Новости за 03.10.2018

АКШнын мамлекеттик катчысы Майк Помпео Вашингтон 1955-жылы Тегерaн менен жетишилген достук келишимин токтоторун айтты. Ал ошондой эле Эл аралык соттун АКШнын санкциялары боюнча чыгарган чечимин сындап, Тегеранды Гаага сотун өз саясаты үчүн “колдонуп жатат” деп айыптады. Өткөн аптада Улуттар уюмунун Башкы ассамблеясында АКШ президенти Дональд Трамп дүйнө мамлекеттерин Иран өкмөтүн “агрессиялык” саясатты улантып жатканы үчүн изоляциялоого чакырса, өз кезегинде Иран президенти Хасан Роухани Вашингтонду “экономикалык терроризм” үчүн айыптады. Читать дальше...

3-октябрда Кыргызстандын Жогорку сотунун Конституциялык палатасы экс-президенттин кол тийбестигин алып салуу тууралуу укук коргоочу Нурбек Токтакуновдун өтүнүчүн карап, аны жарым-жартылай канааттандырды.

Орусиянын мурдагы вице-премьер-министри Аркадий Дворкович Эл аралык шахмат федерациясынын (Fédération Internationale des Échecs, FIDE - ФИДЕ) президенти болуп шайланды. Бул тууралуу федерациянын "Твиттердеги" баракчасына жарыяланды. ​Дворкович ФИДЕнин Грузиянын Батуми шаарында өтүп жаткан конгрессинде шайланды. Ар кайсы өлкөдөн келген 185 делегат бул орунга ат салышып жаткан үч талапкерге добуш беришти.  Дворкович 2012-2018-жылдары орус өкмөт башчынын орун басары болуп эмгектенген. Үч жыл Орусиянын... Читать дальше...

“Консалтинг групп” жана “Альянс курулуш плюс” курулуш компанияларынан батир алам деп акча төлөгөн үлүшчүлөр азыр “же иттен жок же ит байлаган жиптен жок” сыңары талаада калганы турат. Анткени азыр бул турак жайлардын курулушу токтоп калып, кийинки тагдыры бүдөмүк болуп турат. Эки компаниянын тең жетекчиси саналган Максим Альянов аттуу Казакстандын жаранына Кылмыш-жаза кодексинин 166-беренеси ("Алдамчылык") менен кылмыш иши козголуп, камакта отурат. Бул эки компания 2015-жылдан тарта Бишкектин 7-8 жеринде көп кабаттуу үйлөрдү кура баштаган. Читать дальше...

Бишкекте Европадагы Коопсуздук жана Кызматтыштык Уюмунун Парламенттик ассамблеясынын күзгү сессиясы ишин баштады. Жыйын Борбор Азиядагы коопсуздук үчүн диалогду күчөтүү маселесине арналган. Ооганстан менен чектешкен, чек арасы толук такталып бүтө элек Борбор Азия үчүн ЕККУнун Парламенттик ассамблеясы жакшы аянтча катары каралууда. 50гө жакын өлкөнүн парламент өкүлдөрүнүн башын кошкон Бишкек жыйынынан эмнелерди күтүүгө болот?

Бишкекте Европадагы коопсуздук жана кызматташтык уюмунун Парламенттик ассамблеясынын (ЕККУ ПА) күзгү жыйыны ишин баштады. Жыйын Борбор Азиядагы коопсуздук үчүн диалогду күчөтүү маселесине арналган. Жыйынга уюмдун курамындагы 46 өлкөдөн 160дан ашык парламентарий келди.

Экология жана техникалык коопсуздук боюнча мамлекеттик инспекциянын айрым мыйзамсыз иштери аныкталды. Бул тууралуу аталган инспекциянын мурунку басма сөз катчысы Анара Мамбеталиеванын кайрылуусунан кийин түзүлгөн комиссиянын жыйынтыгы боюнча президенттин басма сөз кызматы билдирди. Маалыматта ошондой эле Мамбеталиева кызматтан мыйзамсыз алынганы белгиленген.  Мамбеталиева мекемедеги жемкордукка каршы чыкканы үчүн жумушунан айрылганын айтып чыккан болчу. Коопсуздук кеңешинин катчысы Дамир Сагынбаев Анара Мамбеталиева менен жолугушуп... Читать дальше...

Улуттук дзюдо федерациясы жыл ичинде ийгиликке жеткен төрт спортчуга 300 миң сомдон акчалай сыйлык тапшырды. Сыйлык жаштар арасындагы Азия чемпионатында жана Азия оюндарында байге уткан дзюдочуларга берилди. Сыйлык алгандардын экөө жаштар арасындагы Азия чемпиондору Кубанычбек Айбек уулу менен Эрлан Шеров. Ливанда өткөн мелдеште Кубанычбек Айбек уулу 55 килограмм, Эрлан Шеров 81 кило салмактык бөлүктө алтын байге уткан. Индонезияда өткөн Азия оюндарында дзюдочулар Артур Тё менен Владимир Золоев коло медалдарга ээ болушкан. Читать дальше...

