Новости за 17.06.2018

Во Скопје вечерва дојде до судири меѓу полицијата на демонстрантите кои го нападнаа полицискиот кордон пред Собранието на Македонија.

Полицијата вечерва пука солзавец пред Собранието на Република Македонија откако насобраните демонстранти ја турнаа оградата и ги нападнаа полицајците. Тие се собраа пред Соранието во знак на протест против договорот за името кој денеска во Преспа го потпишаа министрите за надворешни работи на Македонија и на Грција Никола Димитров и Никос Коѕијас во присуство на премиерите Зоран Заев и Алексис Ципрас.

Македонско - грчкиот договор за името е потпишан, но долг е патот до неговата реализација. И додека договорот наидува на широка меѓународна подршка опозицијата во Македонија и Грција протестира.

ВМРО-ДПМНЕ ќе се спротивстави со сите демократски и правни средства на капитулацијата што денеска ни ја сервираа и сите обиди за деградирање на суверенитетот на нашата земја. ВМРО-ДПМНЕ нема да поддржи промена на Уставот, а со цел промена на уставното име, рече лидерот на ВМРО-ДПМНЕ Христијан Мицкоски на денешниот протестен марш во Битола. „Македонија е името со кое се препознаваме и разликуваме од другите. Тоа е нашиот код. Верувам во принципи и вредности и не можам да бидам ништо поинаку од она што се моите принципи и вредности... Читать дальше...

За помалку од 12 часа, коалициониот партнер во грчката Влада, Независни Грци остана без двајца членови. Откако Димитрис Каменос вчера ја поддржа иницијативата на Нова демократија за недоверба на Владата и беше избришан од партијата, денеска и неодамнешната портпаролка Магдалена Пападопулу соопшти дека си заминува. Како што јави дописничката на МИА од Атина, Магдалена Пападопулу, која од позицијата портпарол на Независни Грци пред пет дена беше поставена за одговорна за координација во партијата во пресрет на изборите... Читать дальше...

Во Битола во тек е протестен марш на опозициската ВМРО-ДПМНЕ против потпишувањето на договорот со Грција за решавање на долгогодишниот спор со името. Маршот го предводи претседателот на партијата Христијан Мицкоски. На протестот учествуваат пратеници, членови и симпатизери на ВМРО-ДПМНЕ. Според лидерот на партијата Христијан Мицкоски, станува збор за решение кое е комплетно спротивно на државните и националните интереси на Република Македонија. Повеќепати го повтори ставот дека ВМРО-ДПМНЕ нема... Читать дальше...

Најмалку 10 луѓе загинаа денеска во самоубиствениот бомбашки напад во близина на канцеларијата на гувернерот во источната авганистанска провинција Нангархар, соопштија тамошните власти. При нападот се повредени најмалку 30 луѓе. Нападот се случил во главниот град на провинцијата, Џалалабад. Засега никој не презеде одговорноста за бомбашкиот напад. Во сличен напад во Нангархар на 16 јуни загинаа 36 луѓе. Одговорност за овој напад ја презеде групата Исламска држава. Авганистанските талибанци ја... Читать дальше...

Постигнатиот договор меѓу Република Македонија и Република Грција по однос на прашањето за името е компромисно решение, со отстапки на кои мораа да се согласат и двете страни, но Македонија нема развојна парспектива надвор од Европската унија и членството во НАТО, оцени денеска во Охрид претседателот на Македонската академија на науки и уметности(МАНУ) Таки Фити. „За МАНУ и за сите граѓани на Македонија особено значајно беше да се зачуваат идентитетските прашања. Македонскиот јазик, националноста... Читать дальше...

Опозициската ВМРО-ДПМНЕ денеска организира протестен марш во Битола во знак на незадоволство од договорот што го постигнаа премиерите Зоран Заев и Алексис Ципрас за решавање на 27-годишниот спор за името меѓу Македонија и Грција. Според лидерот на партијата Христијан Мицкоски, станува збор за решение кое е комплетно спротивно на државните и националните интереси на Република Македонија, кое само по себе е капитулација. Повеќепати го повтори ставот дека ВМРО-ДПМНЕ нема да поддржи уставни измени за промена на уставното име. Читать дальше...

Требаше многу време и многу пат за да стигнеме таму каде што сме денеска. Ова е историски ден и можност за граѓаните на Северна Македонија да добијат позитивни одговори за евроатлантските интеграции. На крајот од денот сите ќе видат дека договорот е добар компромис во кој сите добиваат по нешто, изјави еврокомесарот за проширување и добрососедска политика Јоханес Хан. Шефицата на европската дипломатија Федерика Могерини, пак, рече дека ова е историски ден за двете земји, но и за Европската унија и за Балканот. Читать дальше...

