Новости за 29.06.2018

Британецот Роџер Дикинс, снимателот на култните филмови „Бегство од Шошенк“, „Фарго“, „Човекот кој не беше таму“, „Нема земја за стари луѓе“ и други, е добитник на „Златна камера 300“ за животно дело на 39. Интернационален фестивал на филмска камера „Браќа Манаки“ кој под слоганот „Симнуваме капа“, од 22 до 29 септември, ќе се одржи во Битола.

Основниот суд во Приштина по барање на Специјалното обвинителство на Косово, им одреди 30-дневен притвор на трите лица кои беа уапсени денеска во Призрен и во Скендерај (Србица), под обвинение за кривично дело „подготвување на терористички дејствија.“ Косовските медиуми пренесуваат изјава на портпаролката на Судот, Мирлинда Гаши, која информира дека уапсените ќе останат во притвор до 29 јули. Претходно беше објавено дека рано утрово во акција на косовската полиција, по неколкумесечна истрага... Читать дальше...

Неделникот Фокус пишува дека поранешниот директор на УБК, Сашо Мијалков, „го легализира своето богатство“, а Капитал пишува за најголемите 100 македонски извозници.

Имаме 90 проценти помалку мигранти денес отколку пред две години, системите како што е шенгенскиот информатички систем е оперативен, но проблемот е од политичка природа, изјави бугарскиот премиер Бојко Борисов. Тој наведе дека постојат два пристапа во решавање на проблемот со илегалната миграција.  „Денес сите зборуваат за проблемот на Грција и на Италија, но никој не ги спомнува Шпанија и Бугарија, која примени еден пристап кој покажа резултати. Ние работевме на борба против миграцијата, инвестиравме во технологија... Читать дальше...

Со утврдениот датум од Европската унија, кон крајот на јули почнува скриниг процесот, а во јуни идната година очекувам отворање на поглавја, изјави премиерот Зоран Заев во интервју од Брисел за МРТВ. Заев исто така најави дека референдумот за договорот со Грција најверојатно ќе се одржи кон крајот на септември.  „Со утврдениот датум расчистивме, нема никакви дилеми. Почнува скрининг - процесот, најавивме втора половина на јули. Кабинетите го договараат, најверојатно ќе биде околу 17 или 20 јули. Читать дальше...

38-годишниот маж обвинет за убиство на пет лица и сериозно ранување на неколку други во редакцијата на локалниот весник „Капитол газет“ во американската држава Мериленд, е обвинет за убиство по пет точки. Џарод Рамос се појави денеска преку видео во судот за неговото сослушување за кауција, но судијата одлучи да остане во притвор без кауција. Напаѓачот отвори на 28 јуни отвори оган врз редакцијата на весникот, со што се смета дека е најсмртоносниот напад врз новинари во САД. Белата куќа и други политички лидери од САД го осудија нападот.

ВМРО-ДПМНЕ не го блокира носењето на законот за медиуми, напротив се обидува да издејствува подобро решение кое ќе гарантира поголема независност на регулаторните тела за медиуми и ќе ги направи отпорни на притисоците на власта, соопштуваат денеска од ВМРО-ДПМНЕ.  Од партијата наведуваат дека поднеле 60-тина амандмани кои произлегле од јавната дебата при креирање на предлог-текст за закон, со кои како што велат, ќе се спречи партизација преку начинот на избор на членовите на регулаторните тела. Читать дальше...

Грција заостанува во борбата против трговијата со луѓе, но прави зајакнати напори да ги исполни минималните стандарди за елиминација на оваа појава, се вели во најновиот извештај на Стејт департментот за трговијата со луѓе во 2018 година. Грција покажала зголемени напори во текот на претходниот период преку воспоставување формални процедури, истраги и осудувања на трговци со луѓе, се вели во извештајот. „Грчката Влада не ги исполни минималните стандарди во неколку клучни области, вклучувајќи проактивни напори за идентификација... Читать дальше...

Српскиот министер за надворешни работи Ивица Дачиќ изјави дека на 27 јуни добил нота од страна на една држава дека ќе го повлече признавањето на независноста на Косово, но дека нема да каже која земја е во прашање се додека официјалната нота не дојде до најблиската српска амбасада. Дачиќ на вонредна прес-конференција го покажа документот за кој тврди дека е нота на една држава, која ја добил на мејл на 27 јуни, во која се наведува дека таа земја го повлекува признавањето на едностраната прогласена независност на Косово. Читать дальше...

