Новости за 24.10.2018

АКШнын соода министри Уилбур Росс өзбек өкмөтүнүн демократиялык реформаларга ынтаа коюшун кубаттады. Ал АКШ менен Өзбекстан эки тараптуу тыгыз кызматташтык жүргүзүшү зарыл экенин белгиледи.  Росс Борбор Азиядагы сапарынын алкагында 23-октябрда Өзбекстандын президенти менен сүйлөшүү жүргүзүп, АКШ менен Өзбекстандын соода палаталарынын бизнес-форумунда сөз сүйлөдү. Министрдин “мен Өзбекстанда жүргүзүлүп жаткан саясий жана демократиялык реформаларды колдойм” деп форумда айткан сөзүн АКШ элчилиги өз сайтына жайгаштырды. Читать дальше...

Ички иштер министри Кашкар Жунушалиев бүгүн, 24-октябрда Бишкекте өткөн басма сөз жыйында Жогорку Кеңештин мурдагы депутаты Аида Салянованын иниси Улан Саляновдун өлүмү тууралуу "Азаттыктын" суроолоруна жооп берди. Анын айтымында, кылмышка шектүү эки кишини Орусиядан экстрадициялоо аракеттери уланууда:  - Кылмышка катышкан кылмышкерлердин баары тең кармалган. Экөө Орусияда. Аларды экстрадициялоо маселеси чечилип атат. Кылмыш иши сотко кеткен. Азыр сот жүрүп жатат. Кимдин күнөөсү канчалык экенин сот чечет. Читать дальше...

НАТО Орусияга өз күчүн көрсөтүү максатында 50 миң аскер, 56 кеме жана 150 учактын катышуусунда ири аскерик машыгуу өткөрөт.

Жогорку Кеңештин депутаты Жанарбек Акаев акыйкатчы Токон Мамытовду Кадамжайга барып, Шамбесай алтын кени боюнча нааразылык билдирип жаткан элдин үнүн угууга чакырды. Бүгүн депутат бул маселени парламенттин жыйынында көтөрүп, кенди иштетүүгө каршы чыккан жергиликтүү тургундарга күч колдонулганын билдирип, “60тан ашып калган апаларды колун кайрып, өтө орой мамиле кылышты” деди: - Шамбесайда сегиз тонна алтын бар деп жатабыз. Беш жылда 200 миллион сом берет экен Кыргызстанга. Анын 40 миллиону Майдан айыл өкмөтүнө. Читать дальше...

2013-жылкы Бостондогу терактты уюштургандардын бири Жохар Царнаев агасы Тамерлан экөө жардыруучу затты үйдө өздөрү колго даярдап, чабуулга күн мурунтан камынганын ФБР агенттерине айтып берген. Бул тууралуу 23-октябрда сот процессинин документтери биринчи жолу ачыкка чыгарылганда дайын болду. Тамерлан Царнаев чабуулдан көп өтпөй полиция кызматкерлери менен атышууда окко учкан. Ал эми Жохар алган жарааттарынан сүйлөй албай, алгач колго түшкөндө ФБР агенттеринин суроолоруна кат аркылуу жооп берүүгө аргасыз болгон. Читать дальше...

Шаршембиге караган түнү "Урал аба жолдорунун" Москва-Дүйшөмбү каттамы менен учуп бараткан төрт жаштагы бала каза тапты. Авиакомпаниянын "Азаттыктын" тажик кызматына билдиргенине караганда, учак жерден көтөрүлгөндөн кийин эле бала кыйнала баштаган. Натыйжада учак Оренбургга конууга аргасыз болгон, бирок бул кезде бала чарчап калганы аныкталган. Анын сөөгү азыр Оренбургда экени кабарланды. "Урал аба жолдору" ишканасынын билдиргенине караганда, көз жумган бала Тажикстандын жараны болгон жана ал байкеси менен учуп бараткан.

25-октябрда жаан-чачын болбойт. Тоолуу райондордо жолдор тайгак болот. Батыш тараптан келген шамалдын ылдамдыгы секундасына 4-9 метр. Абанын температурасы: Чүйдө түнкүсүн 3...8, күндүз 17...22, Таласта түнкүсүн 1...6, күндүз 16...21, Ош, Баткен, Жалал-Абадда түнкүсүн 3...9, күндүз 17...22, Нарында түнкүсүн -2...-7, күндүз 11...16, Ысык-Көлдө түнкүсүн 0...5, түнкүсүн 11...16 градус болот. Бишкекте жаан-чачын болбойт. Абанын температурасы түнкүсүн 4…6, күндүз 19…21 градус болот.

Түндүк Корея БУУда жана Коопсуздук Кеңешинде санкцияларды азайтууга аракет кыла баштады.

Жалал-Абад шаарында майып кызын карап жашаган Айжаңыл Семетеевага экс-премьер-министр Сапар Исаков убада кылган батир эмгиче бериле элек.

