Төркиядә җир тетрәүдән соң 210 миллион тонна чүп барлыкка килгән
Төркиядә җит тетрәүдән соң бик зур күләмдә чүп җыйналган. Берләшкән милләтләр берлегенең үсеш программасы белгечләре бәяләвенчә, сүз 116-210 миллион тонна чүп һәм көл турында бара.
Әгәр чүп өч метрдан да артык булмаган биеклектә өеп куелса, моның өчен 30га 30 километрга кадәр мәйдан кирәк булыр иде. Бу, якынча, Германиядә Балтыйк диңгезендә иң зур Рюген утравының мәйданына туры килә. Бу хакта РИА Новости хәбәр итә.
Чүп-чарның барысын да утильләштерергә кирәкми, бер өлешен эшкәртергә мөмкин, дип белдерә Кайзерслаутерн техник университеты укытучысы профессор Хәмид Садег-Азар .
Аның сүзләренчә, төзелеш чүп-чарыннан корычны аерым алырга, эретерга һәм кабат кулланырга мөмкин. Әгәр яхшы сыйфатлы бетон икән, аны вакларга һәм эшкәртергә мөмкин. Әмма төзелеш эшләрендә тозлы су һәм сыйфатсыз өстәмәләрне куллану эшкәртүне кыенлаштыра.
Кирпеч, штукатурка яки түбән сыйфатлы бетон кебек материаллар алга таба файдаланыла алмый, шәһәрдән читтәге чүплекләргә яки ачык мәйданчыкларга чыгарыла. Берләшкән милләтләр берелеге белгечләре исәпләвенчә, әгәр асбест кулланылмаса, төзелеш чүп-чары җитди экологик куркыныч тудырмый.