Посетата на рускиот претседател Владимир Путин на Србија е голема чест за нашата земја и потврда за традиционалните пријателски руско-српски односи, изјавил српскиот претседател Александар Вучиќ, јави агенцијата Бета. Од кабинетот на Вучиќ информираа дека српскиот претседател се сретнал со рускиот амбасадор во Белград, Александар Чепурин, кој му потврдил дека Путин ја прифатил поканата да ја посети Србија. Посетата на Србија на есен ја потврдил и шефот на руската дипломатија Сергеј Лавров на средба со неговиот српски колега Ивица Дачиќ... Читать дальше...

Претседателот на Собранието, Талат Џафери, денеска изјави дека „ако и по втор пат претседателот на државата Ѓорѓе Иванов не го потпише указот за Договорот со Грција и тоа помине во пракса, ќе се употреби исто решение и за тој договор, но и за Законот за употреба на јазиците, а едно од тие решенија е тие да бидат испратени во Службен весник без потпис на претседателот“. Џафери, сепак, како што рече, остава простор Иванов да се премисли и да го потпише Договорот, во овој, како што наведе, историски момент за државата. Читать дальше...

Човекот лажно се заканувал дека има бомба, нема никаква закана на аеродромот Домодедово во Москва, соопштија аеродромските власти, откако безбедносните служби го провериле човекот кој тврдел дека има експлозивна направа, јавија новинските агенции. Човекот, чиј идентитет не е откриен, при поминување на безбедносната контрола рекол дека има бомба, по што веднаш бил евакуиран дел од московскиот аеродром. Аеродромската управа соопшти дека по деталната проверка, аеродромот продолжил да работи нормално.

Антидопинг системот на Светската фудбалска федерација (ФИФА) работи исправно и прекршувања на правилата од почетокот на Светското првенство во Русија не се регистрирани. Ова го објави на прес-конференција на „Лужники“ Колин Смит, директор на одделот за спроведување на турнири при ФИФА. „Направени се повеќе од 2.700 тестови, откако секој од фудбалерите бил проверен барем еднаш. Тестови се прават на секој натпревар, се земаат примероци од минимум четири играчи, по што се испраќаат во лабораторија во Швајцарија. Читать дальше...

Шефот на косовската дипломатија и вицепремиер, Беџет Пацоли, објавил денеска цитат од дело на српскиот писател и некогашен претседател на СР Југославија Добрица Ќосиќ, за, како што рече, да ги демантира тврдењата на својот српски колега, Ивица Дачиќ, дека неколку земји го повлекле признавањето на независноста на Косово, објавија косовските медиуми. Пацоли го цитирал делот од романот на Ќосиќ „Делби“, каде што тој вели дека „лагата е српски национален интерес“, што, според шефот на косовската дипломатија... Читать дальше...

Меѓународниот протокол за борба против шверц на цигари, кој во ноември 2012 година го усвоија 170 земји, ќе стапи во сила во септември, откако во средата го ратификуваше и Велика Британија, соопшти Светската здравствена организација (СЗО). Со британската ратификација „достигнат е потребниот број на страни во Протоколот“, односно 40 ратификации, нагласи СЗО. Документот ќе стапи во сила за 90 денови, поточно на 25 септември. „Ова е историски ден во борбата против цигарите“, напиша на Твитер шефот на СЗО... Читать дальше...

Сирискиот центар за човечки права со седиште во Лондон соопшти дека над 120.000 луѓе побегнале од југозападна Сирија од почетокот на офанзивата на владините сили. Според центарот, неколку десетици илјади луѓе се наоѓаат на границата на Сирија со Jордан, додека илјадници побегнале кон Голанската висорамнина. Директорот на Центарот, Рами Абдулраман изјави дека најголем број цивили го напуштиле источниот дел на провинцијата Дера.

Портпаролот на Кремљ, Дмитриј Песков, денеска изјави дека приклучувањето на Македонија во НАТО е суверено право на земјата, дека Москва негува добри односи со Скопје, но дека се противи на приближувањето на Алијансата до границите на Русија. „Тоа е суверена одлука на самата Македонија. Ние ги цениме и одржуваме добри односи со Македонија. Се разбира, заинтересирани сме за развој на билатералната соработка. Но, што се однесува на приближавањато на НАТО и неговата инфраструктуре кон нашите граници... Читать дальше...

