Новости за 31.10.2023

د اسراییلو ځمکنیو ځواکونو نن د غزې په شمال کې د حماس د وسله‌والو پر مرکزونو برید وکړ. په داسې حال کې چې د غزې پر تړانګه د اسراییلو بمبارۍ له نږدې درېیو اونیو راهیسې روانې دي اسراییلي پوځ ویلي چې د جګړې له پیل وروسته شاوخوا اته لکه فلسطینیان له خپلو مېنو وتلي دي. د اسراییل صدراعظم بنیامین نتنیاهو چې د حماس ډلې له منګولو د یوه اسراییلي برمته د ژغورلو له بریالیو عملیاتو وروسته یې روحیه لوړه ښکارېده، د اوربند لپاره غوښتنې رد کړې او یوځل بیا یې ژمنه وکړه چې پر غزې د واکمنۍ او د اسراییل د ګواښلو لپاره د حماس ځواک به وځپي. Читать дальше...

د بشري حقونو څار سازمان وايي، د پاکستان حکومت افغان کډوال ګواښي، ناوړه چلند ورسره کوي، توقیفوي یې او پرته له دې چې د ستنولو لپاره قانوني شرایط ورته چمتو کړي افغانستان ته یې لېږي که نه په جبري ډول یې باسي. هیومن رایټس واچ په یوه بیان کې چې نن یې خپور کړ ویلي چې په دې افغانانو کې ډېر داسې کسان هم شته چې په امریکا، بریتانیا، جرمني او کاناډا کې د ځای پرځای کېدو قانوني مراحلو ته سترګې په لاره دي. د هیومن رایټس واچ بیان زیاتوي چې د پاکستاني چارواکو پرله‌پسې څرګندونو له افغان کډوالو سره د ځورونو، حملو... Читать дальше...

د راپورونو له مخې د ډیورنډ پر کرښه د تورخم او چمن په دروازو کې لسګونه زره افغانان راټول شوي څو افغانستان ته واوړي. د پاکستان د کورنیو چارو وزیر د اکټوبر په درېیمه د ۱،۷ میلیون افغانانو په ګډون په دې هېواد کې دېره ټولو غیرقانوني کډوالو ته ۲۸ ورځې مهلت ورکړ چې ووځي که نه په جبري ډول به وایستل شي. فرانس‌پرېس خبري آژانس د تورخم په دروازه کې د یوه مسوول پاکستاني چارواکي ارشاد مومند له قوله خبر ورکوي چې وايي، له ۱۰ زرو زیات افغان کډوال نن سهار په لاریو او نورو موټرو کې هلته ورسېدل او افغانستان ته د اوښتو لپاره خپل وار ته انتظار کوي. Читать дальше...

پولیس وايي، د وژلو شویو مزدورانو تعلق د پنجاب صوبې سره دی او په دغو ډزو کې یو بل تن ژوبل شوی هم دی. د پولیسو په وینا د وژلو شویو کسانو جسدونه او په پېښه کې ژوبل شوی تن د تربت روغتون ته رسول شوي او د پېښې پلټنې روانې دي

په قازقستان کې د اټومي ازموینو سیمه د پخواني شوروي اتحاد د اټومي وسلو یادونه کوي. دا په داسې حال کې ده چې نړیوال ساینسپوهان هلته د څه د پاسه ۴۰۰ اټومي چاودنو د اغېز په اړه څېړنه کوي. هغه څیړنیز مرکز چې پخوا فعاله وو نو شاوخوا ته یې خلک هم اوسېدل چې ډېری یې اوس هم د اټومي وړانګو یا تابکارۍ له ناوړه اثراتو سره ژوند کوي. د اسوشيېټېډ پرېس له ویډیو جوړ رپورټ.

د فلسطیني کډوالو لپاره د ملګرو ملتونو د ادارې مشر وایي، په غزه کې سملاسي اوربند د میلیونونه کسانو د مرګ او ژوند خبره ده. د اسوشېټېډپرېس خبري اژانس د راپور له مخې فیلیپ لازاریني دغه څرګندونې پرون دوشنبه د ملګرو ملتونو یوې بېړنۍ غونډې ته وکړې. د ملګرو ملتونو دغه استازي اسراییل تورن کړ چې فلسطینیانو ته 'په ډله ییزه توګه سزا ورکوي' او کډه کولو ته یې مجبوروي. رویټرز خبري اژانس د فلسطین د روغتیایي چارواکو په حواله ویلي چې پر غزې د اسراییلو د برید له پيله تراوسه ۸۳۰۶ کسان وژل شوي چې نږدې نیمایي یې تر اتلس کلنو کم عمره کسان دي. Читать дальше...

