Баулы медикларының балаларына Дәүләт Думасы депутатыннан Яңа ел бүләкләре тапшырылды
(Баулы, 1 гыйнвар, «Татар-информ», « Баулы-информ »). Баулы үзәк район хастаханәсе стационарының «кызыл зонасында» эшләүче медикларга Россия Дәүләт Думасы депутаты Руслан Гаджиевтан яңа ел бүләкләре тапшырылды. Баулы районы башлыгы урынбасары Ринат Хәмидуллин һәм үзәк хастаханә баш табибы Глеб Алексеев аларны Яңа ел белән тәбрикләделәр. Чараны уздыруда «Яшьләр дөньясы» күп профильле яшьләр үзәге каршындагы волонтерлар хәрәкәте активистлары, шулай ук «Бердәм Россия» партиясенең Баулы җирле бүлекчәсе активы ярдәм итте.