Новости за 23.03.2023

Номи забони давлатӣ дар Молдова аз "молдованӣ" ба "руминӣ" иваз шуд. Қонунро дар ин бора раисиҷумҳур Майя Санду рӯзи 22-юми март имзо кард.

Чаҳор марду як занро дар Эрон ба иттиҳоми ҳамкорӣ ва ҷосусӣ ба фоидаи Исроил ба қатл маҳкум карда, панҷ каси дигарро ба муддатҳои дароз ба зиндон андохтаанд.

Оқомуҳаммади Хоксор ду сол боз ҷашни Наврӯзро дур аз зодгоҳаш, Афғонистон, таҷлил мекунад. Замоне ки Толибон ҳукуматро ба даст гирифтанд, ба Узбекистони ҳамсоя кӯчид. Ҳамоҳангсози як ширкат аст, вале мегӯяд, оромиш надорад. Гузориш аз Наврӯзи паноҳҷӯён дар Тирмизи Узбекистон.

Муҳаммадӣ Раҳматуллоро, ки замоне “раҳбари салафиҳои Тоҷикистон” номбар мешуд, дигарбора ба 8 сол зиндон маҳкум кардаанд. Мақомот шарҳ намедиҳанд. Пайвандонаш гуфтанд, ҳукмро Додгоҳи ноҳияи Исмоили Сомонии Душанбе содир кард. Вай қаблан низ ба ҳашт сол зиндон маҳкум шуда, дертар афв гардид.

Тарроҳони тоҷик барои хонумон пироҳанҳои баҳориро пешкаш кардаанд.

Дар заминларзаи шаби 23-юми март даҳҳо хона ва иншооти ёрирасон дар ноҳияи Кӯҳистони Мастчоҳ хароб шудааст. Масъули як деҳаи он мегӯяд, сесад хона зарар дид ва беш аз сад чорво нобуд шуд. Мақомот зиёни умумиро нагуфтаанд.

Заминларза сокинони деҳаи Палдораки Кӯҳистони Мастчоҳро аз хонаҳояшон берун кард; рӯҳонии тоҷик Муҳаммадии Раҳматулло бори дигар маҳкум шуд; оғози моҳи Рамазон ва таҷлили Наврӯз.

Саиднодир Ҳайдаров, сокини 34-солаи Кӯлоб, серкор аст. Талабгорони най, дутор, чанг ва дафу таблаки сохтааш дар айёми Наврӯз афзуда. Ӯ бояд ба чӯбҳои беҷон шаклу рӯҳу садо бахшад. Идомааш дар навор.

Космодром ё пойгоҳи кайҳонии Байконури Қазоқистон бо таърихи кайҳоннавардии Шӯравӣ ва таърихи муосири кайҳоннавардии Русия пайвандии амиқ дорад. Аммо аз солҳои 90-уми асри гузашта "Байкодром" ҷудошавиро аз Русия шуруъ кард.

Додгоҳи ноҳияи Якуми майи шаҳри Бишкек рӯзи 22-юми март муҳлати ҳабси пешакии фаъоли шаҳрвандӣ Ирис Жекшеналиевро дароз кард.

Иҷрокунандаи вазифаи муовини сарвазири ҳукумати Толибон Мулло Абдулғанӣ Бародар гуфт, Афғонистон омода аст, тарҳи сохтмони наҳри Қуштеппаро аз дарёи Ому "дар асоси ҳамдигарфаҳмӣ бо Узбекистон" амалӣ кунад.

Раиси ҷумҳури Русия аз мақомоти кишвараш хостааст, гирифтани шаҳрвандӣ ва иҷозаи кору зиндагиро барои хориҷиҳо “бояд содда ва рақамӣ кунанд, то барои ҳама фаҳмо бошад”.

Интизор меравад, рӯзи 23-юми март Шоу Зи Чун, мудири кулли шабакаи иҷтимоии TikTok, дар Кумитаи энержӣ ва тиҷорати Маҷлиси намояндагони Амрико гувоҳӣ диҳад. Суоли муҳимтарине, ки вакилонро ташвиш медиҳад, пайванди эҳтимолии ин апп ё замима бо ҳукумати Чин аст.

Чехия манъи додани визаро ба шаҳрвандони Русия ва Беларус як соли дигар, то охири моҳи марти соли 2024, дароз кард. Ин тасмимро ҳукумати Чехия кишвар рӯзи 22-юми март гирифт.

Рӯзҳои 24-26-уми март дар пойтахти Гурҷистон – Тбилиси - мусобиқаи байналмилалии ҷудо “Tbilisi Grand Slam 2023” баргузор мешавад.

Дар заминларзаи шаби 23-юми март даҳҳо хона ва иншооти ёрирасон дар ноҳияи Кӯҳистони Мастчоҳ хароб шудааст.

Дар остонаи моҳи Рамазон дар шаҳри Туркманбошии Туркманистон кӯдакони зиёде ба дари хонаҳо рафта, шеъри "Ман-Рамазон"-ро месароянд.

Варзишгарони тоҷик дар мусобиқоти қаҳрамонии бокси ҷаҳон миёни занон, ки дар шаҳри Деҳлии Ҳиндустон ҷараён дорад, аз ҳаққи идомаи мубориза барои медал ва ҷоизаи молӣ маҳрум шуданд.

Дар шаҳри Ишқободи Туркманистон рӯзи 15-уми март се узви як хонаводаро куштаанд. Бо гумони даст доштан дар ҳодиса ду мард боздошт шуд.

Номзадҳои худпешбар дар шаҳрҳои Алмаато, Чимкент, Урал ва Қарағандаи Қазоқистон гуфтанд, бо натиҷаҳои интихоботи порлумонӣ розӣ нестанд. Онҳо аз тақаллубкориҳои зиёд ва қонуншиканиҳо дар рӯзи интихобот шикоят доранд.

Кумитаи давлатии амнияти миллии Қирғизистон шаш мансабдори баландпояи Хадамоти гумруки он кишварро бо гумони таъсиси шабакаи устувори ғайриқонунии воридоти мол аз Чин боздошт кардааст.

Дастаи мунтахаби миллии футболи Тоҷикистон бо роҳбарии сармураббӣ Петр Сегрт, мутахассиси хорватӣ, рӯзи чоршанбеи 22-юми март барои баргузор кардани бозии дӯстона бо тими миллии Имороти Муттаҳидаи Араб ба шаҳри Абузабӣ расид.

Энтони Блинкен, котиби давлатии ИМА аз кишварҳои узви Додгоҳи Байнулмилалии Ҷиноӣ дар Гаага хост, дастури ҳабси президенти Русия Владимир Путинро иҷро кунанд.

Паноҳандагони афғонистонӣ ҷашни Наврӯзро дар сафорати Афғонистон дар Душанбе бо намоиши “ҳафтмева” таҷлил карданд. Шиква доранд, ки Толибон ду сол боз иҷозат намедиҳанд, Наврӯз дар ватанашон оммавӣ ҷашн гирифта шавад. Чизе, ки ба гуфтаи баъзе аз паноҳандагон онҳоро “ҷигархун” мекунад.