د ارجنټاین د فوټبال د ملي لوبډلې لوبډلمشر لیونل مسي د اتم ځل لپاره د سرو زرو توپ وګاټه. د اسوشېټېډپرېس خبري اژانس د راپور له مخې ۳۶ کلن مسي وروسته له هغه دغه جایزه وګټله چې لوبډله یې ۲۰۲۲ کال په قطر کې د نړیوال جام اتلولۍ ته ورسوله. د ښځینه فوټبالرانو په برخه کې د سرو زرو توپ جایزه د اسپانیې د ټیم لوبغاړې ایتانا بونماتي ته ورکړل شوه. دوی ته دغه جایزې تېره شپه په پاریس کې ورکړل شوې. له مسي پرته تراوسه هېڅ یوه لوبغاړي له پنځو ځلونو زیات د سرو زرو توپ نه دی ګټلی. کریستیانو رونالډو دغه جایزه پنځه ځله ګټلې ده.

له پاکستان څخه د کندهار د سپین بولدک له لارې ورغلي افغان کډوال د پاکستاني پوځیانو له ناوړه چلند څخه شکایت کوي او وايي، د کډوالو پر کورونو چاپې وهل کېږي، نیول کېږي او پیسې ترې اخیستل کېږي. په کندهار کې د طالبانو د حکومت د کډوالو او بېرته راستنېدونکو ریاست د معلوماتو په اساس، هره ورځ د سپین بولدک له لارې ۲۵۰ کورنۍ هېواد ته راستنېږي چې په روانه میاشت کې د راغلو کډوالو شمېر ۴۶۰۰ کورنیو ته رسېدلی. دا په داسې حال کې ده چې نن سې شنبې د اکټوبر ۳۱مه د پاکستان د حکومت لخوا افغان کډوالو ته ورکول شوي مهلت پای ته رسېږي. Читать дальше...

د کاناډا حکومت وایي چې دغه هېواد ته د څلویښت زرو افغان پناه غوښتونکو د لېږلو لړۍ بشپړه شوه. د کاناډا د بهرنیو چارو وزیر مارک مېلر پرون په دې اړه یوه خپره شوې اعلامیه کې ویلي. هغه ویلي: "د کاناډا حکومت خوښ دی چې وې کولای شوای له ټاکل شوي مهلت نه مخکې کاناډا ته د څلویښت زره افغان پنا غوښتونکو د لېږد لړۍ بشپړه کړي." ټاکل شوې وه چې د پنا غوښتونکو د لېږد دغه عملیات چې "د افغانانو د بیا مېشتېدو" په نوم پروګرام له مخې ترسره کېږي، د روان میلادي کال په پای کې بشپړ شي، خو دغه لړۍ څو ورځې وړاندۍ د پناه... Читать дальше...

مولوي عبدالاحد طالب د طالبانو د مشر مولوي هبت الله اخندزاده د ځانګړو ځواکونو د قومندان په توګه ټاکل شوی دی. د باختر دولتي خبري آژانس چې د طالبانو تر کنټرول لاندې ده ليکلي چې دغه مقرري د طالبانو د مشرتابه د حکم له مخې شوې ده. مولوي طالب پخوا د هلمند والي و. د طالبانو مشر مولوي هبت الله اخندزاده له هېڅ رسنۍ او یا بهرني چارواکي سره خبرې نه دي کړي. د هغه یوازې یو عکس او څو غږیز پیغامونه خپاره شوي او د طالبانو په حکومت کې اکثره پرېکړې د هغه له خوا کېږي.

