Чаллыда торбаүткәргечтә авария сәбәпле, күп фатирлы 24 йортта җылылык беткән
(Казан, 7 февраль, «Татар-информ», Полина Шевчук). Чаллыда 11446 кеше яши торган йортларда җылылык беткән.
Бүген төш вакытында Чаллының Автозавод һәм Тынычлык проспектлары чатында «Октябрьский» сәүдә үзәге янында торбаүткәргечтә авария турында хәбәр килде. Бу хакта Россия Гадәттән тыш хәлләр министрлыгының Татарстан буенча баш идарәсе матбугат хезмәте хәбәр итә.
Торбадагы өзеклек аркасында 11446 кеше яши торган күп фатирлы 24 йорт, шулай ук биш административ бина, өч поликлиника, ике мәктәп һәм балалар бакчасы җылылыксыз калды.
Бу урында хәзер «Чаллы җылылык челтәрләре» акционерлык җәмгыяте белгечләре эшли. Эшләрне бүген, 7 февральдә, төн уртасына төгәлләргә ниятлиләр.
Җитәкченең өлкән ярдәмчесе Руслан Галиев хәбәр иткәнчә, күзәтчелек ведомствосы авария-торгызу эшләренең барышын контрольгә алган һәм аварияне бетерү срокларын үтәүне контрольдә тота.