Новости за 24.10.2018

Премьер-министр Мухаммедкалый Абылгазиев маданият, маалымат жана туризм министри кызматына Азамат Жаманкуловдун талапкерлигин сунуштады. Мындай маалыматты өкмөттүн басма сөз кызматы "Азаттыкка" бышыктады.  Азамат Жаманкулов ушул кезге дейре министрдин орун басары жана  мекеменин алдындагы Туризм департаментин жетекчиси болуп иштеп келген.  Мурдагы министр Султан Жумагулов быйыл 8-октябрда 59 жашында көз жумду. Ал акыркы убакта онкологиялык дарттан жабыркап жүргөн.

Мурдагы депутат Улукбек Кочкоровду эмгек жана социалдык өнүктүрүү министри кызматына премьер-министр Мухаммедкалый Абылгазиев сунуштады. Бул тууралуу өкмөт аппаратынын маалыматтык камсыздоо бөлүмүнүн башчысы Чыңгыз Эсенгул уулу "Азаттыкка" билдирди.  Эреже боюнча, эмгек жана социалдык өнүктүрүү министри кызматына талапкерди өкмөт башчы сунуштап, парламент бекитет. Жогорку Кеңеш бул маселени качан карай турганы азырынча белгисиз. Улукбек Кочкоровду колдоп берүү тууралуу премьердин каты парламенттеги... Читать дальше...

Кыргызстанда 13-15 жаштагы мектеп окуучуларынын арасында чылымдын ордуна насыбай чеккендер үч пайызга көбөйдү. Саламаттык сактоо министрлигинин чылым чегүүгө каршы күрөшүү боюнча улуттук координатору Чынара Бекбасарова “Азаттык” радиосуна тамекинин баасы өскөндөн кийин арзан насыбайга өткөн балдар көбөйгөнүн билдирди. Буга кошумча аялдар арасында да насыбай чеккендер арбып жатканын айткан Бекбасарова бул затты мыйзам чегинде көзөмөлдөө зарылдыгын белгиледи. Насыбай - Орто Азия мамлекеттеринде кеңири жайылган жеңил баңгизат. Читать дальше...

Латвиялык ишкер Валерий Белокондун Англиядагы футбол клубуна байланыштуу британ бизнесмени менен талашына чекит коюла элек. "Гардиан" басылмасы Белокондун клубду колго алуу аракетине анын Кыргызстанда соттолгону жолтоо болуп жатканын жазып чыкты.

Латвиялык ишкер Валерий Белокондун Англиядагы футбол клубуна байланыштуу британ бизнесмени менен талашына чекит коюла элек. "Гардиан" басылмасы Белокондун клубду колго алуу аракетине анын Кыргызстанда соттолгону жолтоо болуп жатканын жазып чыкты.

Ички иштер органдарынын кызматкерлеринин айлык маянасын көбөйтүү аракети көрүлүп жатат. Бул тууралуу бүгүн Бишкекте өткөн пресс-конференцияда министр Кашкар Жунушалиев билдирди. Министрдин айтымында, 2020-жылдан тарта 40% жогорулатуу тууралуу мыйзам долбоору иштелип чыгып, азыр парламентте талкууланып жатат. Расмий маалыматка караганда, учурда милицияда жаңыдан иштей баштагандардын айлыгы 7-12 миң, ал эми офицерлердики 12-17 миң сомду түзөт. (RK)

Бишкек-Ош унаа жолунун 165-чакырымында (Суусамыр жайлоосу) жол кырсыгы эки адамдын өмүрүн алды. Бул тууралуу бүгүн Өзгөчө кырдаалдар министрлиги кабарлады. Окуя 24-октябрга караган түнү болду. Оор жүк ташуучу унаа менен сүзүшкөн Toyota Land Cruiser автомашинасынын айдоочусу жана жүргүнчүсү каза тапты. Куткаруучулар каза болгон адамдардын сөөгүн унаадан чыгарып, милиция кызматкерлерине өткөрүп беришти. (RK)

“Милиция элдин ишеничинен чыгып калганы чын, бирок биз кайрадан абалды оңдоого болгон аракетибизди көрүп жатабыз” деп билдирди бүгүн Бишкекте өткөн пресс-конференцияда ички иштер министри Кашкар Жунушалиев: - Ишенимди кайтаруу оор жана татаал болот. Бирок биз жарандарыбыз өзүлөрүн коопсуз сезиши үчүн колубуздан келген бардык аракетти көрөбүз. Милиция башчысынын пресс-конференциясында ички иштер органдарынын быйылкы жылдын тогуз айдагы ишинин жыйынтыгы чыгарылууда. (RK)

