Путиннинг урушга қарши гапини иқтибос келтирган шахс жазоланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Санкт-Петербургнинг Выборгский туман суди маҳаллий фуқаро Артур Дмитриевни Россия армиясини обрўсизлантириш моддаси бўйича айбдор деб топиб, 30 минг рубл миқдорида жаримага тортди, деб хабар бермоқда «ОВД-Инфо». 7 апрель куни Дмитриев урушга қарши якка ўзи намойиш уюштиргани учун ҳибсга олинган эди. Унинг қўлида Россия президенти Владимир Путиннинг Иккинчи жаҳон уруши ҳақидаги иқтибоси битилган қоғоз бор эди: «Уруш шунчалик қайғу келтирдики, уни унутиб бўлмайди. Яна шундай тажовузкор режалар тузганлар учун кечирим йўқ». Ҳибсга олингандан кейин Артур Дмитриев тунни полиция бўлимида ўтказган. Суд 8 апрель куни унга нисбатан маъмурий ишни кўриб чиққан.