Икенче планда иң яхшы ир-ат һәм хатын-кыз ролен башкаручылар «Тантана» премиясе алды
(Казан, 27 март, «Татар-информ», Рузилә Мөхәммәтова). «Тантана-2020» премиясе буенча икенче пландагы иң яхшы ир-ат һәм хатын-кыз рольләрен башкаручылар дип Камал, Казан ТЮЗы һәм Буа театрлары артистлары табылды. Бүген аларның исемнәре «Тантана-2020» республика театр премиясен тапшыру тантанасында игълан ителде.
«Икенче пландагы иң яхшы хатын-кыз роле» номинациясендə Буа дəүлəт драма театрының «Иран конференциясе» спектаклендə Эмма Шмидт-Паулсен роле өчен Гөлзада Камәретдинова һәм «Зимняя сказка для взрослых» спектаклендәге роле өчен Елена Синицына бүләкләнде.
«Икенче пландагы иң яхшы ир-ат роле» номинациясендə Камал театрының «Сүнгəн йолдызлар» спектаклендə Надир мəхдүм роле өчен Татарстанның атказанган артисты Алмаз Сабирҗанов бүләкләнде.
Лауреатларны Камал театры артистлары Люция Хәмитова һәм Илдус Габдрахмановлар игълан итте.
Камал театрының ютуб-каналында «Тантана-2020» республика театр премиясен тапшыру тантанасы бара. Лауреатлар лаеклы дипломнарын үзләре кабул итеп ала алмыйлар – алар залга чакырылмаган. Ул аларга соңрак тапшырылачак.