Новости за 13.04.2024

Бүген Буада Татарстан Республикасы Сәламәтлек саклау министры Марат Садыйков истәлегенә көрәш ярышы узды. Анда Ульяновск, Чувашия, Буа, Чүпрәле, Апас, Яшел Үзән, Нурлат, Казан шәһәреннән килгән төрле яшьтәге көрәшчеләр бил сынашты. Бу хакта «Байрак» сайтында хәбәр ителә.

Татарстан шахмат мәктәбенә нигез салучыларның берсе Наил Мөхәммәтҗанов истәлегенә багышлап, бүген Актанышта 14нче тапкыр авыл районнары командалары арасында шахмат турниры старт алды. Бу хакта «Актаныш» сайтында Актаныш районы матбугат үзәгенә сылтама белән хәбәр ителә.

Бүген Казанның «Бала-Сити» халыкара мультилингваль мәктәбендә татар телендә белем бирүче тәрбиячеләр һәм укытучылар ѳчен «Туган тел фестивале — 2024» узды.

Татарстан сәламәтлек саклау министры Марсель Миңнуллин эш сәфәре белән Кукмара районында булды. Бу хакта «Хезмәт даны» сайтында Алсу Сәләхетдинова яза.

«Яшь гвардия» төбәк штабы әгъзалары тыныч халыкка кайнар ризык һәм эчәргә яраклы чиста су белән ярдәм күрсәтә. Волонтерлар арасында Түбән Камадан Рөстәм Сәлахетдинов та бар иде. Бу хакта https://nkamsk-rt.ru/ хәбәр итә.

«Һөнәри компетенцияләрне үстерү үзәге» автономияле коммерцияле булмаган оешмасының генераль директоры Әгъзам Гобәйдуллин «Бердәм Россия»нең алдан тавыш бирү процедурасында катнашу өчен документлар тапшырды. Бу хакта партиянең төбәк бүлеге матбугат хезмәте хәбәр итә.

Татарстанның һәм Башкортстанның халык артисты, Россиянең атказанган артисты Салават Фәтхетдинов үзен бәхетле кеше дип санавын белдерде, чөнки ул Татарстанда яши һәм туган телендә сөйләшә. Бу хакта җырчы «Мәскәү — Татарстан күпере» IX Мәскәү яшьләр форумында сөйләде.

Мәскәү мэры Сергей Собянин «Мәскәү - Татарстан күпере» IX Мәскәү яшьләр форумында катнашучыларга сәламләү юллады. Ул билгеләп үткәнчә, узган елларда «Мәскәү белән Татарстанның яшь талантлы кешеләрен берләштергән кызыклы һәм файдалы форум» ике төбәк дуслыгы һәм хезмәттәшлеге символына әверелде.

Татарстан Рәисе Рөстәм Миңнеханов Мәскәүгә сәфәре барышында Югары икътисад мәктәбе студентлары белән очрашты.

Россия Хөкүмәте рәисенең беренче урынбасары Андрей Белоусов Хисап палатасына күчәргә мөмкин. Бу хакта РИА Новости Хөкүмәттәге чыганакларга сылтама белән хәбәр итә.

Бүген Россия башкаласында «Мәскәү - Татарстан күпере» 9нчы яшьләр форумы ачылды. Чарада Татарстан Рәисе Рөстәм Миңнеханов катнаша.

2024 елның 15-16 апрелендә Габдулла Тукай әдәби музеенда Бөтенроссия (халыкара катнашу белән) «Тукай укулары-2024» фәнни конференциясе уздырыла. Бу хакта ТР Мәдәният министрлыгы матбугат хезмәте хәбәр итә.

«Казан» халык аэропорты перроны реконструкциясенә федераль бюджеттан 3,7 млрд сум бүлеп бирелгән. Бу хактагы карарны Россия Премьер-министры Михаил Мишустин имзалады.

Татарстан Хөкүмәте һәм Югары икътисад мәктәбе хезмәттәшлек турында килешү имзалады. Бу хакта Мәскәү югары уку йортында булганда республика Рәисе Рөстәм Миңнеханов белдерде.

Татарстан Дәүләт Советы депутаты, ТР Язучылар берлеге рәисе Ркаил Зәйдуллин (Зәйдулла) «Бердәм Россия»нең алдан тавыш бирү процедурасында катнашу өчен документлар тапшырды. Бу хакта партиянең төбәк бүлеге матбугат хезмәте хәбәр итә.

Татарстанда «Бердәм Россия» партиясенең алдан тавыш бирү процедурасында катнашу өчен 79 гариза бирелгән, аларның 4се - махсус хәрби операциядә катнашучылардан. Бу хакта партиянең Татарстан төбәк бүлеге оештыру комитетының утырышында билгеле булды.

Татарстанда яшәүче 275 меңнән артык кеше иҗтимагый киңлекләрне төзекләндерү өчен тавыш биргән, алар 2025 елда төзекләндереләчәк. Бу хакта бүген Татарстан җитәкчесенең матбугат хезмәте хәбәр итә.

Ир-ат пычак белән һөҗүм итү сәбәпле, Сиднейда сәүдә үзәгендә 6 кеше үлгән. Бу хакта РИА Новости хәбәр итә.

Блогер, «Шәһри Казан» газетасының баш мөхәррире урынбасары, «Именно Шулай» телеграм-каналы хуҗасы һәм «Татарстан муниципалитетлары» цифрлы мәйданчыгы җитәкчесе Рәсим Хаҗиев Татарстан Дәүләт Советына сайлау алдыннан «Бердәм Россия» партиясенең праймеризында катнашырга документлар тапшырды.

Бүген, 13 апрельдә, Мәскәүдә «Мәскәү-Татарстан күпере» яшьләр форумы була. Анда республика Рәисе Рөстәм Миңнеханов катнаша. Бу хакта Татарстанның Мәскәүдәге Тулы вәкаләтле вәкиллеге хәбәр итә.

Татарстанда 1,456 млн квадрат метр торак файдалануга тапшырылган яки планның 46 проценты үтәлгән. Бу хакта Татарстан Хөкүмәте йортында республика төзелеш, архитектура һәм торак-коммуналь хезмәт министрлыгы җитәкчесе Марат Айзатуллин әйтте. Бу хакта Татарстан җитәкчесенең матбугат хезмәте хәбәр итә.

Бүген Россиядә башка кешеләрнең проблемаларына битараф булмаганнар - меценатлар һәм хәйриячеләр бәйрәме билгеләп үтелә. Бу хакта татарстанлыларны котлавында республика Премьер-министры Алексей Песошин белдерде.

Питрәч районы башлыгы Илһам Кашапов Татарстанның Беларусьтагы вәкиллеген җитәкләячәк. Бу хакта бүген Хөкүмәт йортында шимбә киңәшмәсендә Татарстан Рәисе Рөстәм Миңнеханов белдерде.

Оренбург өлкәсенең су баскан территориясеннән 13 мең кешене эвакуацияләгәннәр. Бу хакта РИА Новости төбәк хөкүмәтенең Телеграм-каналына сылтама белән хәбәр итә.

Татарстан Тукай районында Мартыш авылын кыскарту турында закон кабул ителде. Бу документны республика Рәисе Рөстәм Миңнеханов имзалады.