Новости за 22.03.2021

Украинанын прокуратурасы Крым көпүрөсүнүн ачылыш аземиндеги концертке катышкан орусиялык 23 ырчыга кылмыш ишин козгоду. Аларга Украинадагы жарым аралдын аймагына мыйзамсыз кирген деген айып тагылууда. Прокуратура артисттердин аты-жөнүн ачык жарыялаган жок. Бирок украиналык Strana.ua. жана "Крым үнү" сыяктуу басылмалар концертке катышкандардын тизмесин жарыялады. Алардын арасында Григорий Лепс, Пелагея, Александр Маршал, Денис Майданов, Ольга Кормухина, Александр Буйнов, Дима Билан, Олег Газманов... Читать дальше...

Кыргызстандын Жогорку Кеңешинин Агрардык саясат, суу ресурстары, экология жана аймактык өнүктүрүү боюнча комитети 23-мартта «Кыргызстандагы калктуу конуштардагы бак-дарактарды коргоо жөнүндө” мыйзам долбоорун биринчи окууда карайт. Мыйзам долбоорунда өлкөдөгү калктуу конуштардагы экологиялык абалды жакшыртуу үчүн бак-дарактарды коргоонун жол-жобосу жазылган. 12-беренеден турган мыйзам долбоорунда менчиктин түрүнө карабастан бак-дарактарды жок кылган тараптар жоопкерчиликке тартылаары жазылган. Читать дальше...

Непалда Кыргызстандын футбол боюнча олимпиадалык курамасынын оюнчулары (U-23) мелдеш алдында алгачкы машыгууларын өткөрүштү. Бул тууралуу Кыргызстандын футболдук биримдиги маалымдады. Өлкөнүн жаштар курамасынын оюнчулары (U-23) Непалда башталуучу "Үч улуттун кубогу" мелдешине катышуу үчүн 21-мартта учуп кетишкен. Бул курама топто  23 жашка чыга элек футболчулар ойнойт. Алардын тизмесин бул жактан көрүңүз. Кыргызстан 23-мартта Бангладештин улуттук курамасы менен беттешет. Андан кийин Непал менен ойномокчу. Читать дальше...

Коронавируска каршы "AstraZeneca" вакцинасын Оксфорд университети менен биргелешип жасаган британдык-шведдик өндүрүүчү  ишкана америкалык изилдөөлөргө таянып, өз вакцинасынын натыйжалуулугу 79 пайызды түзгөнүн жарыялады. АКШдагы изилдөөгө 30 миң ыктыярчы катышкан. Алардын үчтөн экисине вакцина сайылса, калгандарына бейтаптын организмин сынаш үчүн айыктырчу өзгөчөлүгү жок плацебо сайылган. Анын жыйынтыгында вакцина бардык курактагыларга, анын ичинде улгайгандарга карата натыйжалуу болуп чыккандыгы айгинеленген. Читать дальше...

Соңку жылдары ооган базарларында Кыргызстандан, Казакстандан, Тажикстандан жана Өзбекстандан ташылган товарга суроо-талап өстү. Өзгөчө азык-түлүк жана курулуш материалдары көп сатылат. Оогандар түндүгүндөгү коңшуларынан алынган продукция Иран менен Пакистандыкына салыштырмалуу сапаты жакшы экенин айтышат. Расмий Кабул соода-сатыкты өнүктүрүү саясий туруктуулук менен коопсуздуктан көз каранды экенин белгилейт.

Орусиянын президенти Владимир Путин 23-мартта коронавируска каршы эмделет. Бул тууралуу орус президенти өлкөдөгү вакцинацияга байланыштуу жыйындын жүрүшүндө билдирди. Путин кайсы вакцина менен эмделери жөнүндө так айтыла элек. Кремлдин маалымат катчысы Дмитрий Песков президенттин Орусияда жасалган үч вакцинанын бири менен эмделерин билдирди. Орусияда Гамалеи атындагы илимий борбор иштеп чыккан “Sputnik V”, Новосибирсктеги “Вектор” илимий борбору жасаган "ЭпиВакКорона" жана Чумаков атындагы борбор... Читать дальше...

22-мартта Чыгыш Европадагы эгеменчил жана либерал саясатчылардын бири Викентий Константин (Кастус) Калиновскийдин ысымы эскерилип келет. Бул инсан – ким? Аны бир түстүү боёк менен гана сыпаттоо керекпи? Тарыхчынын блогу. 2021-жылы 22-мартта Литва парламенти менен Беларус оппозициясынын бозгундагы жетекчиси Светлана Тихановскаянын кеңсеси биргелешип саясий шерине (форум) өткөрдү. Бул шерине Беларус кирииптер болгон учурдагы саясий кризистен чыгуу жолдору тууралуу да талкуулай тургандыгы алдын ала маалымдалган. Читать дальше...

