Татарстан 2024 елга торак төзелеше планының якынча яртысын үтәгән
Татарстанда 1,456 млн квадрат метр торак файдалануга тапшырылган яки планның 46 проценты үтәлгән. Бу хакта Татарстан Хөкүмәте йортында республика төзелеш, архитектура һәм торак-коммуналь хезмәт министрлыгы җитәкчесе Марат Айзатуллин әйтте. Бу хакта Татарстан җитәкчесенең матбугат хезмәте хәбәр итә.
Киңәшмәне Татарстан Рәисе Рөстәм Миңнеханов видеоконференцэлемтә режимында үткәрде.
Министр сөйләгәнчә, шәхси торак йорт төзелеше буенча план 81 процентка үтәлгән. Бу гомуми мәйданы 1,2 млн кв. метрлы 9 меңнән артык йорт була.
42 күпфатирлы йорт коммерция төзелеше буенча (11 процент), социаль ипотека буенча 43 процент, яки 15 йорт тапшырылган.
Шулай ук республикада аерым категориягә керүчеләрне торак белән тәэмин итү буенча 4 программа гамәлгә ашырыла. Шулай итеп, 621 фатир алучы – ятим балалар һәм 84е күпбалалы гаилә категориясенә керә.
Беренче категория буенча Россия бюджетыннан финанслау исәбенә 39 бина сатып алуга килешү төзелгән. Икенчесе буенча барлык гаиләләргә торакка таныклык тапшырылган, башкарма комитет хисабына акча күчерүгә әзерлек дәвам итә.
Моннан тыш, 5 һәм аннан да күбрәк балалы гаиләләр арасында программада катнашучы 28 күпбалалы гаиләгә сертификатлар рәсмиләштерелгән.
Күченеп кайтырга мәҗбүр булганнар категориясендә, Ерак Төньяктан күчүчеләр һәм чернобыльчеләр категориясендә программада катнашучылар торак сайлауга керешкән.