Новости за 02.03.2018

Армениянын парламенти бүгүн Армен Саркисянды президенттикке шайлады. Мурдагы өкмөт башчы, Британиядагы мурдагы элчи, 64 жаштагы Саркисянды 90 депутат колдоп, 10 депутат каршы болду, бирөө арсар добуш берди. Армен Саркисян бул кызматта Серж Саркисяндын ордун басат. Оппозиция "азыркы мамлекет башчы эми премьер-министр болуп бийлигин бекемдейт" деп келатат. Эки саясатчы бири-бирине тууган эмес. Серж Саркисян Армен Саркисянды 19-январда башкаруудагы Республикалык партиянын атынан талапкер кылып көргөзгөн. Читать дальше...

Кыргызстанда коррупцияга каршы күрөш жүргүзүш үчүн конкреттүү чара көрүлүшү керек. Бүгүн Бишкекте соттордун ишин жана бийликтин коррупцияга каршы ишмердүүлүгүн талкуулаган жарандык жыйында сүйлөп жатып “Бүтүн Кыргызстан” партиясынын лидери Адахан Мадумаров ушундай пикирин билдирди: - Кезинде Коррупцияга каршы күрөш боюнча улуттук кеңеш бар эле. Анын курамына жарандык коом өкүлдөрү, журналисттер кирчү. Бүгүн ал жок. "Коррупция менен күрөшкүлө" деп кайра эле коррупционерлердин башына илип койдук. Читать дальше...

Каталония өкмөтүнүн мурдагы башчысы Карлес Пучдемон Испаниянын курамындагы аймакты кайра жетектөөдөн баш тартты. Бул тууралуу ал Брюсселден тараткан видеокайрылуусунда айтты. Пучдемон Каталониянын эгемендигин жактаган дагы бир саясатчы Жорди Санчести колдоого үндөдү. Ушу тапта Санчес кутумга байланыштуу айыпталып, абакта отурат. Былтыр 21-декабрдагы кезексиз парламенттик шайлоодо бөлүнүүнү көздөгөн Пучдемон баштаган күчтөр жеңген. Каталониянын мурдагы жетекчиси Испанияга кайтып келсе, камакка алынат. Читать дальше...

Сотторду тандоо кеңеши Жогорку соттогу алты бош орунга талапкерлерди жактырды. Алардын арасында буга чейин саясий, чуулгандуу иштерди карап келген судьялар да бар. Талдоочулар алар Жогорку соттун судьялыгына бийликке кылган кызматы үчүн тандалып жатат деп эсептешет.

Кыргызстандын атын алыска тааныткан балбандардан уучубуз куру эмес. Бирок белгилүүлүк жагынан биринчи сапта Акжол Махмудов экендиги талашсыз. Ал эки күн мурда Бишкекте өтүп жаткан Азия чемпионатында алгачкы алтын медаль тагынып, кыргыз элин чоң кубанычка бөлөдү.

Кабулда жанкечтинин жардыруусунан карапайым бир киши мүрт кетип, төртөө жарадар болду. Ички иштер министрлигинин басма сөз катчысы Нажиб Даниш "Азаттыктын" ооган кызматына билдиргендей, дүрмөттөлгөн түзмөк чет өлкөлүк аскерлер машыгуу өткөргөн борбордун жанында жарылган. Кол салуу үчүн жоопкерчиликти эч ким моюнга ала элек. Мындан эки күн мурун эле президент Ашраф Гани "Талибан" менен тынчтык сүйлөшүүлөрүн баштоону сунуш кылган. Талибдер жыл башынан бери башкалаада жасаган бир нече теракттарда, 100дөн көп киши өлгөн.

Бакудагы наркологиялык борбордо тутанган өрт 24 кишинин өмүрүн алып кетти. Саламаттыкты сактоо министрлиги үч киши ооруканага жеткирилгенин маалымдады. Дагы 34 бейтапты куткарууга үлгүрүштү. Кырсыкка эмне себеп болгону азырынча белгисиз. Башкы прокуратуранын расмий билдирүүсүндө өрткө электр системасындагы мандем түрткү болушу мүмкүн деп айтылат. Чукул кырдаалдар, ички иштер министрлери жана вице-премьер-министр окуя болгон жерге барып кетишти.

Соттордун таза иштөөсүн талап кылган митинг 5-мартта Жогорку соттун алдында өтөт. Мындай чечим бүгүн Бишкектеги жарандык жыйында кабыл алынды. Анын уюштуруучуларынын бири, укук коргоочу Рита Карасартованын айтымында, митингге чогулгандар президент Сооронбай Жээнбековдун Кыргызстандын Коопсуздук кеңешинин соңку жыйынында коррупцияга каршы күрөш тууралуу билдирүүсүн колдоп, андан бул багытта чечкиндүү кадамдарды талап кылат: - 5-мартта биз Эски аянтта, Жогорку соттун алдында чогулабыз. Андан кийин Ак үйдүн алдына да барып... Читать дальше...

