Қатар пойтахти Доҳа шаҳрида ўтказилган жорий йилги клублар ўртасидаги жаҳон чемпионати ўз якунига етди.
Финалда “Ливерпуль” Бразилиянинг “Фламенго” жамоасига қарши тўқнаш келди. Баҳснинг асосий бўлимларида ҳисоб очилмади. Экстра таймларнинг биринчисида эса ниҳоят мерсисайдликлар рақиб дарвозасига йўл топа олишди. 98 дақиқада Садио Маненинг ажойиб узатмасидан кейин Роберто Фирмино гол уришга эришди. Фирминонинг аниқ зарбаси учрашувда ягона бўлди ва “қизиллар”га илк бор жаҳон чемпионлигини келтирди.
Маълумот ўрнида, “Ливерпуль” 2005 йил ҳам мусобақанинг финалида ўйнаган аммо Бразилиянинг бошқа бир жамоаси “Сан-Паулу”га минимал (0:1) ҳисобда енгилганди.
Эслатиб ўтамиз, Юрген Клопп шогирдлари 2019 йили Европа Чемпионлар Лигаси, Европа Суперкубоги ҳамда Клублар ўртасидаги жаҳон чемпионатида зафар қозонишди.
Ливерпуль Англия – Фламенго Бразилия 1:0 (0:0, 0:0, 1:0)
«Khalifa International Stadium»
Гол: 1:0 – 99 Фирмино.
Ливерпуль – Алиссон, Александер-Арнолд, Гомес, Робертсон, ван Дейк, Кейта (Милнер, 100), Окслейд-Чемберлен (Лаллана, 75), Хендерсон, Мане, Салоҳ (Шакири, 120), Фирмино (Ориги, 105).
Фламенго – Диего Алвес, Рафинья, Филипе Луис, Мари, Родриго Кайо, де Арраскаэта (Витиньо, 77), Жерсон (Линкольн, 102), Эвертон Рибейро (Диего, 82), Арао (Беррио, 120), Габриэл Барбоза, Бруно Энрике.
Огоҳлантиришлар: Мане (45), Салоҳ (81), Витиньо (90), Фирмино (100), Милнер (105), Диего (112).