Новости за 04.09.2020

«Реформа» партиясынын лидери Клара Сооронкулова «Бүтүн Кыргызстан» партиясын БШК каттоодон өткөрбөй койгонуна байланыштуу билдирүү таратты. Социалдык тармактар аркылуу тараган билдирүүдө БШКнын негизги функциясы шайлоо процессинин бардык катышуучулары үчүн бирдей шарттарды жана мыйзамдуулуктун кепилдиктерин камсыз кылуу экени белгиленген.   «БШК 2020-жылдын 2-сентябрында өткөн жыйынында Турсунбай Бакир уулунун «Бүтүн Кыргызстан» саясий партиясынын талапкерлердин тизмесин каттоодон баш тартканы жөнүндө билдирүүсүн канааттандырган жок... Читать дальше...

«РухЭш» сайты «Ою жатык, тили жетик муун үчүн» деген аталыш менен балдар адабиятын өнүктүрүү багытында уюштурган сынактын жыйынтыгын чыгарды.

Блогер Бектур Мамашовдун (Тут Бека) акыркы видеороликтери коомчулукта катуу талкуу жаратты. Айрым блогерлер аны адам укугун бузууну жана үй-бүлөлүк зомбулукту пропагандалап жатат деп сындашты. Ал эми Бектур видеону жакшы ой менен тартканын белгилейт. Бул окуя блогерлердин жоопкерчилигин күн тартибине алып чыкты. "Азаттык плюс" блогер жана жарандык активисттерди студияга топтоп, талкуу уюштурду.

6000 баш бодо мал жүктөп келатып Түштүк-Кытай деңизинде оодарылып кеткен кеменин экипаж мүчөлөрү табылбай жатат. Казакстанда соңку күнү пневмонияга чалдыккандар 600гө чамалап, дароо 20 эсе көбөйдү. Чукул өзгөрүү коронавирустун экинчи толкуну тууралуу кооптонууну жаратууда. Кытайдын түндүгүндө миңдеген этникалык монгол мектептерде жалаң кытайча окутуу планына каршы митингге чыгышты. Йорданиялык өндүрүшчүлөр эшектин сүтүнөн самын жасап чыгарышты.

Беларус баш калаасы Минскидеги райондук сот апта башында кармалган алты журналистти “мыйзамсыз жүрүштөргө катышкан” деп таап, аларды үч күнгө камакка алуу тууралуу чечим чыгарды. Бирок журналисттер сотко чейин убактылуу кармоочу жайда бир нече күн камакта кармалгандыктан 4-сентябрдын кечинде боштондукка чыгышты. Алар өздөрүнө коюлган айыпты четке кагышты. Беларустагы эркин TUT.BY басылмасы менен «БелаПАН» жаңылыктар агенттигинин жана «Комсомольская правда в Беларуси» гезитинин кабарчылары 1-сентябрда... Читать дальше...

Бейшембиде Минскинин көчөлөрүнө чыккан митингчилер президент Александр Лукашенкону кызматтан кетүүгө, соңку жумаларда кармалган журналисттерди кое берүүгө чакырышты.

Кыргызстанда Борбордук шайлоо комисссиясы «Бүтүн Кыргызстан» партиясын парламенттик шайлоого каттоодон баш тартты. Буга партия ичиндеги карама-каршылык, курултай өткөрүүдө эреже бузганы себеп катары айтылды. Бирок партия мындай чечим бийликтин атайын кийлигишүүсү менен кабыл алынганын айтып, нааразычылык билдирүүдө. Учурдагы бийликке оппозициячыл партияны каттабоо боюнча БШКнын акыркы чечими канчалык негиздүү жана өлкөдөгү коомдук саясий абалга кандай таасирин тийгизет? Бул суроону «Эксперттер талдайт» берүүсүндө талкуулайбыз. Читать дальше...

Борбордук шайлоо комиссиясы (БШК) бүгүн, 4-сентябрда Жогорку Кеңештин жетинчи чакырылышына шайлануучу 1912 талапкерди каттады. Алар 15 саясий партиянын тизмеси менен сунушталган. БШКнын маалыматына караганда, жалпысынан саясий партиялар 1957 талапкерди сунуш кылган. Мунун ичинен 45 талапкер жарышка түшүүдөн өз каалоосу менен баш тартты. Катталган 1912 талапкердин 618и аялдар. Бул жалпы талапкерлердин 32,32% түзөт. 1. «Ооган жана башка согуштардын ардагерлери» партиясы 78 талапкер көрсөттү. Анын ичинде 45и эркек, 33ү аял. Читать дальше...

«Бүтүн Кыргызстан» партиясы Борбордук шайлоо комиссиясынын (БШК) чечимине каршы сотко кайрыла турган болду.