Мурдагы депутат Улукбек Кочкоров Эмгек жана социалдык өнүктүрүү министри кызматына сунушталганын "Азаттыкка" парламенттен ырасташты.   Министрдин жана анын орун басарларынын орду 11-октябрдан бери бош турат. Жогорку Кеңештин КСДП фракциясынын депутаты Аида Касымалиева Эмгек жана социалдык өнүгүү министрлигинин жетекчилеринин чет өлкөлөргө өзүм билемдик менен барган саякаттарын текшерүүнү сунуштагандан кийин Башкы прокуратура алар премьер-министрден уруксат албай, дипломатиялык паспортту колдонуу... Читать дальше...

Жогорку Кеңештин төрагасы Дастанбек Жумабеков Айыл чарба өсүмдүктөрүн экспертизалоо департаментинин ишин колго алыш керек деп эсептейт. Бул тууралуу ал бүгүн парламенттин жалпы жыйынында “Үрөн жөнүндө” мыйзамга сунушталган өзгөртүүлөр талкууланып жатканда айтты: - Жерлерди ижарага берип коюп эле өздөрүнүн жанын багып жатат. Элге, дыйкандарга эч кандай жаңылык ачкан жок. Ар ким өзү билип сырттан көчөт алып келип жатат. Сиздердин департамент кыймылдаган жок, а ага бюджеттен акча кетип жатат. Ошондуктан үрөн департаментин колго алып же ары... Читать дальше...

Икрамжан Илмияновду тергөө бүткөнгө чейин абакта калтыруу тууралуу өкүмдү Бишкектеги Биринчи май райондук сотунун судьясы Айбек Эрнис уулу чыгарды. Өз кезегинде бул окуя судьянын өзү тууралуу сөздөрдү кызытты.

Москвадагы "Цивилизациялар диалогу" институнун илимий изилдөөлөр боюнча жетекчиси, саясат таануучу Алексей Малашенко Кыргызстандагы соңку бир жылдагы өзгөрүүлөр тууралуу "Азаттыкка" кыскача ой бөлүштү.

Оман менен Ирандын ТИМ өкүлдөрү аймактык маанилүү маселелер жана эки тараптуу кызматташтыктар тууралуу сүйлөшүштү.

Кытайдын жогорку окуу жайларына окууга өтүп, бирок виза ала албай жаткан 50гө жакын студент Билим берүү жана илим министрлигине кайрылды. ТИМдин консулдук кызмат департаментинин паспорт-виза бөлүмү бул маселе боюнча кытай элчилигине нота тапшырылганын кабарлады.

Узундугу 55 чакырым. Кытайда деңиз үстүнөн өткөн, туннель жана жасалма аралдарды камтыган көпүрө ачылды. Ал автономдуу башкаруудагы, бирок Кытай бийлигине баш ийген Гонконг менен Макаону бириктирет.

Ош, 24-октябрь, 2018-жыл. /ca-irnews.com/. Өкмөтүнүн буйругу менен түзүлгөн экспедиция Ооганстан Ислам Республикасындагы Кичи жана Улуу Памирде жашаган этникалык кыргыздар үчүн гуманитардык жүк жеткирди.

Бүгүн, 24-октябрда президент Сооронбай Жээнбеков Нарын облусуна иш сапар менен барат. Президенттик аппараттын маалыматтык саясат бөлүмүнөн кабарлашкандай, мамлекет башчы Нарын шаарынын жашоочулары менен жолугушат жана социалдык объекттерге барат. Президенттин катышуусу менен Улуттук коопсуздук боюнча мамлекеттик комитеттин (УКМК) жана Өзгөчө кырдаалдар министрлигинин кызматкерлери үчүн курулган жаңы үйлөрдүн ачкычтарын тапшыруу аземи болот. (КЕ)

АКШ президентинин улуттук коопсуздук боюнча кеңешчиси Жон Болтон эки күнүн Орусияда өткөрүп, өлкөнүн аскердик жетекчилерине, президент Владимир Путинге жолукту. Анда эң башкы жаңылык эки өлкө лидеринин кезектеги жолугушуусунун датасы болду.

