Аналитиклар май аенда бәяләр үсешен 4,7-5,2 процент тирәсендә булыр дип фаразлый
(Казан, 2 май, «Татар-информ»). Май нәтиҗәләре буенча Россиядә еллык инфляция 5,7 процент тәшкил итәчәк. Аналитиклар сораштыруы нигезендә РИА Новости төзегән консенсус-фараздан шулай күренә.
Росстат мәгълүматларына караганда, илдә инфляция узган елның июнендә, коронавирус чикләүләрен бетергәннән соң, тизләнә башлаган. Шул ук вакытта рубльның йомшаруы һәм кайбер азык-төлеккә бәяләр арту фонында ул быел март азагына 5,8 процентка кадәр җиткән.
Россия Банкы элегрәк фаразлаганча, быелның икенче кварталында илдә инфляция беренче квартал күрсәткечләренә якын булачак, ә аның тотрыклы үсеше икенче яртыеллыкта көтелә. Ел нәтиҗәләре буенча регулятор бәяләр үсеше темпларын 4,7-5,2 процент диапазонында, ә инфляциянең 4 процент тирәсендәге максатчан күрсәткечкә әйләнеп кайтуын киләсе ел уртасында көтә.