3-сентябрда Борбордук шайлоо комиссиясы (БШК) курултайларын өткөрүп шайлоого катышууга документ тапшырган 17 партиянын 15ин каттады. Алар «Мекен Ынтымагы», «Мекенчил», «Ыйман Нуру», «Чоң Казат», «Реформа», «Республика», «Социал-демократтар», «Биримдик», «Мекеним Кыргызстан», «Ордо», «Кыргызстан», «Бир Бол», «Замандаш», «Ата Мекен», «Ооганстан согушунун ардагерлери жана ушул сыяктуу кагышууларга катышкандардын саясий партиясы». Боршайком «Актив» жана «Бүтүн Кыргызстан» партияларын каттоодон баш тартты. Читать дальше...

НАТО Орусиядан оппозициячыл саясатчы Алексей Навальныйды ууландырууга катышы бар адамдарды жоопко тартууну талап кылат. Бул тууралуу Түндүк Атлантикалык Альянстын баш катчысы Йенс Столтенберг уюмдун элчилер деңгээлиндеги кеңешинин Брюсселдеги бүгүнкү жыйынынан кийин журналисттерге билдирди. Ал ошондой эле Москва «Новичок» программасы тууралуу Химиялык куралга тыюу салуу боюнча эл аралык уюмга (OPCW) ачык маалымат бериши керек экенин айтты. «Бүгүн өнөктөштөрдүн баары бир ооздон бул чабуулду айыпташты. Читать дальше...

4-октябрда шайлана турган парламентке Кыргызстандын, элдин, менин келечегимди туура багытка бура турган, алдыңкы, өнүккөн, эркин жана адилеттүү коом кура турган депутаттар келишине ар бирибиз салым кошолу. Сиз жашаган жерде шайлоого байланыштуу кандайдыр бир мыйзамсыз иштер болуп, добуштарды сатып алуу, бурмалоо, же тескери үгүт жүргүзүлүп жатса, бизге кабарлаңыз. Сүрөт, видео салыңыз. "Шайлоо - менин келечегим" деген рубрика алдында сиздин кабарыңызды жалпы коомчулукка жеткирип, талкуу уюштуруп турабыз. Читать дальше...

Коронавирус пандемиясына карабай,  Европадагы Коопсуздук жана Кызматташтык Уюмунун (ЕККУ) Кыргызстандагы парламенттик шайлоого көз салуу үчүн байкоочуларын жиберүүнү чечти. Бул маалыматты бүгүн, 4-сентябрда уюмдун адам укуктары жана демократиялык институт бюросунун башчысы Томас Безеруп Кыргызстандын тышкы иштер министринин орун басары Азизбек Мадмаров менен жолугушууда билдирди. Анын айтымында ЕККУнун миссиясы парламенттик шайлоого байкоо жүргүзүш үчүн Кыргызстанга келди. Жалпысынан шайлоого ЕККУнун... Читать дальше...

Орусиялык оппозициячыл саясатчы Алексей Навальныйдан улам НАТОнун курамындагы өлкөлөрдүн элчилери 4-сентябрда чукул жыйынга чогулду. Алар бул окуяга байланыштуу Орусияга чара көрүүнүн жолдорун талкуулашмакчы.

5-сентябрдан 30-сентябрга чейинки убакта Бишкек-Ош жолундагы Кусеин Көлбаев атындагы тоннел аркылуу автоунаалардын жүрүшү чектелет. Транспорт жана жол министрлигинин маалыматына караганда, буга тоннелдин ичине видеобайкоо системасын орнотуу иштери себеп болууда. Тоннел күн сайын саат 8.00 - 9.30 чейин жана 14.00 - 15.30 чейинки аралыкта жабык болот. Калган убакта кадимкидей иштейт. Кусеин Көлбаев атындагы тоннел - Бишкек-Ош жолундагы жана жалпы эле Кыргызстандагы тоо тешкен тоннел жолдордун эң узуну. Читать дальше...

Эмне үчүн депутат болууга ашыккандар көп, мандат алуунун жолу оңойбу, анын мыйзамдык жана моралдык жоопкерчилигинде чек болушу керекпи, дегеле парламентаризмди канткенде калыптандырабыз? Ушул ж.б. маселелерди “Арай көз чарай” берүүбүздө сөз кылабыз.

Кыргызстандын Москвадагы элчилигинин алдында бүгүн, 4-сентябрда «Бүтүн Кыргызстан» саясий партиясынын тарапкерлери чогулуп, акция өткөрүп жатышат. Партиянын Москвадагы өкүлү Мирлан Ураимов «Азаттыкка» акцияга 50дөй киши чыкканын билдирди. Чогулгандар «Бүтүн Кыргызстан» партиясынын алдыдагы парламенттик шайлоого катышуу үчүн БШКдан каттоодон өтпөй калганына нааразылык билдиришүүдө. Алар партияны каттоодон өткөрүүнү талап кылып, «Сот, адилеттүү бол!», «"Бүтүн Кыргызстан" катталсын!» деген жазууларды көтөрүп турушат. Читать дальше...