Нарында жылкыларга электрондук чип басыла баштады. Түнү таксиде иштеп, күндүзү сахнада бийлеген балет артисттери. Өмүрүн өнөргө байлаган актердун устачылык сыры.

Кумтөр алтын кени боюнча Жогорку Кеңеште түзүлгөн мамлекеттик комиссия 18-мартта өндүрүштү жеринде көрүп кайтты. Сапардын жүрүшүндө экологиялык маселелер көтөрүлүп, кенден чыккан калдыктан алтынды иштетүү сунушталды. Мамлекеттик комиссия өз ишин эки айдан кийин жыйынтыктайт. Депутаттардан куралган мамлекеттик комиссия Кумтөр кениндеги экологиялык жана экономикалык маселелерди карап жатышат. Комиссиянын жетекчиси Акылбек Жапаров 18-мартта кенге барган депутаттар токтолгон иштерди "Азаттыкка" санап берди... Читать дальше...

Европадагы бир катар мамлекеттер коронавирустун үчүнчү толкунуна байланыштуу чектөөлөрдү улантып жатат. Германиянын бийлиги буга чейин чектөөнү узартуу боюнча 22-мартта жыйынга чогулуп жатат. Канцлер Ангела Меркелдин өкмөтү өлкө боюнча карантиндик чараларды 18-апрелге чейин узартууну көздөп жатканын жергиликтүү маалымат каражаттары жазып чыкты. Өткөн апта соңунда Польша, Франциянын айрым аймактары, Украинанын борбору Киевде вирусту жугузгандар көбөйүп жаткандыктан чектөөлөр киргизди. Бирок, узакка... Читать дальше...

Москванын Аскер соту камактагы оппозиционер Алексей Навальныйдын жактоочуларынын Орусиянын Тергөө комитетине каршы жазган арызын четке какты. Саясатчынын тарапташтары Навальныйды ууландырууга тиешеси бар деген Федералдык Коопсуздук кызматынын офицерлерине карата кылмыш ишин козгоону талап кылган. Бирок быйыл январь айында Тергөө комитети бул арызды териштирүүдөн, ага кошуп иш козгоодон баш тарткан. Эми Москванын Аскердик соту 22-мартта Тергөө комитетинин иш козгоодон баш тартканы “мыйзамдуу жана негиздүү” деп таап... Читать дальше...

Орусиянын Пенза облусунун губернатору Иван Белозарцев коррупцияга айыпталып кармалды. Тергөө комитети 21-мартта Белозарцев 31 миллион рубль пара алууга шектелип жатканын билдирди. Губернатор менен бирге Пензадагы ишкер, “Биотек” дарыканалар түйүнүнүн кожоюну Борис Шпигель, анын жубайы жана бир нече адам кармалганы белгилүү болду. Алар күнөөнү моюнуна албай жатканын орусиялык маалымат каражаттары жазып чыкты. Тергөөнүн маалыматы боюнча, ишкер дары-дармек, медициналык жабдыктар боюнча келишим түзүү үчүн губернаторго пара берген. Читать дальше...

Сырттан караганда акырын тебилген топ учуп барып, улам жерге тийип отуруп атаандаш клубдун дарбазасына кирип кеткен.

Кытайда тыңчылыкка кармалган канадалык дипломат Майкл Ковригдин үстүнөн сот башталды. Бул иш Кытайда кармалган дагы бир канадалык жаран Майкл Спавордун үстүнөн жабык сот 19-мартта аяктаган соң башталды. 22-марттагы жараянга Канада жана башка батыш өлкөлөрүнүн дипломаттары киргизилген жок. Канаданын Бээжиндеги элчиси Жим Никель сотко АКШ, Британия, Австралия баш болгон 26 өлкөнүн өкүлдөрү көз салууну көздөгөнүн билдирди. «Майкл Ковриг эки жылдан бери камакта отурат. Ал эч негизсиз кармалган, эми болсо иши жабык болуп жатат»-деди Никель. Читать дальше...

Европа Биримдиги коронавируска каршы Орусияда жасалган «Sputnik V» вакцинасына муктаж эмес. Бул тууралуу Еврокомиссиясынын ички рынок маселелери боюнча комиссары Тьерри Бретон билдирди. Анын айтымында, биримдикте жамааттык иммунитет пайда болушу үчүн Европада буга чейин катталган төрт вакцина жетиштүү болот. Бретондун маалыматы боюнча, июнга чейин шаркетке мүчө мамлекеттерге 300дөн 350 миллионго чейин доза жеткирилет. Мындай жол менен июлдун ортосунда “континентте жамааттык иммунитет пайда болот” деп божомолдонууда. Читать дальше...

Жакында эле промоушендин турниринде дебюттук беттешке чыккан Немат Абдрашитов россиялык атаандашы Анзор Абдулходжаевди нокаутка кетирип утуп алган.

