Казанда хәрби комиссариатка ут төртмәкче булган мәктәп укучысын өй арестына озаттылар
Казанның Совет районы суды шәһәрнең Совет районында урнашкан хәрби комиссариатка ут төртмәкче булган мәктәп укучысына карата чик кую чарасын билгеләде. XI сыйныф укучысын 2 декабрьгә кадәр өй арестына озаттылар.
Мәктәп укучысына карата чик кую чарасын билгеләү мәсьәләсе каралган утырыш ябык ишекләр артында узды.
Искәртеп үтәбез, кызны 3 октябрьдә тоткарладылар. Ул яндыра торган катнашма ярдәмендә хәрби комиссариатка ут төртергә уйлаган. Әмма кыз ыргыткан шешә бинага барып җитмәгән һәм бары тик үләнне генә яндырган.