له ویډیو جوړ رپورټ.