"Sky News" телеканалы өз булактарына таянуу менен Сауд Арабиясынын Стамбулдагы башкы консулунун үйүндөгү бакчадан саудиялык журналист Жамал Хашоггинин (Хашогжи) денесинин фрагменттери табылганын билдирди. "Sky News" журналисттин сөөгү бир нече бөлүккө ажыратылганын белгилеген. Бул маалымат расмий түрдө тактала элек. Буга чейин түрк медиасы саясатчы Догу Перинчекке шилтеме жасоо менен журналисттин денесинин калдыктары консулдун резиденциясынын кудугунан табылганын кабарлаган. Бул маалымат да расмий түрдө тастыкталган эмес. Читать дальше...

Жогорку Кеңеш 2016-2017-жылдарда адам укуктарынын жана эркиндиктеринин сакталышы боюнча акыйкатчынын баяндамасын угат. Бул тууралуу парламенттин маалымат кызматы кабарлады. Ушул эле күнү кыйноолордун жана башка катаал, адамгерчиликсиз же кадыр-баркты басмырлаган мамиленин жана жазанын түрлөрүн алдын алуу боюнча улуттук борбору өткөн жылда катталган жагдайлар боюнча маалымат берет.  Жогорку Кеңеш эки айдан бери орду бош турган акыйкатчы кызматына Токон Мамытовду 26-сентябрда шайлаган.  Мыйзам... Читать дальше...

Ош облусунун тургуну сегиз жаштагы кызын зордуктоого шектелүүдө. Бул тууралуу Оштогу “Ак жүрөк” кризистик борборунун башчысы Дарика Асылбекова кыздын энесинин айткандарына таянып билдирди. Анын айтымында, жабыркады делген кыз коркуп, көп сүйлөбөй калган. Бул факт боюнча милицияга арыз берилди. - Кыздын абалын стабилдүү деп айта албайм, бир аз оор. Калтырап-титиреп көп сүйлөй албайт. Апасы өзү үстүнөн чыгып калганын айтып жатат. Бул үй-бүлөнүн эртеңки күнү кандай болот деген маселе да оорчундуу болуп жатат. Читать дальше...

Мелдеш спорт сүйүүчүлөр жана профессионалдар арасында өтөт.

23-октябрдын кечинде Бишкек шаарынын Октябрь райондук соту шектүү катары кармалган эки жарандын бөгөт чарасын карап, ушундай чечим чыгарды. Бул тууралуу маркумдун уулу Азирет Жакыпбаев “Азаттык” радиосуна билдирди. Жакыпбаев 21-октябрда Бишкекте айдоочулардын жаңжалынан каза болгон. Милициянын маалыматына караганда, анын машинеси дагы бир автоунаа менен кагылышып, айдоочулар уруша кетишкен. Жакыпбаев башы менен жерге катуу тийип, алган жараатынан улам ошол жерде каза тапкан. Маркумдун жубайы эки киши жолдошун катуу буюм менен чаап... Читать дальше...

Баткен облусунун Кадамжай районундагы Шамбесай алтын кенин иштетүүгө нааразылык билдирип чыккандар улуттук курултай өткөрүү демилгесин көтөрүштү. Бул тууралуу аталган райондогу Майдан айылдык кеңешинин депутаты Жеңишбек Амизаев “Азаттык” радиосуна билдирди. Анын айтымында, буга чейин ушундай демилгелер айрым саясий күчтөрдүн тоскоолдугу менен өтпөй келген. - Бир эле Шамбесай эмес, Бел-Алма деген чоң көмүр бассейни бар, Ничке деген жерден Ноокат аркылуу белгисиз компания каптап ташыган учур бар, Тегирменде алтын бар. Читать дальше...

Кыргызстандын Тышкы иштер министрлиги виза ала албай жаткан студенттер боюнча Кытай элчилигине нота жиберди. Бул тууралуу мекеменин консулдук кызмат департаментинин паспорт-виза бөлүмүнүн жетекчисинин кеңешчиси Сагын Ибраев “Азаттыкка” билдирди. - Виза ала албай жаткандар окууга өз алдынча тапшырган студенттер. Биз элчилик менен сүйлөшүп, келишимге келгенбиз. Анда Билим берүү жана илим министрлиги студенттердин тизмесин топ-топ кылып бизге жөнөтөт. Андан соң Кытай элчилиги аларга “жашыл коридор” берет. Читать дальше...