Новости за 22.02.2018

საერთაშორისო ეროვნული პალატის თავმჯდომარე ფადი ასლი მიიჩნევს, რომ “ომეგა ჯგუფში” არსებული ფინანსური პრობლემების დაკავშირება ტელეკომპანია “იბერიასთან” ან სიტყვის თავისუფლების შეზღუდვის მცდელობასთან არის არაპროფესიონალური და კომპანია ამით თავს სასაცილო მდგომარეობაში იყენებს. “ომეგა” ამტკიცებს, რომ საქართველოს მთავრობა იყო ჩართული მათთვის 270 მილიონი ლარის ჩამორთმევაში, რომლის თაღლითური გზით მიღებაც მათ British-American Tobacco-სგან უნდოდათ, და ამან გამოიწვია ფინანსური პრობლემები, რადგან […]

ჰოლანდიის პარლამენტის ქვედა პალატაში დეპუტატებმა დიდი უმრავლესობით დაამტკიცეს რეზოლუცია, რომელიც "გენოციდად" ცნობს სომეხთა მასობრივ ხოცვა-ჟლეტას 1915 წელს, ოსმალეთის იმპერიაში. თუმცა, 22 თებერვალს გამართული კენჭისყრის მიუხედავად, საგარეო საქმეთა მინისტრმა, სიგრიდ კააგმა განაცხადა, რომ მთავრობა არ მიჰყვება პარლამენტის მაგალითს. კააგის თქმით, მინისტრთა კაბინეტი "გააგრძელებს თავდაჭერილ მიდგომას" ამ პოლიტიკურად მგრძნობიარე საკითხის მიმართ. მრავალი ისტორიკოსი და არაერთი ქვეყანა გენოციდად მიიჩნევენ პირველი... Читать дальше...

ჩერნოგორიის უშიშროების ძალებმა ალყა შემოარტყეს ამ ქვეყანაში შეერთებული შტატების საელჩოს მას შემდეგ, რაც ღამით შენობაზე თავდასხმა მოეწყო: მას ასაფეთქებელი მოწყობილობა ესროლეს. ამის შემდეგ თავდამსხმელმა თავი აიფეთქა.

აშშ-ის პრეზიდენტი, დონალდ ტრამპი აცხადებს, რომ სკოლებში ზოგიერთი მასწავლებლის შეიარაღებამ შესაძლოა აღკვეთოს მასობრივი მკვლელობები, როგორმაც, მაგალითად, გასულ კვირაში ფლორიდის სკოლაში 17 ადამიანი იმსხვერპლა. 22 თებერვალს  ტვიტერით გავრცელებულ მესიჯებში ტრამპი ამბობს, რომ იარაღი მხოლოდ იმ მასწავლებლებს დაურიგდებოდათ, ვისაც სამხედრო ან საგანგებო წვრთნა აქვს გავლილი და დასძენს, ამას შესაძლოა "მყისიერად" გადაეჭრა სკოლებში მკვლელობების პრობლემაო. ტრამპის ამ განცხადებების ფონია მზარდი აღშფოთება და პროტესტი სტუდენტების... Читать дальше...

ევროკავშირი მოლდავეთს მოუწოდებს მეტი გააკეთოს მართლმსაჯულების რეფორმის თვალსაზრისით და "კიდევ უფრო გადამწყვეტი ნაბიჯები გადადგას" კორუფციასთან ბრძოლაში - ეს ნათქვამია ტექსტში, რომლის სამუშაო ვერსიასაც რადიო თავისუფლება გაეცნო. განცხადების ტექსტში ევროკავშირი შეშფოთებას გამოთქვამს ადვოკატების, მოსამართლეების და პოლიტიკური ოპონენტების დევნის გამო და კანონისა და მართლმსაჯულების "შერჩევითი" მოქმედებისთვის, რაც, ტექსტის თანახმად, საზოგადოებაში ძირს უთხრის მართლმსაჯულების მიმართ პატივისცემასა და ნდობას. Читать дальше...

წყალტუბოს მუნიციპალიტეტის სოფელ ოფურჩეთში “ნამახვანჰესის” კასკადის მშენებლობის პროექტი მოსახლეობას გააცნეს კომპანია „ქლინ ენერჯი გრუფ ჯორჯიას“ (Clean Energy Group georia) წარმომადგენლებმა

გაკოტრების რეჟიმში მყოფი ენერგოდისტრიბუცია რამდენიმე თვის წინ „ენერგო პრო ჯორიამ“ იყიდა, თუმცა „ენერგო პრო“ ამბობს, რომ მოსახლეობის მიერ წინასწარ გადახდილი თანხები მათ ანგარიშებზე არ ასახულა და, შესაბამისად, უკანაც ვერაფერს დააბრუნებენ.