Борбордук шайлоо комиссиясы (БШК) 22-мартта Конституциянын жаңы долбоору боюнча референдумга дагы эки үгүт тобун каттады. Ушуну менен мындай топтордун саны 15 болду. Анын ичинен он экиси референдумда «макул» деп добуш берүүгө, калган үч топ «каршы» деп добуш берүүгө үгүт жүргүзөт. Кыргызстанда Баш мыйзамдын жаңы долбоору боюнча референдум 11-апрелде жергиликтүү кеңештерге депутаттарды шайлоо менен бирге өтөт. 11-мартта Жогорку Кеңеш тиешелүү мыйзам долбоорун кабыл алып, президент Садыр Жапаров ага 12-мартта кол койгон. Читать дальше...

«Кыргызгидромет» борбору болжоп жазган маалыматка караганда 23-мартта Чүй, Талас, Ош, Жалал-Абад, Баткен, Нарын облустарынын кээ бир райондорунда жаан, тоолуу өрөөндөрдө кар жаайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге, күндүз кээ бир райондордо 15-20 метрге жетет. Абанын температурасы: Чүй өрөөнүндө түнкүсүн +3…+8, күндүз +15…+20; Таласта түнкүсүн +1…+6, күндүз +13…+18; Баткен, Ош жана Жалал-Абад облустарында түнкүсүн +4…+9, күндүз +16…+21; Ысык-Көлдө түнкүсүн -2…+3... Читать дальше...

Кыргызстанда мыйзамдарды инвентаризациялоо боюнча ведомстволор аралык эксперттик топтун биринчи отуруму 18-мартта өттү. Анын курамына министрликтердин жана ведомстволордун жетекчилери, Жогорку Кеңештин депутаттары, көз карандысыз эксперттер, ошондой эле эл аралык жана өкмөттүк эмес уюмдардын өкүлдөрү кирди. Алар Кыргызстанда кабыл алынган концепцияларды, стратегияларды, программаларды жана мыйзамдарды анализдеп чыгып, карама-каршы келген мыйзамдарды бири-бирине шайкеш келтирет. Анын жыйынтыгы... Читать дальше...

21-мартта Минск шаарында, Беларустун башка шаарларында жана Польшанын ордо шаары Варшавада нааразылык жыйындары өткөрүлдү. Бул нааразылык чараларынын катышуучулары өткөн жылдын августундагы Беларустагы президенттик шайлоодогу добуштардын бурмаланган жыйынтыгын четке кагууну ырааттуу талап кылып жаткан оппозицияны колдоого алышты. Минск шаарынын Сухарево районунда аялдар тынчтык жүрүшүн өткөрүп, оппозициялык маанайдагы башка аялдарга тилектештигин билдиришти. Беларус оппозициясынын 2020-жылдын... Читать дальше...

Чолпон-Ата шаарынын ат майданында Нооруз майрамына арналган ат оюндарынын алкагында ат чабыш өттү. Жорголор 8,8 чакырымга, ал эми күлүктөр 19 чакырымга чуркады.

АКШнын Мамлекеттик катчысы Энтони Блинкен президент Жо Байдендин трансатлантикалык байланыштарды калыбына келтирүү иш-аракеттеринин алкагында 22-мартта Брюсселге келип, НАТО жана Европа Биримдигинин лидерлери менен жолугушат. Блинкен 23-мартта жана 24-мартта НАТОнун тышкы иштер министрлеринин жыйынына катышат. Ал шериктер жана НАТОнун Башкы катчысы Йенс Столтенберг менен кеңешет, деп Мамлекеттик департамент билдирди. АКШ Мамдепартаменти Брюсселдеги жолугушуулар "Байдендин администрациясынын трансатлантикалык ынтымакты чыңдап... Читать дальше...

Коронавирус боюнча республикалык штабдын 22-мартта берген маалыматы боюнча, акыркы суткада илдет 73 кишиден аныкталды. Алардын эң көбү Бишкек шаарында – 58 адам. Ысык-Көл облусунда жети, Жалал-Абадда беш, Ош облусунда эки жана Чүйдө бир киши. COVID-19дан каза болгондор катталган жок. Коронавирустан, анын ичинде пневмонияны эсепке алганда 38 киши айыгып чыкты. Ушуну менен Кыргызстанда былтыркы 18-марттан бери COVID-19 вирусун жугузуп алгандардын жалпы саны 87 462 адамга жетти, 84 223 киши сакайды. Читать дальше...

Талас облустук ички иштер башкармалыгы Жерүй алтын кенинде 18 адам тамакка ууланганы тууралуу маалыматты иликтей баштады. Бул факт «Санитардык-эпидомиологиялык талаптардын бузулушу» менен электрондук эсепке алуу журналына катталганын облустук милициянын басма сөз кызматы кабарлады. 21-мартта «Фейсбук» социалдык тармагынын колдонуучусу Султанбек Аманбеков Жерүй кенинде 18 адам тамакка ууланганын жазган. Ал кызматкерлер жумуштан чыгып калуудан коркуп бул тууралуу айтпай жатканын билдирген. Президент... Читать дальше...