Балыкчылар Чулманда май аенда Мамадышта югалган балыкчының мәетен тапкан
Бүген иртәнге сәгать җидедә Чулман елгасында ярдан 300 метр ераклыкта, Балык Бистәсе районының Кызыл Яр авылы янында балыкчылар ир-ат мәетен тапкан.
Әлеге урынга Кече суднолар дәүләт инспекциясенең Чистай бүлеге хезмәткәрләре килгән һәм мәетне ярга чыгарган. Аның 14 майда Чулманда Мамадыш районы Берсут авылы янында юкка чыккан 34 яшьлек ир-атның мәете булуы ачыкланган. Ул вакытта әлеге ир-атны эзләгәннәр, әмма таба алмаганнар. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Фаҗига килеп чыгу сәбәпләрен ачыклыйлар.