Новости за 30.09.2021

Интихоби раиси Иттифоқи касабаи кормандони маориф дар Тоҷикистон рӯзи 30-юми сентябр ҷанҷолбарангез шуд. Муовини вазири маориф мехост, раиси навро "бо мувофиқа" ва дар ҳузури вазири маориф ва раиси Федератсияи Иттифоқҳои касабаи ҷумҳурӣ интихоб кунанд, аммо вакилони анҷуман напазируфтанд.

30-юми сентябр дар Тоҷикистон Рӯзи Ҷалолиддини Балхӣ, аз намоёнтарин суханварони форсу тоҷик, таҷлил шуд, ки дар қарни 13 такони бузурге ба адабиёт ворид кардааст.

30-юми сентябр дар Тоҷикистон Рӯзи Ҷалолиддини Балхӣ, аз намоёнтарин суханварони форсу тоҷик, таҷлил шуд, ки дар қарни 13 такони бузурге ба адабиёт ворид кардааст.

Ҳикматулло Сайфуллозода, рӯзноманигор ва узви зиндонии ҳизби дар Тоҷикистон мамнӯи наҳзати исломӣ, дар қисми тиббии маҳбаси шаҳри Ваҳдат "захмӣ шудааст". Пайвандонаш гуфтанд, ба иттилои гирифтаи онҳо, як маҳбус нимашаб ба сари ӯ бо чойник задааст, аммо ангезааш маълум нест.

Гуруҳе аз паноҳҷӯёни афғон дар марзи Тоҷикистон мегӯянд, баъд аз таҳдидҳои "Толибон" хаймаҳояшонро канданд ва зери осмони бозу ҳавои сард зиндагӣ мекунанд.

Як намояндаи Вазорати корҳои хориҷии Русия аз Тоҷикистон ва ҳукумати "Толибон", ки назорат бар Афғонистонро ба даст дорад, хост, "роҳҳои аз байн бурдани шиддати вазъ дар сарҳадро" ҷустуҷӯ кунанд.

Президенти пешини Фаронса, Николя Саркозӣ, ба як сол зиндон маҳкум шудааст. Додгоҳ рӯзи 30-юми сентябр ӯро ба сарфи ғайриқонунии маблағ дар маъракаи интихоботии соли 2012 гунаҳкор донист.

Масъулони ширкати амрикоии EPAM гуфтаанд, марде, ки аввали ҳафта аз тарафи нирӯҳои амниятии Беларус дар ҷараёни ҳамла ба хонааш дар Минск кушта шуд, корманди онҳо буд.

Ким Чен Ун, раҳбари Кореяи Шимолӣ, мегӯяд, моил аст, хатти телефонӣ бо Кореяи Ҷанубиро аз аввали моҳи октябр барқарор кунад, аммо пешниҳоди Амрикоро барои гуфтугӯ бидуни тағйири "сиёсати душманона"-и Иёлоти Муттаҳида намепазирад.

Ҳукумати Русия номи се расонаи маъруф ва 22 шахси дигарро ба феҳрасти "агенти хориҷӣ" илова кард. Мунтақидон чунин рафтори мақомотро саркӯби расонаҳои мустақил ва ҷомеаи шаҳрвандӣ дар Русия медонанд.

Додгоҳи шаҳри Ваҳдат як ҷавонзани 31-соларо бо ҷурми ширкат дар ҷангҳои бегона ба 12 соли зиндон маҳкум кард. Мақомот Олима Камоловаро ба он айбдор мекунанд, ки ба Афғонистон рафта, дар минтақаи таҳти нуфузи ДОИШ ҷангидааст.

Додгоҳи шаҳри Ваҳдат як зани 31-соларо бо гуноҳи ширкат дар ҷангҳои “бегона” ба зиндон маҳкум кард. Мақомот гуфтанд, Олима Камолова дар минтақаи зери нуфузи ДОИШ дар Афғонистон “ҷангидааст”. Камолова дар додгоҳ ба бегуноҳияш пофишорӣ кард ва гуфт, ҳеч гоҳ дар ҳайати гуруҳҳои тундрав “наҷангидааст”.

Пулиси Исроил рӯзи 30-юми сентябр гуфт, як зани фаластиниро, ки гуё дар Шаҳри Кӯҳнаи Байтулмуқаддас ба онҳо ҳамла кардааст, паронданд.

Кормандони Хадамоти амнияти давлатии Узбекистон мардеро боздошт карданд, ки 23 сол боз бо гумони даст доштан дар ҳамлаҳои террористии 16-уми феврал ва 30-юми марти соли 1999 дар шаҳри Тошканд ҷустуҷӯ мешуд.

