د مسکو محکمې د بشري حقونو د ملاتړ کوونکو ادارو اتحاديه جریمه کړه
دا پنځلسم وار دی چې د دې اتحادیې پر ضد د جریمي حکم کېږي.
په روسیه کې د بهرنیو اېجنټانو په نوم د خاص قانون له مخې چې په ۲۰۱۲ میلادی کال کې توشېح شو، هره غیر حکومتي اداره باید د خپلو بهرنیو تمویلوونکو په اړه حکومت ته معلومات ورکړي.
د بشري حقونو د څارنې نړیوال سازمان هیومن رایټس واچ په ۲۰۱۷ میلادي کال کې دا قانون په روسیه کې د غیر دولتي ادارو لپاره سخت ځپونکی بللی و.
د مسکو محکمې پرون حکم وکړ چې د بشري حقونو د ملاتړ کوونکو ادارو اتحاديه باید ۴۶۵۰ ډالر او د دې ادارې مشر باید ۱۵۵۰ ډالر جریمه پرې کړي.