Казанда Түбән Кабан күле яр буенда ял итүчеләр үзләре шашлык пешерә торган урын була
1 майдан Казанның Түбән Кабан күле яр буенда барбекю-зона эшли башлады. Казанлылар көн саен 10:00 дән 22:00 гә кадәр күл каршында пикник оештыра алачак. Бу турыда Казан мэриясе хәбәр итте.
Өч пикник зонасының һәркайсында мангал, өстәл һәм ике эскәмия бар. Бер зона 6 кешегә, шул исәптән 3 яшьтән зуррак булган балаларга исәпләнгән.
Сайтта урыннарны броньларга һәм шартларны белергә була. Барбекю-зона хезмәткәрләреннән өстәмә түләү белән учак кабызгыч, күмер, су һәм плед сатып алырга мөмкин, дип хәбәр итә Парклар һәм скверлар дирекциясе матбугат хезмәте.
Барбекю зонасында булган вакытта махсус кагыйдәләр үтәлергә тиеш. Алар белән сайтта яки мәйданчыктагы мәгълүмати стендларда танышырга була.