Тулы булмаган гаиләләргә балалар бакчасында урынны чираттан тыш бирергә тәкъдим ителде
Ялгыз ана яки атаның балалары өчен балалар бакчасында урынны чираттан тыш бирергә тәкъдим иттеләр. Бу закон проектын Дәүләт Думасына «Новые люди» фракциясе җитәкчесенең урынбасары Сардана Авксентьева белән депутат Олег Леонов керткән. Бу хакта РИА Новости хәбәр итә.
«6 яшькә кадәрге балаларны ялгыз тәрбияләүче анага яки атага балаларны мәктәпкәчә мәгариф оешмаларында урыннар белән чиратсыз тәэмин итү гарантиясен закон нигезендә ныгытырга тәкъдим ителә», диелә документка аңлатма текстында.
Закон проекты авторы сүзләренчә, әгәр ялгыз ата яки ана декреттан чыкмаган очракта эш урыны югалачак. Баласын балалар бакчасына урнаштыру мөмкинлеге булмагач, ана яки ата өйдә бала белән калырга һәм яшәү өчен акча эзләргә мәҗбүр була.
«Әлеге закон проекты белән без гражданнарның бу категориясенең тормышны җиңеләйтергә теләр идек. Бу закон проекты алар хезмәт эшчәнлеген алдан башлап җибәрсен, аз керемле гаилә шәхси балалар бакчасына акча сарыф итмәсен өчен тәкъдим ителә», - диде Авксентьева журналистларга.