АКШ президентинин улуттук коопсуздук боюнча кеңешчиси Жон Болтон Москвадагы сапарын жыйынтыктады. Өзүнүн айтымында, ал орус бийлигине АКШдагы шайлоого кийлигишүүгө жол берилбей турганын айткан. Ошондой эле ал Орусия АКШдагы шайлоого кийлигишсе деле анын жыйынтыгына эч кандай таасир этпей турганын белгиледи. Болтон 23-октябрда орус президенти Владимир Путин менен жолуккандан кийинки сөзүндө АКШ "шайлоого кийлигишти" деп айыптап жаткан орусиялык адамдардын аракети 2016-жылдагы шайлоонун жыйынтыгына... Читать дальше...

24-октябрда ички иштер министри Кашкар Жунушалиев маалымат жыйынын өткөрүп, журналисттердин суроолоруна жооп берди. Министр мурдагы башкы прокурор Аида Салянованын иниси Улан Саляновдун өлүмү, милиция бөлүмүндө каза тапкан Бурулайдын окуясы жана Ошто таасирдүү адамдардын спорт залдарында машыккан балдардын кылмыштарга аралашуусу тууралуу суроолорго жооп берди.

23-октябрда өкмөт үйүндө “ачык өкмөт” деп аталган инсталляция орнотулду. Сорос фондунун каржылоосу менен 194 000 сомго жасалган инсталляция өкмөттүн ачык иштөөгө болгон аракетин түшүндүрөт. Кыргызстан “Ачык өкмөт" ("Open Government Partnership") уюмуна былтыр ноябрь айында кошулган. Анын алкагында "Ачык маалыматтар" саясаты иштелип чыгып, мамлекеттик органдардын ишиндеги ачык-айкындыкты камсыз кылуу, инвестиция тартууга шарт түзүү боюнча убадалар берилген. "Ачык өкмөт" ("Open Government Partnership", OGP) - 2011-жылы негизделген эл аралык уюм. Читать дальше...

24-октябрда Пакистандын ири шаары Карачиде мамлекеттик кызматкерлерге берилген үйдө мыйзамсыз жашап жатат делген адамдарды чыгаруу учурунда жергиликтүү эл полиция менен кагылышты. Союл көтөргөн полиция кызматкерлери котологон элдин мизин кайтаруу үчүн суу бүрккөн каражаттарды да колдонгон. Тартип сакчылары нааразылыкка чыккандар таш ыргытып, төрт полициячыны жарадар кылганын кабарлашты. Буйрукту аткарууга тоскоолдук жараткан адамдар камакка алынды. ИИМ министри Синд Мурад Али Шах кийин бул аймактан... Читать дальше...

2011-жылы 23-октябрда Түркиянын Ван аймагында 7,2 баллдык зилзала болуп, 644 адамдын өмүрүн алып кеткен. Алардын арасында вандык төрт кыргыз да каза болгон. Кырсык болгондон кийин 15 сааттан соң тирүү табылган Касым Каракаш башынан өткөндөрүн "Азаттыкка" айтып берди.

АКШнын Орто аралыктагы өзөктүк күчтөр боюнча келишимден чыгуу аракетинин башкы себеби  - аны Орусия бузуп жатканы. Бирок НАТО мамлекеттери Орусиянын жаңы ракеталык долбоорлоруна карабастан, Европада өзөктүк арсеналын көбөйтпөйт. Бул тууралуу НАТОнун баш катчысы Йенс Столтенберг Кошмо Штаттардын Орусия менен түзүлгөн Орто аралыктагы өзөктүк күчтөр боюнча келишимден чыгуу ниети тууралуу комментарий берип жатып айтты. - Биздин баабызда Орусия келишимди бузуп жатат. Муну ал жаңы 9M729 жер ракетасын жасап жатканын айтуу менен өзү далилдеди. Читать дальше...

Бишкекте жаңы төрөлгөн ымыркайларды сатуу фактысы боюнча жети медицина кызматкерине айып коюлду. Бул тууралуу ички иштер министри Кашкар Жунушалиев бүгүн, 24-октябрда Бишкекте өткөн маалымат жыйында билдирди.  - Алты киши тергөө абагында, бирөө үй камагында,- деген Кашкар Жунушалиев тергөө кызыкчылыгынан улам бул иш боюнча иликтөө бүткөндөн кийин толук маалымат берилээрин айтты.   Маалыматка караганда, ымыркай сатууга байланыштуу жалпы төрт кылмыш иши козголду.  Милиция Бишкектеги Үй-бүлөлүк... Читать дальше...

Орусиянын Антарктидадагы "Беллинсгаузен" станциясынын кызматкери кызуу кандуулук менен кесиптешин бычак сайып жарадар кылган. Бул тууралуу 23-октябрда "Интерфакс" агенттиги кабарлады. Маалыматка караганда, станциянын ашканасындагы чырдан жабыркаган кызматкер Чилидеги ооруканага жөнөтүлдү. Бул боюнча орус бийликтери азырынча комментарий бере элек. “Интерфакс” кол салган адамды Сергей Савицкий деп атады. Окуядан кийин ал өз ыктыяры менен станциянын башчысына келген жана учурда үй камагына алынган. Читать дальше...