Армениянын саясатында кризис курчуду. Премьер-министр Никол Пашинян менен парламент тил табыша албай турат. Маселенин өзөгү кезексиз парламенттик шайлоодо. Өкмөт башчынын миңдеген тарапкерлери кечинде митингге чыгып, түн бир оокумга чейин тараган жок.

Орусиянын президенти Владимир Путин Чалгын башкармалыгынын мурдагы кызматкери жана Британиянын чалгын агенттигинин тыңчысы Сергей Скрипалды “саткын” жана “бузуку” деп атады.  Путин бул тууралуу Москвада өтүп жаткан энергетика боюнча форумда Солсбери шаарында Скрипаль кызы Юлия менен ууландырылгандан кийинки Орусияга салынган санкциялар жөнүндө суроого жооп берип айтты. “Айрымдар Скрипалды укук коргоочу деп ийгенге чейин барышты. Ал – мекенин саткан тыңчы” деди Путин. Залда отургандар анын мындай сөзүн колдоп кол чабышты. Читать дальше...

Кыргыздын улуу жазуучусу Ч.Т.Айтматовдун “Жамийла” повести дүйнөнү чарк айланып, сүйүүнү туу чокуга жеткире даңазалаган өзгөчө классик чыгарма катарында окурманды тамшантып келет. Автордун жазган чыгармаларынын дээрлик көпчүлүгү реалдуу жашоодон, болгон окуядан көркөмдөлүп жазылганын окуур замат эле түшүнүүгө болот.

Армения бийлиги кайрадан кризиске кептелди. Премьер-министр Никол Пашиняндын колдоочулары көчөгө чыгышты. Кытайдын Шинжаң аймагындагы этникалык казактар менен уйгурларды басмырлоо тууралуу улам жаңы окуялар белгилүү болууда.

Европадагы Коопсуздук жана Кызматташтык Уюмунун Парламенттик ассамблеясынын (ЕККУ ПА) жыйыны Кыргызстанда өтүшү парламентаризмдин бекемделешине шарт түзөт. Бул тууралуу аталган жыйында Кыргызстандын президенти Сооронбай Жээнбеков билдирди. Анын айтымында, бул иш-чаранын Бишкекте алгач ирет өтүшү Борбор Азия чөлкөмүндө парламенттик демократияны тандаган Кыргызстан үчүн абдан маанилүү. Президент Жээнбеков ЕККУнун Парламенттик ассамблеясынын бул жолку сессиясынын негизги темасы болгон коопсуздук маселеси... Читать дальше...

Француз жазуучусу Альбер Камю "Күз - жаратылыштын экинчи жазы, анда ар бир жалбырак гүлгө айланат" деген экен. Табияттын бул өзгөчө сулуу айын ырга айлантпаган акын жоктур. Бул темага кыргыз акындары да көп кайрылган экен. Алардын айрымдарын топтоп, "Азаттыктын" кабарчысы Ала-Арчага барып тарткан сүрөттөр менен кошо сунуштоону чечтик. Туристтер сүйгөн капчыгай азыр түркүн түстүү күрмө жамынып, кандай ыр, кандай мактоо жаадырсаң да жарашып, келберсип турган кези.

Кыргызстандык мушкердин атаандашы беттешке даяр эместигин жар салган.

Федерация Кеңеши Орусияда пенсия курагын көтөрүү жөнүндө мыйзам долбоорун жактырды. 149 депутат колдоп добуш берсе, бешөө “каршы” жана үчөө “калыс” болду.  Мыйзам долбоорунун акыркы редакциясына ылайык, Орусияда аялдардын пенсия курагы 55тен 60ка көтөрүлөт.  Буга чейин Мамлекеттик Дума өкмөттүн демилгесине ылайык, аялдардын пенсия жашын 63 жашка, эркектердикин 65 жашка көтөрүүнү караган мыйзам долбоорун биринчи окуудан июль айында жактырган.  Президент Владимир Путин 29-августтагы телекайрылуусунда... Читать дальше...

Бишкекте Европадагы Коопсуздук жана Кызматтыштык Уюмунун Парламенттик ассамблеясынын (ЕККУ ПА) күзгү жыйыны ишин баштады. Жыйын Борбор Азиядагы коопсуздук үчүн диалогду күчөтүү маселесине арналган. Жыйынга уюмдун курамындагы 46 өлкөдөн 160дан ашык парламентарий келди.  Парламенттик ассамблеянын жыйынынын ачылышы "Ала-Арча" мамлекеттик резиденциясында өтүп жатат. Ага ассамблея мүчөлөрү менен катар Кыргызстандын президенти Сооронбай Жээнбеков катышууда. ЕККУнун Парламенттик ассамблеясынын Бишкектеги жыйыны 5-октябрга чейин уланат. Читать дальше...