ჩერნოგორიას ოფიციალური უწყებების ინფორმაციით, პირი, რომელმაც  დედაქალაქ პოდგორიცაში შუაღამისას აშშ-ის საელჩოს ასაფეთქებელი მოწყობილობა ესროლა და შემდეგ თავი აიფეთქა, სერბიაში იყო დაბადებული. აშშ-ის და ჩერნოგორიას წარმომადგენლები აცხადებენ, რომ საელჩოში არავინ დაშავებულა. მთავრობამ ტვიტერით გაავრცელა ინფორმაცია, რომ უცნობმა პირმა თავი მოიკლა ასაფეთქებელი მოწყობილობით და "მანამდე, ამ პირმა ასაფეთქებელი მოწყობილობა ისროლა ... აშშ-ის საელჩოს ტერიტორიაზე". რამდენიმე საათის შემდეგ, პოლიციამ გამოაცხადა... Читать дальше...

სირიაში მეხუთე დღეა იბომბება აღმოსავლეთ ღუტა, დედაქალაქ დამასკთან მდებარე ბოლო ანკლავი, რომელსაც მეამბოხეები აკონტროლებენ, მიუხედავად გაეროს მოწოდებისა თავდასხმების შეჩერების შესახებ. შვიდწლიანი სამოქალაქო ომის განმავლობაში ეს ერთ-ერთი ყველაზე ინტენსიური თავდასხმების კამპანიაა. ბრიტანეთში განთავსებული ადამიანის უფლებების სირიის ობსერვატორია იუწყება, რომ 22 თებერვალს აღმოსავლეთ ღუტას 300-ზე მეტი ყუმბარა მოხვდა, რამაც 13 ადამიანის სიკვდილი და 100-მდე პირის დაჭრა გამოიწვია. 18 თებერვლის შემდეგ აღმოსავლეთ ღუტაში დაიღუპა 300-ზე მეტი ადამიანი... Читать дальше...

ეკონომიკისა და მდგრადი განვითარების სამინისტროს ინფორმაციით, შპს “აჭარა ტექსტილი“ საქართველოს ეკონომიკისა და მდგრადი განვითარების სამინისტროს პროგრამის „აწარმოე საქართველოში“ ფინანსური და ინფრასტრუქტურული კომპონენტით სარგებლობს. შესაბამისად, საწარმოს ასაშენებლად სახელმწიფოსგან კომპანიას სიმბოლურ ფასად, ერთ ლარად გადაეცა მიწის ნაკვეთი, ხოლო სესხის პროცენტის თანადაფინანსებას ეკონომიკის სამინისტროს სსიპ „აწარმოე საქართველოში“ განახორციელებს. პროგრამის ფარგლებში აღებული სესხის მოცულობა 9 200 000 ლარს შეადგენს... Читать дальше...

პიონჩანგის ოლიმპიურ თამაშებზე ჰოკეიში ქალთა შეჯიბრება ბულიტების სერიაში ამერიკის შეერთებული შტატების ნაკრების ტრიუმფით დაგვირგვინდა. ოლიმპიადების ისტორიაში ქალთა ჰოკეიში მედლები მეექვსედ გათამაშდა და, უკვე მეხუთედ, ფინალში ერთმანეთს ამერიკელები და კანადელები დაუპირისპირდნენ. პიონჩანგამდე ფინალების საერთო ანგარიში 4:1 იყო კანადის სასარგებლოდ. 2002, 2006, 2010 და 2014 წლების ოლიმპიადების ჩემპიონი ამჯერად მეორე ადგილს დასჯერდა. ძირითადი და დამატებითი დრო ფრედ - 2:2 - დასრულდა. ბულიტების სერიაში კი ამერიკელებმა 3:2 გაიმარჯვეს. Читать дальше...

პიონჩანგის ოლიმპიურ თამაშებზე ბიატლონში ქალთა ესტაფეტაში უმაღლეს ტიტულს ბელორუსი სპორტსმენები დაეუფლნენ, გუნდის ლიდერი მარია დომრაჩევა კი უკვე ოლიმპიური თამაშების ოთხგზის ჩემპიონია. ბელორუსთა კვარტეტმა, რომლის შემადგენლობაშიც დომრაჩევა, ნადეჟდა სკარდინო, ირინა კრიუკო და დინარა ალიმბეკოვა შედიოდნენ, ოცდაოთხკილომეტრიანი დისტანცია 1:12:3,4 საათში დაფარეს და უახლოეს მდევარს - შვედეთს - 10,7 წამით აჯობეს. ბრინჯაოს მედალი კი ფრანგებმა მოიპოვეს, ლიდერთან 17,6-წამიანი ჩამორჩენით. სოჭის 2012 წლის ოლიმპიური თამაშების ჩემპიონი... Читать дальше...

