Марат Җаббаров: Республикада бөртеклеләрне урып җыю тәмамланып килә
Республикада бөртекле культураларны урып җыю тәмамланып килә. Татарстан кырларыннан 26 мең га икмәк җыясы калган.
Татарстан Премьер-министры урынбасары - авыл хуҗалыгы һәм азык-төлек министры Марат Җаббаров Хөкүмәт йортында брифингта шул хакта әйтте.
Уртача уңыш гектарыннан 36,8 центнер тәшкил итә. Ындыр табакларына 5,222 млн т ашлык кайткан.
"Республикада икмәк уңышына Арча, Тәтеш, Буа районнары 200 шәр мең тоннадан артык уңыш белән аеруча зур өлеш керткән", - диде Марат Җаббаров.