Новости за 03.07.2018

Orsýetde bilim alýan türkmen talyplary özleriniň türkmen banklaryndan alan VISA kartlary bilen bagly kösençlikleriň dowam edýändigini habar berýärler. Efirde adynyň atlandyrylmazlygyny sorap, Azatlyk Radiosy bilen Orsýetden habarlaşan türkmenistanly bir talyp özüniň kartyndan alyp bilýän pulunyň juda çäklidigini gürrüň berdi. Üstesine, ol talyplaryň plastik kartlaryny bankomat “ýuwudan” halatynda özleriniň juda çykgynsyz ýagdaýlara duçar bolýandygyny, şeýle ýagdaýlarda türkmen banklarynyň örän çylşyrymly çykalgalary maslahat berýändigini aýtdy.

“New York Times” gazetiniň ýazmagyna görä, ABŞ-nyň prezidenti Donald Tramp NATO ýaranlarynyň birnäçesine, şol sanda Belgiýanyň, Kanadanyň, Germaniýanyň we Nowegiýanyň liderlerine hat iberip, olaryň goranyş üçin edýän çykdajylarynyň juda azdygyny aýdypdyr.

Üç hepde mundan ozal Owganystanyň Badgys welaýaty bilen Mary – Serhetabat (ozalky Guşgy) – Tagtabazar türkmen serhedinde ýüze çykan atyşykda 25-e golaý türkmen esgeriniň wepat bolandygy habar berilýär. Bu barada Azatlygyň Türkmenistandaky habarçysy maglumat berdi.

Adamy azatlykdan mahrum etmek üçin iň aýylganç ýerleriň biri - Aşgabadyň Arzuwdaky saklap-seçiş tussaghanasydyr, bu ýere günde we yzygiderli häsiýetde, sistemanyň işgärleriniň öz sözi bilen aýdylanda, tussaglaryň üpjünçiligi amala aşyrylýar diýip, Azatlyk Radiosynyň Türkmenistandaky habarçysy aýdýar. Arzuw näme?  "Arzuw" - Türkmenistanyň Içeri işler ministrliginiň Aşgabadyň eteginde demirgazyk tarapynda ýerleşýän deslapky tussaghanasynyň il içindäki ýörgünli ady. Häzirki wagtda bu tussaghana paýtagtyň çäginde... Читать дальше...

Ermeni tüçjary we syýasatçysy Gagik Tsarukiýanyň howpsuzlyk gullugynyň başlygy tussag edildi. Bu barada Ermenistanyň Derňew edarasy maglumat berdi. Sona Truziýanyň Azatlyk Radiosyna beren maglumatyna görä, Eduard Babaýan adamyň saglygyna bilkastlaýyndan agyr şikesleri ýetirmekde aýyplanýar. Mundan başga, goşmaça maglumat berilmedi. Tsarukiýan Gülleýän Ermenistan partiýasynyň we parlamentdäki Tsarukiýan blogunyň lideridir. Mundan bir hepde töweregi ozal, Ermenistanda ýurduň ozalky prezidenti... Читать дальше...

Russiýanyň daşary işler ministri Sergeý Lawrow ABŞ-nyň Respublikan partiýasyndan kongresmenleriň, 16-njy iýulda geçmeli sammitiň öňüsyrasynda Russiýa sapar bilen gelmegi, “wagt taýdan ýerlikli” bolandygyny, şeýle-de iki ýurduň kanunçykaryjylarynyň arasyndaky gatnaşyklary ösdürjekdigini aýtdy. Şu hepde ABŞ-nyň kongresmenleri Russiýa sapar edýärler. Olar iki ýurduň, soňky döwür dartgynlaşan, gatnaşyklaryny ösdürmäge we dört ýyl mundan ozal Moskwa girizilen sanksiýalaryň rus ykdysadyýetine ýetiren täsirini synlamaga gelendiklerini mälim etdiler.

Pakistanyň günorta-günbatar we demirgazyk-günbatar sebitlerinde biri-birinden aýry amala aşyrylan hüjümlerde ýurduň ýarym-harby güýçleriniň hataryndan alty adam, şeýle-de iki polisiýa işgäri öldürildi. Bulujystan welaýatynda jeňçileriň ýarym harby güýçleriniň kerwenini oka tutanda, başga-da iki adam ýaralandy. Awaran etrabyndaky hüjümiň jogapkärçiligini  hiç bir topar öz üstüne almady. Demirgazyk Waziristan tire-taýpalar regionynda amala aşyrylan hüjümde bolsa, hökümet resmisi we bir polisiýa ofiseri ýaralandy.

