Новости за 01.03.2023

ევროკავშირის წევრი 19 ქვეყნის ელჩები საქართველოს პარლამენტის თავმჯდომარეს, შალვა პაპუაშვილს, შეხვდნენ. დიპლომატები უმაღლესი წარმომადგენლობითი ორგანოს სპიკერს „უცხოური გავლენის აგენტების" კანონპროექტის საკითხზე ესაუბრნენ. როგორც პაპუაშვილმა თქვა, მათ ილაპარაკეს საპარლამენტო უმრავლესობაში შემავალი „ხალხის ძალის" ორივე კანონპროექტის შესახებ. „გვქონდა საუბარი, მათ შორის იმ წუხილზე, რომელზეც ღიად არის გამოთქმული, რომ არ მოხდეს ისეთი მოწესრიგება, რამაც შეიძლება, გარკვეული ჩრდილი მიაყენოს ამა თუ იმ აქტორებს. Читать дальше...

ამერიკის შეერთებული შტატების ელჩი კელი დეგნანი კიდევ ერთხელ გამოეხმაურა პარლამენტში დარეგისტრირებულ კანონპროექტს "უცხოური გავლენის აგენტებზე" და თქვა, რომ მთავარი კითხვაა, "რა არის მისი რეალური მიზანი", როდესაც ის საქართველოს არ სჭირდება. ამის შესახებ ელჩმა რეპრესირებულ მწერალთა მუზეუმის გახსნის ცერემონიალზე ჟურნალისტებთან ისაუბრა. "რა არის საქართველოს ინტერესებში? აქ მნიშვნელობა არ აქვს ვერსიებს. სჭირდება კი საქართველოს ეს კანონი, რომელიც პირდაპირ საფრთხის ქვეშ დააყენებს ევროატლანტიკურ მომავალს? Читать дальше...

ფინეთის პარლამენტმა ნატოში გაწევრიანების შესახებ მომზადებული კანონპროექტი დაამტკიცა. დოკუმენტს კენჭისყრაზე დარბაზში მყოფმა 184 დეპუტატმა დაუჭირა მხარი, შვიდი წინააღმდეგი იყო. ერთმა დეპუტატმა თავი შეიკავა. 2022 წლის 29 ივნისს ნატოს ქვეყნებმა გადაწყვიტეს ოფიციალურად მიეწვიათ ალიანსში ფინეთი და შვედეთი, რომლებმაც რუსეთის მიერ უკრაინაზე თავდასხმის შემდეგ უარი თქვეს ნეიტრალიტეტზე და უსაფრთხოების მიზნით ნატოში გაწევრიანება გადაწყვიტეს. ნატო-ში ორი ახალი წევრის მიღების შესახებ შეთანხმება დასავლეთის თავდაცვის... Читать дальше...

ზუგდიდის რაიონულ სასამართლოში მიმდინარე სხდომაზე „საქართველოს ბანკის“ ფილიალზე თავდასხმისთვის ბრალდებულმა ბადრი ესებუამ უარი განაცხადა, რომ მისი ინტერესები ადვოკატმა ალექსანდრე კობაიძემ დაიცვას. ბადრი ესებუას სახელით სასამართლოში შესული განცხადება მოსამართლე ეკატერინე ბებიამ წაიკითხა და თქვა, რომ ბადრი ესებუას არ სურს მისი ინტერესები დაიცვას ადვოკატმა ალექსანდრე კობაიძემ და უნდა, რომ პროცესზე იცავდნენ ადვოკატები იოსებ ჯანაშია და ხათუნა ჯანაშია. ბადრი ესებუამ მოსამართლის მიმართვის საპასუხოდ დაადასტურა, რომ ეთანხმება წაკითხულის შინაარსს. Читать дальше...

ლაგოდეხში წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი 33 წლის კაცი ქურდობისა და სხვისი ნივთის დაზიანების ბრალდებით დააკავეს. შინაგან საქმეთა სამინისტროს ინფორმაციით, ბრალდებულმა ლაგოდეხში, სახანძრო-სამაშველო სამსახურის შენობის მიმდებარე ტერიტორიაზე, რამდენიმე ავტომანქანა დააზიანა, საიდანაც სხვადასხვა ნივთი და ფული მოიპარა. პოლიციელებმა ნაქურდალი ნივთები ნივთმტკიცებად ამოიღეს. გამოძიება მიმდინარეობს სისხლის სამართლის კოდექსის 177-ე მუხლის მე-3 ნაწილის „დ" ქვეპუნქტით და 187-ე მუხლის პირველი ნაწილით... Читать дальше...