په داسې حال کې چې اسراییلي ځواکونو د دوشنبې په ورځ په غزې کې له دوو خواوو پرمختګ کړی، ملګرو ملتونو خبرداری ورکړ چې د اسراییلو هوايي بریدونه هغو روغتونونو ته نږدې هدفونه په نښه کوي چې د زرګونو ټپیانو د درملنې تر څنګ په کې لسګونه زره فلسطینیانو پناه اخیستې. اسراییلي ځواکونو دقیقاً نه دي ویلي چې څومره پوځیان یې په کومو سیمو کې پرمختګ کړی، خو د دوشنبې په ورځ یې په خپل بیان کې ویلي چې یوه ښځینه عسکره یې راخوشې کړې ده. د راپورونو له مخې حماس جنګیالیو څه باندې دوه سوه اسراییلیان چې پکې ملکیان هم شته یرغمل نیولي. Читать дальше...

له پاکستانه د بې اسناده کډوالو د ایستلو لپاره د دغه هېواد د حکومت ضرب الاجل نن پای ته رسېږي. راپورونه وايي، چې د پاکستان امنیتي ځواکونو د افغان ‎کډوالو د نیولو او بېرته ستنولو لړۍ له ټاکلې مودې مخکې پیل کړې ده. یو تن افغان کډوال محمد اصف ازادي راډيو ته وویل: "پوليس چاپه وهي، که څه هم دوی وايي چې دا کار نه کوي، دوی په پټه چاپې وهي. دوی سړي نیسي او له هغوی څخه پیسې غواړي." بل افغان کډوال خان محمد هم ازادي راډیو ته ورته خبره وکړه. هغه وویل: "په کورونو باندې به یې چاپې راوهلې. یا به موږ کوڅې ته راوتلو نور به کور رانه پاتې وو. Читать дальше...

اروپايي ټولنه او د ملګرو ملتونو پراختیايي موسسه د افغان ښځینه سوداګرو د ملاتړ لپاره یو ګډ پروګرام پیلوي. دا خبره د افغانستان لپاره د اروپايي ټولنې استازولۍ په خپله ایکسپاڼه لیکلې. د بیان له مخې د اروپايي ټولنې او د ملګرو ملتونو پراختیايي موسسې 'یو این ډي پي' افغانستان څانګې په دغه ګډ پروګرام سره د شريعت مطابق د سپما ګروپونو او کوچنيو پورونو له لارې د افغان ښځینه سوداګرو او ځوانو متشبثینو لاسنیوی کېږي. اروپايي ټولنې نه دي ویلي چې څومره ښځینې سوداګرې له دغه پروګرامه برخمنېږي، خو ویلي یې دي چې تمه ده په شپږو ولایتونو کې پلی شي. Читать дальше...

د طالبانو د حکومت د بهرنیو چارو وزارت سرپرست امیرخان متقي په انقره کې د ترکیې له بهرنیو چارو وزیر هاکان فدان سره کتلي دي. د طالبانو د بهرنیو چارو وزارت په یوه بیان کې ویلي چې په دې لیدنه کې د اړیکو د پیاوړي کولو پر اهمیت سربېره د نویو سوداګریزو دهلیزونو په پرانیستلو هم ټینګار وشو. د بیان په اساس امیر خان متقي د ترکیې هېواد له مرستو مننه کړې او په انقره او استانبول کې یې د طالبانو د معرفي شویو ډیپلوماتانو منل په دوه اړخیزو اړیکو کې ښه پرمختګ بللی. د هاکان فدان په حواله راغلي چې ترکیه له افغانستان سره خپله همکاري جاري ساتي. Читать дальше...

یو شمېر پاکستانۍ ورځپاڼو د پاکستان د حکومت هغه مهلت ته پام اړولی چې نن سې شنبې پوره کیږي او له مخې یې باید په دې هېواد کې مېشت ټول بې اسناده افغان کډوال ووځي، که نه دوی به یې په زور وباسي. نیشن ورځپاڼه لیکي، د افغان کډوالو په ګډون د نورو هېوادونو بې اسناده کډوالو ته چې په پاکستان کې اوسي، د څه باندې یوې میاشتې مخکې مهلت ورکولو وروسته په زرګونو کډوال له پاکستانه وتلي او خپلو هیوادونو ته ستانه شوي، خو ډېر نور په دې هېواد کې پټ دي چې د حکومت له دغه خبرداري ځان بچ کړي. د ورځپاڼې په لیکنه، مخکې له... Читать дальше...