Türkiýede dürli saý-sebäp bilen Türkmenistanyň Stambuldaky konsolhanasyna işi düşýän türkmen migrantlary soňky döwürlerde ençeme güne çekýän nobatlar sebäpli, ol ýerde işiniň bitmäni kösenýändigini habar berýär.

Sişenbe güni ir bilen Azerbaýjanyň ähli sebitlerinde elektrik togy kesildi. Bu aralykda, resmiler toguň üpjünçiliginiň ýurt boýunça dikeldilip başlanandygyny habar berdiler. Resmiler toguň kesilmegine Mingaçewir şäherindäki elektrik stansiýasynda dörän partlamanyň sebäp bolandygyny aýtdylar. Prezidentiň edarasy adatdan daşary yssy howa sebäpli adamlaryň köpçülikleýin ýagdaýda sowadyjylary işledendigini, munuň hem elektrik stansiýasyndaky partlama getirendigini maglumat berdi. Bu günler Azerbaýjanda howanyň yssylygy 40 gradusdan hem aşýar.

Şu ýylyň dowamynda Liwiýadan Ortaýer deňziniň üsti bilen Ýewropa aşmakçy bolan müňe golaý adam gark bolup, öldi. Bu barada Migrasiýa boýunça Halkara Guramasy maglumat berýär. 204 adam soňky diňe birnäçe günüň dowamynda heläk bolupdyr. Muňa gaçakçylaryň pes hilli gaýyklary sebäp bolupdyr. “Deňizde ölýänleriň sany hopukdyryjy derejede artýar” diýip, guramanyň resmileri aýtdylar.

Kreml rus prezidenti Wladimir Putiniň ABŞ-ly kärdeşi bilen gepleşikleriniň dowamynda “ähli” meseleler boýunça umumy nokady tapmaga taýýardygyny, emma Krym meselesiniň muňa degişli däldigini aýtdy. 2014-nji ýylda Russiýa Ukrainanyň Krym ýarymadasyny basyp alypdy. Putin bilen ABŞ-nyň prezidenti Donald Tramp 16-njy iýulda Helsinkide duşuşmaly. Moskwa bilen Waşingtonyň gatnaşyklary Russiýanyň Krymy basyp almagy, Siriýadaky we Ukrainanyň gündogaryndaky konfliktlerdäki roly, ABŞ-nyň prezidentlik... Читать дальше...

Fransiýada bosgunlykdaky eýranly oppozisiýa toparlarynyň duşuşygynda bombaly hüjümi gurnamakda aýyplanyp bir eýranly diplomat we başga-da iki adam tussag edildi. Bu barada Belgiýanyň resmileri maglumat berýärler. Belgiýanyň Baş prokuraturasynyň we Aňtaw edarasynyň bilelikdäki ýaýradan beýanatynda, 38 ýaşly erkek kişiniň we 33 ýaşly aýal maşgalanyň ele salnandygyny mälim edildi. Olara adam öldürmek synanyşygy we terroristik hüjümi gurnamak aýyplamalary bildiriler. Eýranyň Wenadaky ilçihanasynyň diplomaty bolsa, Germaniýada tussag edilipdir. Читать дальше...

Owganystanda azlyk bolup ýaşaýan hindi we sikh jemgyýetleriniň wekilleri Jalalabatda, janyndan geçeniň hüjümi netijesinde heläk bolan, 17 ildeşiniň hatyrasyny tutdular. Öldürilenleriň arasynda jemgyýetleriň ýokary derejeli wekilleri, şol sanda ýurtdaky sikhlaryň lideri Awtar Singh Khalsa hem bardy. Olar prezident Aşraf Ghani bilen duşuşmaga barýan pursatlary, ýolda öldürilipdi. “Biziň bu ýurtda ýaşamaga eýýäm sabyr-takatymyz ýok” diýip, hindi we sikh jemgyýetleriniň milli paneliniň sekretary Tejwir Singh aýtdy. Читать дальше...