ირანი გამოდის მუქარით, რომ დატოვებს 2015 წლის, ისტორიული მნიშვნელობის ბირთვულ შეთანხმებას მსოფლიოს წამყვან ქვეყნებთან, თუ ის ეკონომიკურ სარგებელს არ მოიტანს და მსხვილი ბანკები თუ ისევ არ ითანამშრომლებენ თეირანთან. ბირთვული შეთანხმების გარშემო "თუ იგივე დაბნეულობის და არასტაბილურობის პოლიტიკა გაგრძელდა, თუ კომპანიები და ბანკები ირანთან არ იმუშავებენ, ვერ დავრჩებით იმ შეთანხმების ნაწილად, რომელსაც ჩვენთვის სარგებელი არ მოაქვს" - განაცხადა საგარეო საქმეთა მინისტრის მოადგილემ, აბას არაყჩიმ 22 თებერვალს ლონდონში, ჩეთემ ჰაუსის ანალიტიკურ ცენტში. Читать дальше...

მარტის ბოლოს საქართველოში მისიას და 33-წლიან დიპლომატიურ კარიერას დაასრულებს აშშ-ის ელჩი, იან კელი. მან საქართველოში სამწლიან საქმიანობაზე 22 თებერვალს ისაუბრა თბილისში, აშშ-ის საელჩოს, „რონდელის ფონდის“ და „საქართველოს ატლანტიკური საბჭოს“ მიერ ორგანიზებულ დისკუსიაზე: “შემდეგი ეტაპი აშშ-ისა და საქართველოს სტრატეგიულ პარტნიორობაში: დემოკრატიის კონსოლიდაცია." დისკუსიას დაესწრნენ საქართველოს პარლამენტის უმრავლესობის და ოპოზიციის, არასამთავრობო სექტორის და დიპლომატიური კორპუსის წარმომადგენლები. იან კელის ინფორმაციით... Читать дальше...

ჩერნოგორიას მთავრობის განცხადებით, თავდამსხმელმა შუაღამისას ასაფეთქებელი მოწყობილობა ესროლა დედაქალაქ პოდგორიცაში მდებარე აშშ-ის საელჩოს შენობას და შემდეგ თავი აიფეთქა. აშშ-ის წარმომადგენელი აცხადებს, რომ საელჩოში არავინ დაშავებულა. მთავრობამ ტვიტერით გაავრცელა ინფორმაცია, რომ უცნობმა პირმა თავი მოიკლა ასაფეთქებელი მოწყობილობით და  "მანამდე, ამ პირმა ასაფეთქებელი მოწყობილობა ისროლა ... აშშ-ის საელჩოს ტერიტორიაზე". მთავრობის ცნობითვე, საელჩოსთვის ნასროლი მოწყობილობა "სავარაუდოდ" ხელყუმბარა იყო. იუწყებიან... Читать дальше...

22 თებერვალს თბილისში გაიმართა „PMC კვლევითი ცენტრის“ მიერ ორგანიზებული პრეზენტაცია - „სარკინიგზო ინფრასტრუქტურის მოწყობის საკითხი თბილისში“.  კვლევა მიზნად ისახავდა დედაქალაქში არსებული სარკინიგზო სისტემის მოწყობის რამდენიმე შესაძლო სცენარის ერთმანეთთან შედარებას. კვლევის შედეგები წარმოადგინა „PMC კვლევითი ცენტრის“ აფილირებულმა მკვლევარმა და „ურბანული ლაბორატორიის“ ხელმძღვანელმა, გიორგი ბაბუნაშვილმა. მისი განცხადებით, „ალტერნატივების შედარებითი ანალიზის დროს გამოიკვეთა, რომ საუკეთესო მაჩვენებლები ურბანულ... Читать дальше...

უკრაინის საზღვრის დაცვის სამსახურმა მიხეილ სააკაშვილს სამი წლით აუკრძალა ქვეყანაში შესვლა, რამდენიმე დღეში მას შემდეგ, რაც ის უკრაინიდან გაძევებულ იქნა. სააკაშვილმა 21 თებერვალს ფეისბუკზე გამოაქვეყნა საზღვრის დაცვის სამსახურისგან მიღებული დოკუმენტი, რომლის თანახმადაც აკრძალვა 2021 წლის 13 თებერვლამდე იქნება ძალაში. უკრაინის საზღვრის დაცვის პრესმდივანმა, ოლეგ სლობოდიანმა დაადასტურა, რომ სააკაშვილს უკრაინაში შესვლა აეკრძალა. მისი თქმით, ამას საფუძვლად დაედო საზღვრის ერთ-ერთი მცველის ბრძანება - ეს მცველი... Читать дальше...