Бугарската опозиција денеска не успеа да ѝ изгласа недоверба на владата на Бојко Борисов, а која ја бараше поради „неуспешна борба против нараснатиот криминал и неможноста да гарантира владеење на правото“.  Во бугарскиот парламент, од вкупно 240 пратеници, 131 пратеник ја поддржаа владата, 104 беа против, а петмина беа воздржани. Ова е второ гласање за недоверба со кое се соочи владата на Борисов, откако неговата партија ГЕРБ минатата година дојде на власт.

Пратеничката на опозициското Движење Самоопределување, Албулена Хаџиу, поднела кривична пријава за косовскиот премиер Рамуш Харадинај и 17 други функционери, вицепремиери и министри, кои учествувале во донесувањето на одлуката за зголемување на сопствените плати. Според Самоопределување, зголемувањето на платите за владините функционери е не само неприфатливо, туку и спротивно на Законот за плати. Пратеничката Хаџиу ја најави можноста од подигање кривични пријави и за судиите на Уставниот суд... Читать дальше...

Претседателот на Собранието, Талат Џафери, денеска изјави дека на 5 или на 6 јули ќе биде закажана собраниската седница на која треба повторно да се гласа за Договорот со Грција за името.   „Потоа, доколку по втор пат претседателот на државата не го потпише указот и тоа помине во пракса, ќе се употреби исто решение и за Договорот, но и за Законот за употреба на јазиците. Едно од решенијата е тие да бидат испратени во Службен весник без потпис на претседателот Ѓорге Иванов“, рече Џафери. Сепак... Читать дальше...

Грчката федерација на културните здруженија на Македонците и грчките Пан-Македонски асоцијации на Македонците од дијаспората, испратиле барање до грчкиот Уставен суд за поништување на Договорот од Преспа и бараат поништување на писмата од Грција до НАТО и ЕУ. Овие грчки организации сметаат дека Договорот за името го крши Уставот и води до распаѓање на Грција по брза постапка, и затоа, како што соопштија, бараат итно да се повлечат писмата од грчката Влада до НАТО и ЕУ за тргање на грчкото вето за Македонија.

Судењето на поранешната министерка за внатрешни работи Гордана Јанкулоска за предметот на СЈО „Тенк“ е одложено за 29 август, бидејќи таа е на породолно боледување. Одбраната на Јанкулоска денеска до Судот ја достави нејзината медицинска документација. Судијката Добрила Кацарска на претходното рочиште закажа 25 нови рочишта до октомври годинава. На Јанкулоска и се суди во раздвоена постапка во предметот „Тенк“, бидејќи имаше ризична бременост.

Здружението на новинари на Македонија (ЗНМ) на денешната прес-конференција ја обвинија опозициската ВМРО-ДПМНЕ дека „преку фиктивна амандманска расправа во собраниската Комисија за транспорт и врски го блокира донесувањето на измените на Законот за аудио и аудиовизуелни медиумски услуги кој е клучен за почнување на медиумските реформи во земјата и со кој треба да биде подобрен квалитетот на новинарството“. Како што рече претседателот на ЗНМ, Насер Селмани, предложениот закон доби широка поддршка... Читать дальше...

Со презентација на материјални докази поврзани со комплексот „Сончев град“ денеска во Кривичниот суд продолжи судењето за „Топлик“. Одбраната на обвинетиот, поранешниот министер за транспорт и врски Миле Јанакиески, реагираше на начинот на презентирање на документите и побара нивно целосно прикажување и поврзување со конкретните дела од обвинението. За овој предмет на претходното рочиште СЈО достави 608 материјални докази.  Според обвинението, првоосомничениот Јанакиески, како раководно лице во Министерството за транспорт и врски... Читать дальше...

И покрај субвенциите, повеќе години се намалува домашното производство, а Македонија е зависна од увоз. Министерот Љупчо Николовски вели дека анализата на ЕУ направена на барање на министерството ги покажува сите слабости и оти нашиот систем не е компатибилен со европските политики за земјоделство.