Министрлык Аграр университетка укырга керү өчен кирәкле БДИ исемлеген искә төшерә
(Казан, 7 февраль, «Татар-информ»). Татарстан Республикасы Авыл хуҗалыгы һәм азык-төлек министрлыгы Казан дәүләт аграр университетына укырга керү тәртибен искә төшерә. Университетка укырга кабул итү конкурс нигезендә башкарыла.
Бакалавриат һәм специалитет программалары буенча БДИ нәтиҗәләре буенча, кабул итү кагыйдәләрендә билгеләнгән очракларда университет уздыра торган керү сынаулары нәтиҗәләре нигезендә кабул итәләр. БДИ тапшыручылар өчен өстәмә сынаулар каралмаган.
Бердәм дәүләт имтиханын тапшыру өчен кайсы фәннәрне сайлап алуың мөһим. Булачак һөнәрең дә, эшчәнлек юнәлешенең дә шуңа бәйле булачак. 2021 елда әзерлекнең теләсә кайсы белгечлек юнәлеше өчен документлар тапшырганда 2 мәҗбүри фән һәм үзең сайлаган 1 фән буенча (исемлектән) БДИ нәтиҗәләрен бирергә кирәк булачак.
Мәсәлән, «Агроинженерия» юнәлеше буенча укырга керүче абитуриент математика (профиль дәрәҗәсе), рус теле һәм информатика (информатика һәм ИКТ) буенча БДИ тапшыра, ә икенче абитуриент та шул ук юнәлеш буенча укырга тели, ә ул БДИны математика (профиль дәрәҗә), рус теле һәм химия буенча сайлаган.
Бу очракта, ике абитуриент та конкурста катнаша, чөнки математика (профиль дәрәҗәсе), рус теле мәҗбүри фәннәр булып санала һәм физика, химия, информатика һәм ИКТ — сайлап алынган фәннәр.
Шулай ук документларны бер үк вакытта параллель рәвештә нинди юнәлешләргә бирергә мөмкин булуын да күздә тотарга кирәк. Мәсәлән, химия яки физика буенча БДИ нәтиҗәләре, башка фәннәр белән бергә, университетның теләсә кайсы факультетына кергәндә исәпкә алына, диелә бу хәбәрдә.