Татарстанда бензин һәм дизель ягулыгы тагын кыйммәтләнде
Татарстанда барлык маркадагы бензин һәм дизель ягулыгына бәяләр чираттагы мәртәбә артты. 11-17 сентябрь көннәрендә төбәкләр буенча статистиканы «Росстат» Федераль дәүләт статистикасы хезмәте бирә.
Мәсәлән, атна эчендә дизель ягулыгының бәясе 58,77 сумнан 59,77 сумга кадәр күтәрелгән. АИ-92 бензины 42 тиенгә артып, 51,92 сум; АИ-95 — 40 тиенгә артып, 18 сентябрьдә 54,03 сум тәшкил иткән.
Иң аз үзгәргәне — АИ-98 бәясе, ул 36 тиенгә яки 65,49 сумга күтәрелгән.
Шулай да Татарстанда бензин һәм дизель ягулыгына уртача бәяләр Идел буе федераль округында иң арзаннардан санала. Татарстаннан бары тик Башкортстан гына алда бара.