Договорот за името го потпишаа министрите за надворешни работи Димитров и Коѕијас во Псерадес во Грција на брегот на Преспанското Езеро, а на церемонијата зборуваа и премиерите на двете земји, Зоран Заев и Алексис Ципрас. Според Заев, поместени се планини. Присутни беа и шефицата на европската дипломатија Федерика Могерини, еврокомесарот за преговори за проширување Јоханес Хан и потсекретарката за политички прашања на Обединетите нации Розмари Ди Карло.

Грчката полиција спречи националисти кои протестираат да ја попречат церемонијата на потпишување на Договорот за решавање на спорот со името. Полицијата со солзавец ги растера демонстрантите кои се обидуваа да упаднат во безбедносниот периметар и да стигнат до селото Псарадес.

По потпишувањето на договорот за името во Псарадес, делегациите на Македонија и на Грција се упатија на заеднички ручек во Отешево на македонска страна од Преспанското Езеро. Македонската делегација е предводена од премиерот Зоран Заев, а грчката од премиерот Алексис Ципрас. На заедничкиот ручек ќе присуствуваат и претставниците на Европската унија и Обединетите нации - Федерика Могерини, Јоханес Хан, Метју Нимиц и Розмари ди Карло. По заедничкиот ручек, се очекува билатерална средба да остварат премиерите Заев и Ципрас.

Во јавните средни училишта во земјава утре и задутре ќе се спроведе првото пријавување и запишување ученици за учебната 2018/2019 година во јунскиот уписен рок.  Ранг-листите со резултатите од запишувањето и слободните места ќе бидат објавени на 20 јуни. Квалификациското тестирање ќе се организира на 22 јуни, а конечните ранг-листи со резултатите ќе бидат објавени на 25 јуни.  Второто пријавување и запишување на учениците во јуни ќе се врши на 28, а резултатите од запишувањето и слободните места ќе бидат објавени наредниот ден, 29 јуни. Читать дальше...

Министрите за надворешни работи на Македонија и на Грција го потпишаа договорот за името. Премиерот Зоран Заев рече дека со договорот „поместивме планини“. Посредникот Метју Нимиц рече дека спогодбата е „правична, чесна и спроведлива“.

Шефовите на дипломатиите на Македонија и на Грција, Никола Димитров и Никос Коѕијас го потпишаа договорот за името во селото Псерадес во Грција на брегот на Преспанското Езеро. Договорот предвидува ерга омнес име за земјава, Република Северна Македонија со македонски јазик и националност. Договорот го потпиша и посредникот на ОН, Метју Нимиц на денот на својот роденден. На церемонијата присуствуваат и премиерите на двете земји, Зоран Заев и Алексис Ципрас. Присутни се и шефицата на европската дипломатија Федерика Могерини... Читать дальше...

Во тек е церемонијата за потпишувањето на договорот за името во грчкото село Псерадес на брегот на Преспанското Езеро. Договорот треба да го потпишат шефовите на дипломатиите на Македонија и на Грција, Никола Димитров и Никос Коѕијас. Договорот предвидува ерга омнес име за земјава, Република Северна Македонија со македонски јазик и националност. На церемонијата присуствуваат и премиерите на двете земји, Зоран Заев и Алексис Ципрас, како и посредникот на ОН, Метју Нимиц. Присутни се и шефицата на европската дипломатија Федерика Могерини... Читать дальше...

Времето претпладне ќе биде сончево со мала до умерена облачност, а попладне нестабилно, со локален дожд и грмежи. Ќе дува повремено засилен северен ветер.  Температурата ќе се движи од 18 до 32 степени. УВ-индексот ќе изнесува седум. Во Скопје слично време, претпладне ќе биде сончево со мала до умерена облачност, а попладне нестабилно, со локален дожд и грмежи. Ќе дува повремено засилен северен ветер. Температурата ќе достигне до 29 степени.  В понеделник ќе дува засилен ветер, а поголема нестабилност ќе има во западните делови... Читать дальше...

Никому не му е пријатно од промената на името, но од таа емотивна ситуација треба да се извлечеме свесно и да тргнеме во една нова ера за поубава и просперитетна земја. Од таа убавина ќе се компензира тоа што сега го дадовме под концесија, вели Денко Малески, универзитетски професор и поранешен министер за надворешни работи,во неделното интервју на Радио Слободна Европа.

Овој пат не верувам дека ќе има прекршување на договорот. За тоа треба волја од двете страни, но сега зад напорот не стојат само Грција и Македонија, туку и западниот свет, вели професор Денко Малески во неделното интервју на Радио Слободна Европа.

Шефовите на дипломатиите на Македонија и на Грција, Никола Димитров и Никос Коѕијас, заедно со медијаторот Метју Нимиц, претпладнево во Преспа под зајакнати безбедни мерки и во присуство на високи претставници на меѓународната заедница треба да ги стават своите потписи на договорот меѓу двете земји за конечно решавање на спорот за името, со кој е предвидено ерга омнес име за земјава, Република Северна Македонија. Јазикот е признаен како македонски, а државјанството како македонско/на Република Северна Македонија. Читать дальше...