Нобелдин химия боюнча сыйлыгына экологиялык технологияны өнүктүрүүгө бараандуу салым кошкон илимпоздор татыды. Америкалык Фрэнсис Арнольд, Жорж Смит жана британиялык окумуштуу Грегори Уинтер химиялык өндүрүштө экологиялык технологияны өнүктүрүүгө кошкон салымы үчүн дүйнөлүк абройлуу сыйлык алышты. Бул тууралуу Швециянын падышалык академиясынын Нобел комитети 3-октябрда жарыялады.  Фрэнсис Арнольддун ферменттердин эволюциясын, Жорж Смиттин жана Грегори Уинтердин пептиддер менен антителолорду иликтеген эмгектери жогору бааланды. Читать дальше...

4-октябрда жаан-чачын болбойт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн 6...11, күндүз 23...28, Таласта түнкүсүн 2...7, күндүз 23...28, Ош, Баткен, Жалал-Абадда түнкүсүн 8...14, күндүз 24...29, Ысык-Көл, Нарында түнкүсүн 2...9, күндүз 20...25 градуска жетет. Бишкекте жаан-чачын болбойт. Абанын температурасы түнкүсүн 9…11, күндүз 25…27 градус болот.

Оштук эки карыя Ташкентте өткөн марафондо чуркап жеңишке жетишти. Экөө ага чейин 48 жаштагы спорт сүйүүчү менен чогуу Оштон Ташкентке чейин 14 күн бою жөө чуркап барышкан. Күнүгө чуркап, спорт менен машыккан аксакалдардын жашоосу жаштарга жакшы үлгү болууда.

Бүгүн Кыргызстандын Жогорку сотунун Конституциялык палатасы экс-президенттин кол тийбестигин алып салуу тууралуу укук коргоочу Нурбек Токтакуновдун өтүнүчүн карап, аны жарым-жартылай канааттандырды. Бул тууралуу ал өзү "Азаттыкка" кабарлады.  Буга чейин Нурбек Токтакунов Конституциялык палатага "Президенттин ишмердигинин кепилдиктер жөнүндөгү" мыйзамдын нормаларын Баш мыйзамга каршы келет деп таануу өтүнүчү менен кайрылган. Аталган норма экс-президенттердин кол тийбестигин шартсыз түрдө камсыздайт. Читать дальше...

Президент Сооронбай Жээнбеков Бириккен Улуттар Уюмунда Борбор Азиядагы суу-энергетика ресурстарын пайдалануу тажрыйбасынын жаңы ыкмаларын иштеп чыгуу зарылчылыгын айтып чыкты. Кыргыз парламентинде болсо кошуна өлкөлөргө суу сатуу маселеси кайрадан көтөрүлдү.

Жалал-Абаддын Ала-Бука районунун Көк-Таш айылында Өзбекстан менен чектеш, такталбаган аймакта жайгашкан Гава участогундагы автоунаа жолунун 300 метр аралыгы оңдоло баштады. Бул тууралуу “Азаттыкка” өкмөттүн облустагы өкүлүнүн биринчи орун басары Мамасалы Акматов билдирди. - Буга чейин 4 миң адам жашаган Көк-Таш айылынын тургундары пайдаланган жолду оңдоого өзбек тарап каршылык көрсөтүп, бир топ жаңжалдар болуп келген. 1-октябрда ал жерде Өзбекстандын Наманган облусунун жетекчилиги жана жергиликтүү тургундар менен бирге жолугушуу уюштурулуп... Читать дальше...

Сатар Кулматов 1904-жылы Кемин районундагы Атаке кыштагында төрөлгөн. Ата-энеси колунда бар, орто чарба адамдардан болушкан.

Дүйнөлүк шахмат федерациясы (Fédération Internationale des Échecs, FIDE - ФИДЕ) Грузиянын Батуми шаарында өтүп жаткан конгрессте жаңы президент шайлоонун алдында турат. Конгресске ар кайсы өлкөдөн келген 185 делегат бул орунга ат салышып жаткан үч талапкерге добуш беришет. Жеңүүчү бүгүн белгилүү болот.   Федерацияны жетектөөгө ФИДЕнин вице-президенти грециялык Георгиос Макропулос, Орусиянын вице-премьер-министри жана улуттук шахмат федерациясынын мүчөсү Аркадий Дворкович жана британиялык гроссмейстер Найжел Шорт талапкерлигин койгон. Читать дальше...