Новости за 01.06.2020

Казакстандын Саламаттык сактоо министрлиги 1-июнга карата берген маалыматына ылайык, акыркы суткада 450 адамдан коронавирус аныкталды. Бул мурунку күнгө салыштырмалуу 26 адамга аз. 184 адам оорудан сакайды. Жалпы өлкөдө коронавирус илдетине чалдыккандардын саны 11 308 адамга жетти. Оорудан айыккандардын саны - 5404 адам. Акыркы суткада үч киши коронавирус жуккандан кийин көз жумган. Жалпы илдеттен көз жумгандардын саны - 41 киши. 29-май күнү саламаттык сактоо министри Елжан Биртанов коронавирустун жайылышы басаңдап... Читать дальше...

Биринчи вице-премьер-министр Кубатбек Боронов Баткен облусунун Кадамжай районуна барды. Өкмөттүн маалымат кызматы кабарлагандай, ал кыргыз-өзбек чек арасына чектеш аймакта чыккан окуя боюнча Өзбекстандын премьер-министри Абдулла Арипов менен жолугушуу өткөрөт. Ошондой эле Боронов укук коргоо жана жергиликтүү бийлик органдарынын өкүлдөрү менен ыкчам кеңешме өткөрөт. Өкмөттүн маалыматына караганда, учурда абал жөнгө салынды. Кыргыз өкмөтү коопсуздук чараларын күчөттү.  31-майда кыргыз-өзбек чек... Читать дальше...

Бүгүн, 1-июнда Бишкек шаардык административдик сотунда учурда абакта жаткан укук коргоочу Азимжан Аскаровдун кыргыз өкмөтүнө административдик доосу боюнча алгачкы отурум болот. Бул тууралуу "Азаттыкка" «Бир дүйнө - Кыргызстан» укук коргоо уюмунун жетекчиси Төлөйкан Исмаилова билдирди. Азимжан Аскаров «кыргыз өкмөтү Бириккен Улуттар Уюмунун сунуштарын эске албай жатат» деп Бишкектин район аралык сотуна арызданган. Сот 11-майга белгиленип, бирок район аралык сот жоюлуп кеткенине байланыштуу каралбай калган. Читать дальше...

Новосибирск-Бишкек багытындагы чартердик каттам менен 31-май күнү 177 кыргызстандык мекенине кайтып келди. Тышкы иштер министрлигинин маалыматына караганда, учуп келгендердин басымдуу бөлүгү кош бойлуу, балалуу келиндер, улгайган жана оорукчан адамдар. Учакка салынуучу адамдардын тизмеси Сибирь аймагындагы кыргыз диаспора өкүлдөрүнүн катышуусу менен кайрылгандардын өтүнүчүнө ылайык түзүлгөн. Учуп келгендер медициналык алгоритмге ылайык, тийиштүү текшерүүлөрдөн өтүү үчүн обсервацияга алынды. Тышкы иштер министрлигинин маалыматына караганда... Читать дальше...

1-июнь - Балдарды коргоо күнүнө карата Кыргызстан балдарынын алгачкы онлайн саммити өтөт. Иш-чарага вице-премьер-министр Аида Исмаилова, ЮНИСЕФтин Кыргызстандагы өкүлү Кристин Жольм жана башка расмий адамдар катышат. Биринчи онлайн саммитте балдар жана өспүрүмдөр балдарга карата зомбулукка көз карашы жана өздөрүн кабатыр кылган маселелерди чечүү тууралуу ойлору менен бөлүшөт. Алар түрдүү түзүмдөрдөгү расмий адамдардын катышуусунда өз көйгөйлөрүн талкуулашмакчы. Саммитке өлкөнүн ар кайсы аймагынан элүү бала катышат. Читать дальше...

АКШда Акүйдүн жанына нааразылык акциясына чыккандарды полиция көздөн жаш агызчу газ менен таратууда. Ошол эле учурда демонстранттар полицияны көздөй желим бөтөлкөлөрдү ыргытышууда. ТАССтын маалыматына караганда, демонстранттар Вашингтондун борборун аралап, өткөн аптада полиция участогунда набыт болгон ынды кара Жорж Флойддун атын атап кыйкырышкан. Алар расалык теңсиздикти токтотууну талап кылышууда. Мурдараак Вашингтондун мэри Мюриэл Боузер шаарга коменданттык саат киргизген. Мындан тышкары кырдаалды тынчытууга Улуттук гвардияны тарткан. Читать дальше...

Нааразылык акциясы 31-майда АКШдагы афроамерикалыктын өлүмүнө байланыштуу өттү. Лондон полициясынын маалыматына караганда, кармалгандар түрдүү негиздер менен айыпталууда. Мурдараак Скотленд-Ярддын басма сөз кызматы Лондондо полиция беш адамды кармаганын жазган. Жекшембиде миңге чукул киши Лондондо АКШда кара түстөгү адамдарга полициянын мамилесине нааразылыгын билдирип чыгышкан. Би-би-си маалымдагандай, карантинге карабай адамдар Трафальгар аянтына жана АКШ элчилигинин алдына чогулуп, расалык теңсиздикти токтотууну талап кылышкан. Читать дальше...

Жергиликтүү кабарчыбыздын маалыматына караганда, түн тынч өттү. Кырдаалга милиция көз салууда. Түн жарымга чукул чек арага чогулган эл тараган. 31-майда саат 12:30 чамаларында Кадамжай районунун Бирлик айыл аймагынын Чечме айылынын тургундары менен Өзбекстандын Сох районунун Чашма айылынын тургундарынын ортосунда чыр чыгып, бири-бирине таш ыргытышкан. Чыр эки тарап Чечме айылындагы булакты бирге тазалап жатканда "булак бизге таандык" деп, сөз талашкандан чыккан. Өзбекстандын чек ара кызматы да бул окуя боюнча билдирүү таратып... Читать дальше...

"Мен кыйноого каршымын" деп аталган өнөктүк 26-июнда белгиленүүчү кыйноо курмандыктарын колдоо боюнча эл аралык күндү утурлай, 1-июндан тартып башталууда. Бүгүнтөн тартып, өлкөдөгү кыйноого каршы коалициянын курамындагы 13 уюм бир катар иш-чараларды өткөрөт. Өнөктүктүн иши тууралуу коалиция тараткан маалыматта айтылгандай, Кыргызстанда кыйноо жаза өтөөчү мекемелерде, интернаттарда, карылар үйлөрүндө дагы эле уланып келүүдө. Анда: "Кыргызстандагы жабык жайлардын 90% күч кызматкерлери тарабынан кыйноо жүргүзүлөт. Читать дальше...