ბადრი ესებუაზე მიმდინარეობს ზეწოლა, – ამის შესახებ ადვოკატმა ალექსანდრე კობაიძემ ჟურნალისტებს სასამართლო დარბაზის დატოვების შემდეგ განუცხადა. მისი თქმით, ბრალდებულმა დამშვიდობების წინ უთხრა, რომ ეს მისი სურვილით არ მომხდარა. „როგორც ვვარაუდობდი, დადასტურდა პროცესზე, რომ ბადრი ესებუაზე მიმდინარეობს კოლოსალური ზეწოლა. დღეს დადასტურდა, რომ მას ათქმევინეს, რომ ერთ-ერთი ადვოკატი ალექსანდრე კობაიძე უნდა აეცილებინა. ეს არის არნახული ზეწოლა, რომელიც ამ ...

გაზაფხულის მოახლოებასთან ერთად, ქალაქგარეთ გამსვლელთა რიცხვი სულ უფრო იზრდება და გზებზე მოძრაობაც მეტად ინტენსიური ხდება. სანამ სასიამოვნო დასვენებას დაგეგმავთ, არ დაგავიწყდეთ, რომ შორ გზაზე მგზავრობისას ავტომობილის შემოწმება ის აუცილებელი პირობაა, რაც უსაფრთხო და კომფორტულ გადაადგილებას განსაზღვრავს. თუ ფიქრობთ, რომ თქვენი ავტომობილის რომელიმე დეტალი გადამოწმებას საჭიროებს, მაშინ „თეგეტა მოტორსის“ საგაზაფხულო შეთავაზებები საქმეს გაგიმარტივებთ. 1-იდან 8 მარტის ...

რუსეთის სამარის რეგიონული სათათბიროს რეგლამენტის კომიტეტმა გამოაცხადა, რომ საჯაროდ გმობს რუსეთის "კომუნისტური პარტიის" დეპუტატის, მიხაილ აბდალკინის საქციელს და პარტიიდან მის გარიცხვას მოითხოვს. ასეთი ინიციატივის მიზეზი გახდა რეგიონული დეპუტატის მიერ სოციალურ ქსელში გამოქვეყნებული ვიდეო, რომელშიც ყურზე ატრიაჩამოკიდებული უსმენს ფედერალური ასამბლეისადმი რუსეთის პრეზიდენტის, ვლადიმირ პუტინის ყოველწლიურ მიმართვას (დეპუტატი ინსცენირებას აკეთებს ცნობილი რუსული გამოთქმისა вешать лапшу на уши - "ყურებზე ატრიის ჩამოკიდება" - რაც მოტყუებას ნიშნავს). Читать дальше...

რონდელის ფონდის უფროსი მკვლევარი ბუკა პეტრიაშვილი ლუაკშენკას ჩინეთში ვიზიტსაც შეეხო, რომელიც ჩინეთის მიერ 12-პუნქტიანი გეგმის წარმოდგენისა და პეკინის მიერ რუსეთისთვის შეიარაღების მიწოდებაზე გადაწყვეტილების მიღების პროცესში ხორციელდება. ამასთან ყოველკვირეული რუბრიკის ავტორი ამბობს: "ლუკაშენკას აქვს თავისი ინტერესები, რომ ჩინეთთან ინდივიდუალურად გაიღრმაოს ურთიერთობები. ლუკაშენკა სულ მანევრირებს, საკუთრი ტყავის გადარჩენის პროცესში იქნებ რაღაცებს გამოკრას ხელი. მას, როგორც ჩანს, აქვს იმედი, რომ ჩაეთვლება სასამართლოზე... Читать дальше...