Соттордун таза иштөөсүн талап кылган митинг 5-мартта Жогорку Соттун алдында өтөт. Мындай чечим бүгүн Бишкектеги жарандык жыйында кабыл алынды. Анын уюштуруучуларынын бири, укук коргоочу Рита Карасартованын айтымында, митингге чогулгандар президент Сооронбай Жээнбековдун Кыргызстандын Коопсуздук кеңешинин соңку жыйынында коррупцияга каршы күрөшүү тууралуу билдирүүсүн колдоп, андан бул багытта чечкиндүү кадамдарды талап кылат: - 5-мартта биз Эски аянтта, Жогорку Соттун алдында чогулабыз. Андан кийин Ак үй алдына да барып... Читать дальше...

"Кыргызстан" фракциясынын депутаты Таалайбек Масабиров спортко жакшылап көңүл буруу керектигин айтты

АКШда курал сатууга шектелген кыргызстандык жаран Тенгиз Сыдыковдун бир тууганы Чынгыз Сыдыков УКМКга суракка чакырылды. Бул тууралуу атайын комитеттин өкүлү Рахат Сулайманов “Азаттыкка” билдирди. Ал УКМК Сыдыковго соңку учурда маалымат каражаттарында жазылган билдирүүлөрдү тактоо үчүн суроолор узатылганын кошумчалады. - Америкадагы кыргызстандыктардын курал сатууга тиешеси бар деген маалыматты тактоо үчүн, териштирүү иштеринин алкагында Чыңгыз Сыдыковду УКМКга чакырдык. Анткени маалымат каражаттарында... Читать дальше...

АКШда курал сатууга байланыштуу шек саналган кыргызстандык жаран Тенгиз Сыдыковдун бир тууганы Чыңгыз Сыдыков УКМКга суракка чакырылды. Бул тууралуу комитеттин өкүлү Рахат Сулайманов “Азаттыкка” билдирди. Ал УКМК Сыдыковго кийинки учурда маалымат каражаттарында жазылган билдирүүлөрдү такташ үчүн суроолорду узатканын кошумчалады. - "Америкадагы кыргызстандыктардын курал сатууга тиешеси бар" деген маалыматты такташ үчүн, териштирүү иштеринин алкагында Чыңгыз Сыдыковду УКМКга чакырдык. Анткени маалымат... Читать дальше...

Жазуучу Айдарбек Сарманбетовдун “Малкиши” аңгемеси эгемендик заманда, болгондо да социалдык түйүндөрдүн арааны жүрүп турган кезде жазылган. Аңгеме бир топ тилдерге которулуп, анда козголгон проблема кызуу талкуу жаратты.

Бүгүн Бишкекте саясатчылар, жарандык коом өкүлдөрү Кыргызстандагы сот, укук тартибин коргоо органдарынын абалын, келечегин талкуулашты.

Кыргызстанда азыркы башкаруучу КСДП партиясына атаандаш боло турган күч түзүү зарыл. Мындай пикирин бүгүн Бишкекте коррупцияга каршы аракеттерди талкуулаган жыйында экс-президент Роза Отунбаева билдирди. Ал саясатчылардын, оппозиция өкүлдөрүнүн бийликти сындаган жыйын-талкуулары ураандар менен чектелбестен, 5-6 жылдан кийин күчтүү платформага айлануучу өзүнчө саясий күчкө биригүү планын талкуулашы керек деп эсептейт. - Саясий атаандаштык жокко эсе бүгүн. Саясий майданды бир партия ээлеп турат, билгенин жасап жатат. Читать дальше...

Кыргызстанда азыркы башкаруучу КСДП партиясына атаандаш боло турган күч түзүү зарыл. Бүгүн Бишкекте коррупцияга каршы аракеттерди талкуулаган жыйында экс-президент Роза Отунбаева ушундай пикирин билдирди. Ал саясатчылардын, оппозиция өкүлдөрүнүн бийликти сындаган жыйын-талкуулары ураандар менен чектелбестен, 5-6 жылдан кийин күчтүү платформага айлануучу өзүнчө саясий күчкө биригүү планын талкуулашы керек деп эсептейт. - Саясий атаандаштык жокко эсе бүгүн. Саясий майданды бир партия ээлеп турат, билгенин кылып жатат. Читать дальше...

Жогорку Кеңештин “Республика – Ата-Журт” фракциясынын депутаты Фархат Иминов депутаттык мандатын тапшыруу жөнүндө чечим кабыл алды. Бул кабарды “Азаттыкка” депутаттын жардамчысы Максат Алымбеков тастыктады. Иминов өз кайрылуусунда мандатты тапшыруу анын жеке чечими болгонун, бул кадамды саясатка байлоонун зарылчылыгы жок экендигин жана шайлоочуларга ыраазычылыгын билдирген. “Депутаттык кызматымды аткарып жатып, мен өз ыйгарым укуктарымдын чегинде көп иш аткардым. Учурда Кыргызстандын жаңы президенти... Читать дальше...

