Новости за 10.08.2022

Бүген Татарстан икътисад министры Мидхәт Шаһиәхмәтов Кайбыч районына килде. Ул район башлыгы Альберт Рәхмәтуллин белән бергә Балык хуҗалыгы, Колаңгыда төзелә торган бетон заводы, «Кайбыч агропаркы» сәнәгать паркы, аның «СЛ-Молоко» җәмгыяте һәм «Август-Кайбыч» җәмгыятендә булды.

Татарстан аграрийлары 1 млн 133,3 мең тонна ашлык җыеп алдылар. Бу хакта республиканың авыл хуҗалыгы һәм азык-төлек министры Марат Җәббаров Тукай районында узган киңәшмәдә сөйләде, дип хәбәр итә Татарстан Республикасы Авыл хуҗалыгы һәм азык-төлек министрлыгының матбугат хезмәте.

Свердловск өлкәсенең Югары Пышма авылындагы Бакыр мәчеттә мөселман балаларының җәйге белем бирү лагеры үз эшен тәмамлады. Россия мөселманнарының Диния нәзарәте шул турыда хәбәр итте.

24 һәм 25 августта Мәскәүдә яшәүчеләрне татар балалар әдәбияты белән таныштырачаклар. Күргәзмә Татарстан мәдәнияте көннәре һәм «Исәнме, күршем!» дип исемләнгән төбәкара проект кысаларында оештырыла. Татарстан Республикасының Россия Федерациясендәге Тулы вәкаләтле вәкиллеге шул турыда хәбәр итте.

Август аенда Казанның «Черек күл» паркында барлык теләүчеләр өчен инглиз теленнән бушлай дәресләр дәвам итәчәк.

Балалар республика клиник хастаханәсе территориясендә Медиклар аллеясы барлыкка килде. Аллеяда Татарстанның күренекле балалар табибларының алты бюсты урнаштырылган. Алар гомерләрен кечкенә пациентларны коткаруга багышлаган шәхесләр. Андыйлар арасында ТР Сәламәтлек саклау министрлыгының һәм Балалар республика клиник хастаханәсенең баш балалар реаниматологы Игорь Закиров та бар.

2 августтан 9 августка кадәр Мамадыш районында республикада беренче конфессияара үзәк эшләде. Районның «Нократ» газетасы шул турыда хәбәр итә.

«Киләчәк Уеннары» оештыру комитетының Татарстан башкаласына инспекция визиты төгәлләнде. Аның барышында кунаклар һәм Татарстан хакимияте вәкилләре инфраструктура объектларын һәм Казанның спорт ареналарын карады. Татарстан Республикасы Спорт министрлыгы шул турыда хәбәр итә.

Казанның Баруди урамында ике яшьлек баланы ир-ат урлап китүе турында хәбәр «Зареченский» полиция бүлегенә килгән. «Татар-информ» агентлыгына Россия Эчке эшләр министрлыгының Казан буенча идарәсе матбугат хезмәтендә шул турыда сөйләделәр.

24 августта «Фикер» татар китабы клубында Нәкый Исәнбәтнең «Миркәй белән Айсылу» әсәренә багышланган очрашу булачак.

Казаннан Хургадага яңа рейс ачылды. Очышлар программасы җәйге навигациянең калган өлешендә башкарылачак, дип хәбәр итә «Казан» аэропортының матбугат хезмәте.

Фигуралы шуу буенча Олимпия чемпионы Алинә Заһитова спортка әйләнеп кайтырга мөмкин булуын белдерде. Тәкъдим килгән очракта, ул Россиянең яңа Гран-при сериясендә катнашырга мөмкин.

Кукмара районының Вахит авылында «Авылга да, шәһәргә дә» дип аталган арт-резиденция тәмамланды. Ул Мәдәни инициативалар Президент фонды ярдәме белән оештырылды. Проект нәтиҗәләре «Авыл көне» бәйрәмендә тәкъдим ителде. Татарстан Республикасы Мәдәният министрлыгы шул турыда хәбәр итә.

Себер татарлары киләсе 2023 елны Сүзге ханбикәсе елы дип игълан итеп, Тубыл шәһәрендә тарихи-мемориаль комплекс, анда тематик парк оештырырга тели. Ә шәһәрдә Себер ханлыгының азатлыгын яклап һәлак булган Күчем ханга һәйкәл куелырга тиеш. Бу хакта Искер җыенында сөйләшү булган.

Россиянең күп кенә төбәкләренә бик эссе көннәр килде. Табиб иммунолог-аллерголог Анна Шуляева эсседә сәламәтлеккә зыян килмәсен өчен нәрсә эшләргә кирәген өйрәтте. «Российская газета» шул турыда яза.

Төркиянең абруйлы «Һәҗә» нәшриятында (Анкара) «Хәзерге заман та­тар хикәяләре антоло­гиясе – XXI гасыр» җыентыгы дөнья күргән

Тренировка была организована совместно с управлением образования и Росгвардией.

Шартлаулардан 62 күпкатлы йорт, 20 сәүдә объекты һәм берничә дистә шәхси йорт зарар күргән. Берничә дистә машина зыян күргән яки янып беткән. Ни дәрәҗәдә зыян килүенә карап, кешеләргә 10 мең сум, 15 мең сум һәм 100 мең сум биреләчәк диелә.

Үзәк банкка башка кеше картасына күчерелгән 10 мең сумнан артып киткән суммадагы акчаларны «туңдырып» торырга тәкъдим иттеләр. Мондый сумманы кулланучы өстәмә идентификация узганчыга кадәр әйләнештән туктатып торырга тәкъдим ителә. Кулланучылар хокукларын яклау буенча экспертлар берләшмәсе мондый гамәл клиентларны алдап акча урлаучылардан (мошенниклардан) сакларга ярдәм итәчәк дигән фикер белдерә. «Известия» шул турыда яза.

Россия Хөкүмәте төбәкләрдә торак-коммуналь инфраструктураны яңартуга тагын 150 миллиард сум акча юнәлдерәчәк. Белгечләр фикеренчә, бу тиешле барлык объектларны тизләтелгән темпта реконструкцияләргә ярдәм итәр дип көтелә.

Фигуралы шуу буенча Олимпия чемпионы Алинә Заһитова Россия Президенты Владимир Путиннан интервью алырга теләвен белдерде. Бу хакта ул «Журналист буларак кем белән интервью эшләргә телисез?» дигән сорауга җавап итеп әйтте.

На повестке дня заседания комиссии по предупреждению и ликвидации чрезвычайных ситуаций и обеспечению пожарной безопасности Нурлатского муниципального района стояло два вопроса.

13-14 августа в древнем городе Болгар пройдет фестиваль средневекового боя.

Кытай хакимияте Пекин "тыныч юл белән берләшергә" әзер дип искәрткән, әмма "башка чара калмаса, соңгы чара буларак тыныч булмаган ысуллар да кулланылачак" дип, утрауны көч кулланып яулап алу ихтималына да ишарәләгән.

Казанда «Казаныш» дип аталган яңа турнир булдырырга ниятлиләр. Ул республикада берьюлы берничә спорт төрен һәм катнашучыларны берләштерәчәк. Бу хакта Татар-информ» агентлыгына Казанның Физик культура һәм спорт комитеты рәисе Альберт Салихов хәбәр итте.