د تورسمندرګي غاړې هېوادونو ته امریکا دفاع وزیر سفر؛ استېن ګرجستان ته ورسېد
نوموړی به په دې سفر کې له خپلو دغو متحدو او شریکانو سره چې د روسیې له تېري سره مخامخ دي، خپل ملاتړ څرګند کړي.
دا له ۲۰۱۴م کال راهیسې لومړی ځل دی چې د امریکا یو دفاع وزیر ګرجستان ته ځي.
استېن به وروسته اوکرائین او رومانیا ته لاړ شي او د اکټوبر په ۲۱مه او ۲۲مه به په پروکسل کې د ناتو د دفاع وزیرانو په غونډه کې ګډون وکړي.
د امریکا د دفاع وزارت اړوند یوې رسنۍ د دې وزارت د یوه چارواکي له قوله ويلي چې متحده ایالات به د هغو هېوادونو چې د روسیې د یرغل په لومړۍ کرښه کې پراته دي، پر ملي حاکمیت د ټینګار ترڅنګ هغوی ته د ملاتړ ډاډ ورکړي.
ګرجستان چې په اوس وخت کې د ناټو د شریک موقف لري، هڅه کوي چې د دې ټړون غړی شي.