ბელგრადში ვიზიტის დროს რუსეთის საგარეო საქმეთა მინისტრი, სერგეი ლავროვი მიესალმა სერბიას სურვილს გაწევრიანდეს ევროკავშირში, თუმცა ასევე განაცხადა, რომ მოსკოვი სერბიასთან ახლო კავშირებს შეინარჩუნებს, რაც უნდა მოხდეს მომავალში. სერბიის დედაქალაქში ლავროვი 21 თებერვალს ჩავიდა, ორდღიანი ვიზიტით, რომლის მიზანია სერბიასთან ტრადიციული კავშირების კიდევ უფრო განმტკიცება. "ჩვენ ყოველთვის გვსურდა ჩვენს პარტნიორებს თავისუფალი არჩევანი ჰქონოდათ და პოლიტიკური კავშირები დაემყარებინათ" - განაცხადა ლავროვმა პრესკონფერენციაზე... Читать дальше...

რუსეთის ოპოზიციონერი პოლიტიკოსი, ალექსეი ნავალნი აცხადებს, რომ ის პოლიციამ მცირე ხნით დააკავა და ბრალი დასდო ადმინისტრაციულ სამართალდარღვევაში, რასაც შესაძლოა 30-დღიანი პატიმრობა მოჰყვეს. ნავალნი და მისი მოკავშირე, ლეონიდ ვოლკოვი, 22 თებერვალს ცალ-ცალკე დააკავეს, რამდენიმე კვირით ადრე საპრეზიდენტო არჩევნებამდე, რომელშიც ნავალნის აეკრძალა მონაწილეობა და მოქმედი პრეზიდენტისთვის, ვლადიმირ პუტინისთვის მეტოქეობის გაწევა. ნავალნიმ, რომელიც გამოდის არჩევნების ბოიკოტირების მოწოდებით, ტვიტერით დაწერა, რომ მას პოლიცია მაშინ მიუახლოვდა... Читать дальше...

მაშინ როცა საქართველოს პარლამენტი ბიუჯეტიდან დაფინანსებულ საზოგადოებრივ მაუწყებელს შემოსავლების გაზრდაში კომერციული რეკლამის გაყიდვის გზით ეხმარება, რეგიონალური ტელემედიები გადარჩენის გზებს ეძებენ, ფინანსურ კრიზისში მყოფ კომპანიებს კი რუსული ან მათი ინტერესების გამტარი ორგანიზაციები პერიოდულად  სხვადასხვა სახის ფინანსურ თანამშრომლობას სთავაზობენ.

​თბილისის მთავარი ბიბლიოთეკა 36 ფილიალსა და 340 თანამშრომელს აერთიანებს. წამყვანი ბიბლიოთეკარის ხელფასი 252 ლარია, ნახევარ განაკვეთზე მომუშავე ბიბლიოთეკარი კი ყოველთვიურად 136 ლარს იღებს.

გორში ბავშვებში ჩუტყვავილით დაავადების შემთხვევები ყოველდღიურად იზრდება. განსაკუთრებით რთული ვითარებაა საბავშვო ბაღებში.

საერთაშორისო უფელბადამცველმა ორგანიზაციამ, Amnesty International-მა გამოაქვეყნა 2017 წლის ანგარიში, მსოფლიოში ადამიანის უფლებათა მდგომარეობის შესახებ. ანგარიშის იმ ნაწილში, რომელიც საქართველოს შეეხება, ნათქვამია, რომ ადამიანის უფლებათა დარღვევებისთვის სამართალდამცავთა დაუსჯელობის გაგრძელებამ კიდევ უფრო ნათლად წარმოაჩინა დამოუკიდებელი საგამოძიებო მექანიზმის შექმნის საჭიროება. უფლებადამცველი ორგანიზაციის შეფასებითვე, სამართლებრივმა დავამ ოპოზიციურად განწყობილი ტელეკომპანიის, „რუსთავი 2“-ის გარშემო... Читать дальше...

22 თებერვალს რადიო თავისუფლების "დილის საუბრების" სტუმარი იყო ვახტანგ ჭარაია, თსუ-ს ანალიზისა და პროგნოზირების ცენტრის დირექტორი.

“გუშინ ხაშურიდან თბილისში გამოპარულ 10 წლის ბავშვს დღეს ზოოპარკი დაათვალიერებინეს”, -ამის შესახებ საპარლამენტო უმრავლესობის დეპუტატი ოთარ ჩრდილელი სოციალურ ქსელში წერს. “გუშინ ხაშურიდან თბილისში გამოპარულ 10 წლის ბავშვს დღეს ზოოპარკს დაათვალიერებინეს.  ბავშვი იმ პატრულის ეკიპაჟმა წამოიყვანა ხაშურიდან, რომელმაც გუშინ დაკარგული იპოვა ზოოპარკის ადმინისტრაცია, ბავშვს- ერთწლიან აბონემენტს და ზოოპარკის საპატიო მეგობრის სერთიფიკატს გადასცემს“, – წერს ჩრდილელი. ცნობისთვის, […]