საქართველოს შს მინისტრის მოადგილის, ალექსანდრე დარახველიძის თქმით, არასწორია განცხადება იმის თაობაზე, რომ 2021 წლის 5 ივლისის საქმის რომელიმე მიმართულებაზე შინაგან საქმეთა სამინისტრომ არ იმუშავა. პარლამენტში ყოფნისას მედიასთან კომენტარში ასე გამოეხმაურა მინისტრის მოადგილე აშშ-ის სახელმწიფო დეპარტამენტის ანგარიშს ტერორიზმის შესახებ. ანგარიში შეეხებოდა 2021 წლის 5 ივლისის ძალადობრივ მოვლენებსაც. „არასწორია განცხადება იმის თაობაზე, რომ 5 ივლისის საქმის რამე ნაწილზე ან მიმართულებაზე შინაგან საქმეთა... Читать дальше...

ტიციან ტაბიძის ქუჩაზე, სადაც ფერდი ჩამოიშალა, ერთმა ოჯახმა ბინა უკვე დაცალა, მეორე სახლში მცხოვრები ადამიანი კი ბინის დატოვებაზე უარს აცხადებს, – ამის შესახებ ვაკის რაიონის გამგებელმა, დავით კვინიკაძემ „ინტერპრესნიუსს“ განუცხადა. მისივე თქმით, მოსახლეობა ინფორმირებულია, რომ აღნიშნული ტერიტორია შესაძლოა, საფრთხის შემცველი იყოს. ამასთან, განმარტავს, რომ მას შემდეგ, რაც კვლევები დასრულდება სრული სურათი ექნებათ, თუ რამ გამოიწვია კლდის ...

მსოფლიოში ერთ-ერთი ყველაზე უსაფრთხო ბრენდის, Volvo-ს წარმომადგენლობა საქართველოში, „ვოლვო ქარ საქართველო“ ხელოვანების მხარდაჭერას აქტიურად განაგრძობს. კომპანიისთვის კორპორაციული პასუხისმგებლობა, ადამიანებზე, პლანეტაზე ზრუნვასთან ერთად, კულტურის განვითარების ხელშეწყობასაც მოიცავს. უკვე მეორე წელია კომპანია Stockton-თან და Stockton Records-თან სწორედ ქართული კულტურის პოპულარიზაციის მიზნით თანამშრომლობს. 2022 წლის განმავლობაში ექსპერიმენტული ჰიპ-ჰოპ ბენდის MokuMoku-ს სხვადასხვა ღონისძიების მიმართულებით... Читать дальше...

გაზაფხული წლის ის სეზონია, როდესაც ბუნება გამოღვიძებას იწყებს და მიწას შესაბამისად დამუშავება სჭირდება. ამიტომ სოფლად მცხოვრებნი იწყებენ თავიანთ ნაკვეთებში აქტიურ სამუშაოებს. იწყება ნერგების დასარგავად მიწის გაფხვიერება, უკვე დარგული ხეების გასხვლა და სხვა. საქმე ძალიან ბევრია და, შესაბამისად, გლეხს სჭირდება უამრავი ხელსაწყო საქმის დროულად და მარტივად შესასრულებლად. საჭირო ინსტრუმენტების შეძენა კი არც ისე მარტივია, ვენახის დასამყნობი ...

წელს, მას შემდეგ, რაც ბერლინის ფესტივალის გახსნას ვოლოდიმირ ზელენსკი საგანგებო მიმართვით მიესალმა, აქ აკრედიტებული ჟურნალისტები ნახევრად ხუმრობით აღნიშნავდნენ, რომ „ბერლინალე“ ყოველთვის ასწრებს ისტორიულ მოვლენებს.

დღეს, პირველ მარტს საქართველოში მიწისძვრა მოხდა. მისი მაგნიტუდის სიდიდე 4,2 (ML) შეადგენდა. ბიძგები თბილისის დროით 14:52 საათზე დაფიქსირდა. დედამიწის შემსწავლელ მეცნიერებათა ინსტიტუტის ცნობით, სტიქიის ეპიცენტრი თბილისიდან 64 კილომეტრის მოშორებით, ქალაქ დმანისთან ახლოს, სოფელ მამიშლართან იყო.

