Мәскәү Татар мәдәни үзәгендә «Мирас» ансамбле чыгыш ясады
Мәскәү Татар мәдәни үзәгендә иң өлкән коллективларның берсе «Мирас» ансамбле кабат чыгыш ясады. Ул иҗади эшчәнлеген 2013 елда башлаган.
Коллектив үз составына татар җырын яратучыларны җыйган. Ансамбль башкару дәрәҗәсен күтәрү өстендә өзлексез эшли. Аның репертуарына танылган татар халык җырлары һәм татар композиторларының музыкаль әсәрләре кертелгән. Бу хакта «Мәскәү Татар милли-мәдәни мохтарияте» төбәк иҗтимагый оешмасының матбугат хезмәте хәбәр итә.
Музыкаль коллектив әгъзалары татар мәдәниятен саклап калу һәм үстерү эшенә зур өлеш кертә, сәхнәдәшләренең ихтирамына лаек һәм татар җырын яратучылар арасында популярлык казана, диелгән хәбәрдә.