23-октябрда Рим метросунун "Республика" станциясынын эскалатору бузулуп, 20 адам жабыркады. Алардын көбү Орусиядан келген футбол күйөрмандары экенин ANSA агенттиги кабарлады. Күбөлөр тарткан видеого караганда, станциянын эскалатору түрүлүп калган. Италиянын “La Repubblica” басылмасы бир адамдын буту жанчылып, кесилип калганын, сегиз киши оор жаракат алганын жазды. ANSA агенттиги кырсыкка ЦСКА футбол клубунун күйөрмандары эскалатордо туруп алып, секирип бийлегени себеп болгонун маалымдаган. Бирок... Читать дальше...

Өзбекстан Орусия менен бирге атом электр станциясы куруу жөнүндө келишимге кол койду.

Кыргызстанда учурда үч уюшкан кылмыштуу топ бар. Бул тууралуу ички иштер министри Кашкар Жунушалиев бүгүн, 24-октябрда Бишкекте өткөн басма сөз жыйында журналисттердин суроолоруна жооп берип жатып билдирди. Анын айтымында, бүгүнкү күндө кылмыштуу топтордун 181 мүчөсү кармалган.  ИИМдин Криминалдык милиция кызматынын башчысы Нурбек Абдиев маалымат жыйында билдиргендей, алар - Камчы Көлбаев, Азиз Батукаев жана Алмазбек Бокушев жетектеген топтор. - Батукаев Орусия Федерациясында жазасын өтөп жатат. Читать дальше...

Үй-бүлөлүк чыр жана ата-эне менен пикир келишпестик өспүрүмдөрдүн өз өмүрүнө кол салуусунун башкы себеби болууда. Бул тууралуу бүгүн парламентте баяндама жасап жатып акыйткачы Токон Мамытов билдирди. - Балдар өз жанын төмөнкүдөй себептер боюнча кыйган: 40 бала ата-энеси менен чыр-чатактан кийин, ата-энеси менен бирге жашабагандыгы үчүн 7, оорусуна байланыштуу 4, материалдык себеп болгонунан 2, аныкталбаган себептер 23, - деди акыйкатчы. Мамытов 2016-жылы өспүрүмдөр арасындагы суицидге байланыштуу 95 факт катталганын айтты. Читать дальше...

Сузакта жер көчкү түшүп, убактылуу жабылып калган ички чарбалык унаа жолду тазалоо иштери жүрүп жатат. Өзгөчө кырдаалдар министрлигинин маалыматына караганда, 23-октябрда Акчалуу айылында көлөмү болжол менен 72000 м3 жер көчкү түшүп, Ачы сайынын суусун бөгөп калган. Учурда Ачы сайында 15000 м3 суу топтолуп, жер көчкүнүн үстүнөн агууда. Турак үйлөргө коркунуч жок. Жарандардын коопсуздугун камсыздоо үчүн Мундуз – Кара-Көл ички чарбалык унаа жолу убактылуу жабылып, машиналар айланма жол аркылуу каттоодо. Читать дальше...

Эмне үчүн аялзаты шылуундарга көп алданат? Юридикалык сабаттуулукту кантип жоёбуз? "Эже-сиңдилер" телебаарлашуусунун бул жолку чыгарылышында укуктук сабаттуулук тууралуу кеп курдук.

Бүгүнкү күндө 1800дөй кыргыз жараны чет мамлекеттерде абакта отурат. Бул тууралуу бүгүн парламентте баяндама жасап жатып акыйкатчы Токон Мамытов билдирди. 1400гө жакын кыргызстандык учурда Орусиянын, калгандары Казакстандын, Өзбекстандын, Тажикстандын жана башка чет мамлекеттердин түрмөлөрүндө жаза мөөнөтүн өтөп жатышат. Чет жакта абакта отургандардын 35% маңзат менен кармалгандар, 30% зордук-зомбулук үчүн соттолгондор. Расмий маалыматка караганда, чет жакта мигрант болуп жүргөн кыргызстандыктардын саны 750 миңдин тегерегинде... Читать дальше...

«Альфа Телеком» жабык акционердик коомуна («Мегаком» мобилдик компаниясы) жаңы жетекчи дайындалууда.  Компаниянын 100% акцияларына ээлик кылган Мамлекеттик мүлк фондунун буйругу менен бул кызматка Акылбек Жамангулов жактырылды. Жамангулов Жогорку Кеңештин «Республика – Ата-Журт» фракциясынын депутаты. "Альфа Телекомду" 2012-жылдан бери Азат Базаркулов жетектеп келген. Кыргыз өкмөтү "Альфа Телеком" компаниясын алгач 2015-жылы сатыкка чыгарган. Андан бери үч сыйра конкурс жарыяланып, кызыккан инвестор чыкпагандыктан сатылган эмес. Читать дальше...