Кыргызстан 2018-жылы 8 миң чарчы метр арзан турак жайды мамлекеттик ипотека аркылуу берсе, 2019-жылы ипотекага берилген турак жайдын көлөмү 130 миң чарчы метрге жеткирилет. Бул тууралуу парламенттеги КСДП фракциясынын жыйынында вице-премьер-министр Санжар Мукамбетов маалымдап, Чүй жана Нарын облустарында көп батирлүү 2 үй курулуп жатканын айтты. «Компания быйыл калган облустардын борборлорунда – Каракол, Баткен, Жалал-Абад, Ош, Талас шаарларында арзан турак жай кура баштайт. Анан, албетте, курулуштун сапатына өзгөчө көӊүл бурулат»... Читать дальше...

Кыргызстанда сот системасын каржылоонун көлөмү көбөйтүлгөнү менен тиешелүү натыйжа болбой жатат. Мындай пикирин бүгүн Бишкекте өтүп жаткан форумда Конституциялык палатанын мурдагы судьясы Клара Сооронкулова билдирди. - Сотторду каржылоо беш эсе көбөйтүлдү, 2017-жылы сот системасына мамлекеттик бюджеттен 1 миллиард сомдон ашуун каражат бөлүндү. Бирок көйгөй чечилген жок. Анализдеп келгенде маселе сот кызматкерлеринин өзүндө экенин түшүндүк. Ошондой эле Клара Сооронкулова Сотторду тандоо кеңешинин... Читать дальше...

Орусияда президент Владимир Путин жылдык кайрылуусунда өлкөсүнүн эң жаңы өзөктүк куралы менен ракеталарынын мүмкүнчүлүктөрүн да жарыялады.

Кыргыз-Түрк "Манас" университетинин Журналистика факультетинин беш студенти Түркияда өткөн сынакта байге алышты. Жаш журналисттер арасында жыл сайын өтүүчү сынакка быйыл студенттер Кайратбек Азимбаев, Бегим Жолдубай кызы, Аяна Байтемирова, Касиет Кубанычбек кызы жана Илгиз-Шернияз Турсунбек уулу катышып, байгелүү болушту. Алар мыкты даректүү тасма, кыска даректүү тасма, сүрөт жана теле жаңылыктар номинацияларында биринчи жана экинчи орунду ээлешти. Кыргызстандык студенттерге кубок жана акчалай сыйлык тапшырылды. Читать дальше...

Премьер-министр Сапар Исаков калктын психикалык саламаттыгын сактоо боюнча 2018-2030-жылдарга карата өкмөттүн программасын бекитти. Программага ылайык калктын психикалык саламаттыгын чыңдоо, жабыркоону болтурбоо, жеткиликтүү медициналык жардамды камсыздоо жана жергиликтүү деңгээлде комплекстүү тейлөө системасын өнүктүрүү ишке ашырылат. Ошондой эле адам укугун сактоо, психикасы бузулган адамдардын айыгып кетүүсүн тездетүү, ооруга чалдыгуусун жана майып болуу коркунучун азайтуу да каралган. Өкмөттүн маалымат кызматы кабарлагандай... Читать дальше...

Былтыр күздө эле оңдолгон Бишкектеги көчөлөрдүн айрымдарынын асфальты бузулган учурлар бар.

Кыргызстанда милицияны полиция деп өзгөртүү маселеси каралууда. Бул тууралуу бүгүн Бишкекте коопсуздук жана кылмыштарды алдын алуу боюнча өтүп жаткан жыйында айтылды. Жыйынга катышкан өкмөт башчы Сапар Исаков милицияны полиция деп атоо жагын караштыруу жараянын баштоо тапшырмасы берилгенин айтты. Бул иш Ички иштер министрлиги менен бирге жүргүзүлөт. Премьер-министр милицияны элге жакын кылуу керек деген пикирлерге кошуларын билдирди. (NT)

Кыргызстанда милицияны полиция деп өзгөртүү маселеси каралууда. Бул тууралуу бүгүн Бишкекте коопсуздук жана кылмыштардын алдын алуу боюнча өтүп жаткан жыйында айтылды. Жыйынга катышкан өкмөт башчы Сапар Исаков милицияны полиция деп атоо жөнүндө маселени караштырууга тапшырма берилгенин айтты. Бул иш Ички иштер министрлиги менен бирге жүргүзүлөт. Премьер-министр "милицияны элге жакын кылыш керек" деген пикирлерге кошуларын билдирди. (NT)