Бишкек жана Ош шаарындагы көзү азиз жана начар көргөн балдар үчүн атайын адистешкен мектеп-интернаттарга арналган китептер басылып чыгарылды. Китептерди басып чыгарууну Билим берүү жана илим министриги каржылады. Билим берүү жана илим министрлигинин басма сөз кызматы тараткан маалыматка караганда, китептер 7-класстан баштап 11-класска чейинки окуучулар үчүн чыгарылды. Бишкек жана Ош шаарындагы көзү азиз жана начар көргөн балдар үчүн атайын адистешкен мектеп-интернатта жалпысынан 340 окуучу билим алат. Читать дальше...

Орусиянын Федералдык коопсуздук кызматы (ФСБ) оппозициячыл саясатчы Алексей Навальныйдын ишине байланыштуу Беларус берген маалыматты териштирет. Бул тууралуу орус президенти Владимир Путиндин басма сөз катчысы Дмитрий Песков билдирди. Ал Орусиянын атайын кызматы Минск бөлүшкөн документтерди изилдеп чыккандан кийин президент Путинге маалымат бере турганын кошумчалады. 3-сентябрда беларустун президенти Александр Лукашенко Минскиде орус өкмөт башчысы Михаил Мишустин менен жолугушуусунда “Польша... Читать дальше...

Лондондогу Стратегиялык диалог институту “Ислам мамлекети” экстремисттик тобуна (ИМ) таандык ири электрондук китепкананы таап чыкты. Бул тууралуу аталган институттун изилдөөчүлөрү Британиядагы BBC корпорациясына билдиришти. Маалыматка ылайык, “Халифаттын кэши” деген ат берилген бул китепканада 90 миңден ашык экстремисттик мүнөздөгү материалдар бар. Сайтка ай сайын 10 миң адам кирип турары белгилүү болду. Материалдардын баары бир серверде жайгашпаганы үчүн аларды дүйнөлүк желеден алып салуу кыйынчылык жаратууда. Читать дальше...

Бишкек шаардык прокуратурасы борбор калаанын №12 аймактык башкармалыгынын башчысы Темир Касымов шайлоо алдында административдик басым кылган деп аныктады. Касымовдун үстүнөн "Реформа" саясий партиясы ал өзү жетекчилик кылган аймакта "Биримдик" саясий партиясынын пайдасына үгүт жүргүзгөн деп айыптап, Борбордук шайлоо комиссиясына (БШК) кайрылган. БШК "Реформанын" дооматын прокуратурага жолдогон. Прокуратура иликтөөдө чогулган материалдарды Жоруктар кодексинин 87-беренеси ("Административдик ресурсту... Читать дальше...

Кыргызстандын Башкы прокуратурасы мурдагы президент Алмазбек Атамбаевдин билдирүүсүнө жооп кайтарды. Башкы көзөмөл органынын маалымат жана коомчулук менен байланыш бөлүмүнөн «Азаттыкка» билдиришкендей, мекеменин жообунда Алмазбек Атамбаевдин билдирүүсү «өзүнүн мыйзамсыз кадамдарын актоо аракети» катары бааланган. «Алмазбек Атамбаев өз кайрылуусунда Батукаевди Жаныш Бакиевге (мурдагы президент Курманбек Бакиевдин иниси, Мамлекеттик күзөт кызматынын мурдагы жетекчиси) алмаштыруу боюнча УКМК пландаган... Читать дальше...

Кыргызстанга июль айында коронавирус күчөп, адистер жетишпей жатканда Орусиядан өз эрки менен келип, «кызыл зоналарда» иштеген дарыгерлер кайра иштерине кайта албай жатышканын айтып, «Азаттыкка» кайрылышты. Тогуз дарыгер азыркы тапта Москва менен Санкт-Петербургдагы иш орундарынан мөөнөтсүз, акы төлөнбөгөн өргүү алып, бийликтин чечимин күтүп жатышат. Алардын бири Талантбек Ахун уулу: «Биз келерде Кыргызстандын Орусиядагы элчилиги, Тышкы иштер министрлиги кайра кайтарыбызды айтышкан. Кыргызстандын... Читать дальше...

Мөөнөтү бүтөрүнө бир ай калган кыргыз парламентинде бир эле учурда жети депутаттын мандат алышы кызуу талкууланууда.

Бишкектин Биринчи май райондук сотунда бүгүн, 4-сентябрда Кой-Таш окуясы боюнча жараян уланууда. Айыпталуучулардын бири Кундуз Жолдубаева «Азаттыкка» билдиргендей, сотто Улуттук коопсуздук боюнча мамлекеттик комитеттин (УКМК) «Альфа» ыкчам тобунун аскерлери көрсөтмө бергени жатат. Жабык жараянга атайын кызматтын өкүлү да келип, катышып жатканына айыпталуучу тарап жана алардын адвокаттары каршы болушкан. «Бүгүн УКМКнын «Альфа» ыкчам тобунун аскерлери келип көрсөтмө бермек. Биз муну УКМКнын көрсөтмө... Читать дальше...