Түбән Новгород өлкәсендә татар теле дәресләре узды
Узган ялларда Түбән Новгород өлкәсе татарлары автономиясе каршында татар теле, балалар өчен үз-үзеңне тоту кагыйдәләре һәм вокал буенча чираттагы дәресләр үткәрелде. Бу хакта Бөтендөнья татар конгрессының матбугат хезмәте хәбәр итә.
Түбән Новгород өлкәсе татарлары төбәк милли-мәдәни автономиясе каршындагы әлеге курсларга халык арасында ихтыяҗ бик зур булып чыкты һәм хәзерге вакытта аларга йөзгә якын кеше йөри.
Кешеләргә уңайлы булсын өчен, курслар Түбән Новгородның төрле өлешләрендә (автозаводта һәм шәһәр үзәгендә) оештырыла. Түбән Новгород өлкәсе татарлары төбәк милли-мәдәни автономиясенең Рождественская урамындагы офисында да татар чаралары (яшьләр, ветераннар, милли-мәдәни берләшмә вәкилләренең даими очрашулары, автономия каршындагы «Нижгарочки» бию коллективының репетицияләре) үткәрелә.
Автономия алга таба да әлеге эшчәнлек юнәлешләрен үстерергә, аларны төрле программалар һәм активлыклар белән тулыландырырга, татарларны иҗтимагый тормышка җәлеп итү һәм берләштерүдә, татар гореф-гадәтләрен һәм мәдәниятен саклауда стандарт булмаган яңа алымнар эзләргә ниятли.
Боларның барысы да Түбән Новгород өлкәсе татарлары төбәк милли-мәдәни автономиясенең шәһәрдә «Татар мәдәни үзәге» оештыруга юнәлдерелгән эшчәнлегенең дөрес булуын чираттагы мәртәбә раслый.