Дмитрий Песков: Үзизоляция Президентның эш активлыгына берничек тә тәэсир итми
(Казан, 23 сентябрь, «Татар-информ»). Россия Президенты Владимир Путинның эш активлыгына үзизоляция берничек тә тәэсир итми.
Дәүләт башлыгының матбугат сәркатибе Дмитрий Песков белдергәнчә, Президентының үзизоляциясе чагыштырмача гына. «Бу шәхси контактларны киметү», — диде Кремль вәкиле.
Мәҗбүри саклык чаралары Президент эшенең активлыгын киметмәде, дип яза Песковка сылтама белән ТАСС агентлыгы.
Владимир Путин якыннары арасында коронавирус очрагы ачыклангач, 14 сентябрьдә үзизоляциягә китте.
Президентын эш активлыгы турында сөйләгәндә, Песков үзизоляциягә китү дәүләт башлыгының эш ритмын үзгәртмәде дип белдергән иде. Кремль вәкиле Президентың сәламәт булуын һәм үзен яхшы хис итүен дә әйтте.