ირკუტსკელი მობილიზებული, რომლებმაც სამჯერ მიმართეს რუსეთის პრეზიდენტს მოიერიშე დანაყოფებიდან ტერიტორიულ თავდაცვაში გადაყვანის თხოვნით, შეტევით პოზიციებზე გაგზავნეს დონეცკის ოლქის ქალაქ ავდიევკას მახლობლად. ინფორმაციას რადიოს თავისუფლების პროგრამა Сибирь.Реалии  ავრცელებს სამხედრო მოსამსახურეების ნათესავების გამოცემა "Люди Байкала"  - ზე დაყრდნობით. თებერვლის დასაწყისში და ბოლოს 1439-ე პოლკში მობილიზებულებმა ვიდეო ჩაწერს, რომლითაც რუსეთის მთავრობას და ვლადიმირ პუტინს მიმართავდნენ. სამხედრო მოსამსახურეების... Читать дальше...

რუსეთში, ტულის ოლქში დააპატიმრეს ალექსეი მოსკალიოვი, რომლის ქალიშვილმაც გასული წლის გაზაფხულზე სკოლაში გაკვეთილზე ომის საწინააღმდეგო ნახატი დახატა. ამის შესახებ იუწყება უფლებადამცველი მარინა ლიტვინოვიჩი - მისი თქმით, მოსკალიოვის სახლში ჩხრეკა ჩატარდა. ოჯახიდან წაიღეს მთელი ფული. მოსკალიოვი შვილს მარტო ზრდის.  გამოცემა "სპექტრი" წერს, რომ მამის დაპატიმრების შემდეგ გოგონა სახლში მარტო დარჩა. გარდა ამისა, ჟურნალისტების ინფორმაციით, პოლიციელებმა მიაკითხეს მოხალისეს, რომელიც მოსკალიოვების ოჯახს ეხმარება - მისი სახლის გაჩხრეკაც სურდათ... Читать дальше...

ოკუპირებულ ცხინვალში სამშაბათს დაჭრილი ბავშვი თბილისის ერთ-ერთ კლინიკაში გადაიყვანეს. რადიო თავისუფლებას "წითელი ჯვრის საერთაშორისო კომიტეტში" დაუდასტურეს, რომ დაჭრილი ბავშვი წუხელ, ღამის 3 საათზე, ორ თანმხლებ პირთან ერთად რეანიმობილით გამოიყვანეს. მანამდე მას ცხინვალის ცენტრალურ საავადმყოფოში ოპერაცია გაუკეთეს. ბავშვის ჯანმრთელობის მდგომარეობასთან დაკავშირებით საინფორმაციო სააგენტო „რესს“ ადგილობრივი საავადმყოფოს ბავშვთა ქირურგმა ლუიზა ჯიოევამ უთხრა, რომ მდგომარეობა ოპერაციის შემდეგ სტაბილურია. Читать дальше...

შინაგან საქმეთა სამინისტროს ინფორმაციით, საგამოძიებო მოქმედებების შედეგად დააკავეს ხუთი ადამიანი, მათ შორის კრიმინალური ავტორიტეტი, ცხვრების გატაცებისა და მწყემსებისთვის თავისუფლების აღკვეთის ბრალდებით. დანაშაული 4-დან 11 წლამდე პატიმრობას ითვალისწინებს. პრესსამსახურის ინფორმაციით, ოთხმა ადამიანმა (გ.ბ.-მ , ნ.ბ.-მ, მ.რ.-მ და ზ.ბ.-მ) ძალადობის მუქარით გაიტაცა ლ.მ.-ს ფერმიდან 600 ცხვარი, დაზარალებულმა კი (გ.ბ.-სთან) დავის მოსაგვარებლად კრიმინალური ავტორიტეტი (ა.ა.) ჩართო. "გამოძიებით ასევე დადგინდა... Читать дальше...

რეპუბლიკა სრპსკაში ამოქმედდა კანონი სახელმწიფო საკუთრების შესახებ, მიუხედავად ბოსნიაში უმაღლესი წარმომადგენლის, კრისტიან შმიდტის მცდელობისა, ეს კანონი დაბლოკილიყო. საჯარო უწყებების მიერ გამოყენებული უძრავი სახელმწიფო ქონების შესახებ კანონი ძალაში შევიდა 28 თებერვალს, უთხრა რეპუბლიკა სრპსკას წარმომადგენელმა რადიო თავისუფლებას. ამ კანონს განიხილავენ რეპუბლიკა სრპსკას მცდელობად, სახელმწიფო ქონების ბოსნიისგან ამ სერბთა ერთეულისთვის გადასაცემად. კანონის ამოქმედება არის პირდაპირი გამოწვევა შმიდტის მიერ ადრე მიღებული გადაწყვეტილებებისთვის... Читать дальше...