Як мансабдори баландпояи ҳарбии Амрико гуфт, шабакаи "Ал-Қоида" ва гуруҳи "Давлати исломӣ" ё ДОИШ бузургтарин таҳдид барои Иёлоти Муттаҳида ҳастанд.

Дар нишасти изтирорӣ ё фавқулодаи бист кишвари саноатии ҷаҳон (G20) дар Итолиё масъалаи Афғонистонро баҳс хоҳанд кард.

Фаъоли маданӣ ва яке аз танқидгарони ҳукумати Туркманистон Дурсултон Таганова, ки дар Туркия дастгир гашта буд, аз боздоштгоҳи муваққатии шаҳри Истанбул барои шаҳрвандони хориҷӣ озод карда шудааст.

Дар Қирғизистон ба хомӯш кардани чароғҳои камаҳамияти кӯчаҳо дар шабонгоҳ шуруъ карданд.

Валентина Казакова, як мансабдори Вазорати корҳои дохилии Русия, ҳушдор дод, ки баъди 30-юми сентябр пулис метавонад, нисбат ба муҳоҷирони ғайриқонунӣ иқдом кунад.

Ллойд Остин, вазири дифои Амрико, аз сарнавишти халабонҳо ва низомиёни афғон изҳори нигаронӣ кард, ки дар Тоҷикистон мунтазири интиқол ба кишвари дигаре ҳастанд.

Камбизоатӣ нагузошт, Орзу, ҷавоне аз шаҳри Кӯлоб ба орзуяш, ки донишҷӯ шудан буд, бирасад. Достони зиндагии ӯро дар ин видео бинед.

Фаъолон ва мунтақидони ҳукумати Туркманистон дар хориҷ аз ин кишвар ба эътироз зидди ҳукумати президент Қурбонқулӣ Бердимуҳаммадов шуруъ карданд. Иқдомҳои эътирозӣ рӯзи 28 сентябр назди бинои СММ дар Ню-Йорк шуруъ шуда, 29 сентябр пушти дари намояндагии СММ дар Женева идома карданд. Ширкатдорони эътирозҳо талош доранд, ки таваҷҷуҳи ҷомеаи ҷаҳониро ба мушкили мардуми Туркманистон ҷалб созанд. Эътирозгарон дар талош ҳастанд, ки таваҷҷуҳи ҷомеа ба вазъи паҳншавии вабои коронавирус дар Туркманистон... Читать дальше...

Дастаи мунтахаби занонаи футболи Тоҷикистон, ки дар бозии охиринаш дар мусобиқаи интихобии Ҷоми Осиё-2022 дар гурӯҳи «В» аз тими миллии Ветнам бо ҳисоби бузурги 0:7 шикаст хӯрд, аз ҳаққи ширкат дар қисми ниҳоии мусобиқа маҳрум гашт. Бозии даври севум ва охирини мусобиқаи интихобии қаҳрамонии Осиё-2022 дар гурӯҳи «В» миёни дастаҳои мунтахаби Тоҷикистон ва Ветнам шоми чоршанбе, 29-уми сентябр, дар Варзишгоҳи марказии Душанбе баргузор шуд. Ветнамиҳо дар нимаи аввали дидор ду гол ва дар нимаи дувум панҷ гол ба самар расониданд... Читать дальше...

Дар вокуниш ба ҳазфи барномаҳои "Russia Today' ба забонии олмонӣ, ҳукумати Русия рӯзи чаҳоршанбеи 29-уми сентябор таҳдид кард, ки мумкин аст канали "Ютуб"-ро бандад ва дар нисбати расонаҳои олмонӣ низ чораҳои ҳамсон анҷом диҳад.

Рӯзноманигорон ва ҳомиёни ҳуқуқи Қазоқистон аз президент ва порлумони он кишвар даъват доранд, то лоиҳаи қонуне, ки бастани шабакаҳои иҷтимоиро иҷозат медиҳад, қабул карда нашавад. Муаллифони муроҷиатнома, ки тавассути сомонаи "Avaaz.org" имзо ҷамъоварӣ мекунанд, мегӯянд, "лоиҳаи мазкур барои таъқиб, назорати интернет ва ҷорӣ кардани сензура дар Қазоқистон равона шудааст". Порлумони Қазоқистон 15-уми сентбр лоиҳаи қонунеро дар қироати аввал қабул кард, ки моликони онлайн-платформаҳоро вазифадор мекунад... Читать дальше...