გრძელდება მწვავე შეტაკებები ბახმუტისთვის, სადაც უკრაინელი მცველები რუსეთის თავდასხმათა ტალღას დაუპირისპირდნენ - ამბობს პრეზიდენტი ვოლოდიმირ ზელენსკი, უკრაინის არმია კი 1 მარტს იტყობინება, რომ გაძლიერდა შეტევები დონეცკის რეგიონში. მოსკოვის ძალებმა იერიშები მიიტანეს ლიმანსკზე, ავდეევკაზე და შახტარზე, რომლებიც, ბახმუტთან ერთად, უკვე კვირების განმავლობაში წარმოადგენენ რუსეთის შეტევის მთავარ სამიზნეს, აღნიშნავს უკრაინის გენერალური შტაბი თავის ყოველდღიურ ანგარიშში. ბახმუტის ალყაში მოქცევის ძალისხმევაში... Читать дальше...

საბერძნეთში 36-მდე გაიზარდა ქვეყნის ცენტრალურ ნაწილში მომხდარი სარკინიგზო კატასტროფის შედეგად დაღუპულთა რიცხვი. ჰოსპიტლებში რჩება 66 დაშავებული, მათგან 6 რეანიმაციაშია. ვარაუდობენ, რომ დაღუპულთა რიცხვი კიდევ გაიზრდება, რადგან კატასტროფის რაიონში, ქალაქ ლარისასთან სამძებრო-სამაშველო ოპერაცია ჯერ არ დასრულებულა. საბერძნეთის პრემიერ-მინისტრმა კირიაკოს მიცოტაკისმა 1-3 მარტი გლოვის დღეებად გამოაცხადა. მიცოტაკისი კატასტროფის რაიონში გაემგზავრა. საბერძნეთს სამძიმარი გამოუცხადეს ევროკავშირის წევრი სახელმწიფოების ლიდერებმა და თურქეთმა. Читать дальше...

ქალ მეწარმეთა განვითარების პროგრამა საქართველოს ბანკის პროექტია, რომელიც გაეროს განვითარების პროგრამასთან (UNDP) და შვედეთის მთავრობასთან პარტნიორობით ხორციელდება. ინიციატივა, თეორიული და პრაქტიკული კომპონენტების გაერთიანებით, 200 ქალი მეწარმის ციფრული უნარებისა და შესაძლებლობების გაძლიერებას ისახავს მიზნად. პროექტის ერთ-ერთი მონაწილე საგარეჯოს მუნიციპალიტეტის სოფელ კოჭბაანიდანაა, რომლის საქმიანობაც მეფუტკრეობას, აპი თერაპიას და აგრო და ეკო ტურიზმს მოიცავს. ხათუნა შაშურაშვილის ოჯახი უკვე 100 წელზე... Читать дальше...

პარლამენტში საქართველოს ყოფილი პრემიერ-მინისტრის, გიორგი გახარიას პარტია - "საქართველოსთვის" აპირებს "ოკუპანტი ქვეყნის - რუსეთის ფედერაციის გავლენისგან დაცვის შესახებ" კანონპროექტის შეტანას. ამის შესახებ დღეს, 1 მარტს ამავე პარტიიდან პარლამენტის წევრმა, ბექა ლილუაშვილმა ისაუბრა ბრიფინგზე. მისი თქმით, ხელისუფლება "უცხოური გავლენის გამჭვირვალობის შესახებ" კანონით სამიზნედ აქცევს არა ოკუპანტ ქვეყანას, არამედ სტრატეგიულ პარტნიორებსა და მეგობრებს. "ჩვენ, საქართველოს მოქალაქეებს ეს მტერი ისტორიამ განგვისაზღვრა, ხოლო მეგობრები თავად ავირჩიეთ. Читать дальше...