Новости за 14.04.2018

Шаҳрдори Душанбе шӯрои нозирони сохтмони “Манзили дастрас”-ро таъсис додааст. Рустами Эмомалӣ рӯзи 13-уми апрел бо имзои қароре дар ин бора гуфт, шӯрои нозирон аз манфиати муштариҳо ҳимоят карда, барои саривақт ба поён расидани кори сохтмон талош хоҳад намуд. Ӯ ба мудири сохтмони “Манзили дастрас” даҳ рӯз вақт додааст, ки ҷаласаи нахустини шӯрои нозиронро баргузор кунад. Вале тафсилот дода нашудааст, ки ба ҳайати ин шӯро киҳо шомиланд. Сохтмони хонаҳои “Манзили дастрас” дар Душанбе соли 2013 шуруъ шуда... Читать дальше...

Созмони Паймони амнияти дастҷамъӣ ё ОДКБ, созмони таҳти нуфузи Русия, ҳамлаҳои муштараки Амрикову Бритониё ва Фаронсаро ба Сурия маҳкум кард. Ҷаласаи изтирории ин созмон рӯзи 14-уми апрел дар Маскав баргузор шуд. Шӯрои доимии Созмони Паймони амнияти дастҷамъӣ дар изҳороте гуфт, аз истиқлолу ягонагӣ ва тамомияти арзии Сурия ҳимоят мекунад. Ин созмон ҳамлаҳои шаби гузашта ба Сурияро “нақзи асоситарин усул ва меъёрҳои ҳуқуқи байналмилалӣ” донистааст. Дар изҳороти созмон гуфта шудааст, “ин иқдомот вазъеро ба вуҷуд меорад... Читать дальше...

Шукурҷон Зуҳуров – раиси Маҷлиси Намояндагони Тоҷикистон – гуфт, ки тарҳи созишнома дар бораи шарикии стратегӣ бо Узбекистон омода шудааст. Зуҳуров дар ин бора рӯзи 13-уми апрел дар ҷараёни сафараш ба Санкт-Петербурги Русия хабар дод. Ӯ гуфт, созишнома ҳангоми сафари президент Эмомалӣ Раҳмон ба Тошканд имзо хоҳад шуд, вале санаи мушаххасеро ба забон наовард. Раиси порлумони Тоҷикистон мегӯяд, дар тақрибан 25 соли гузашта мушкилоти зиёде миёни Тошканду Душанбе ҷамъ шуда, яхи азимеро ташкил дода буд. Читать дальше...

Доналд Трамп, раиси ҷумҳури Амрико, гуфт, ки ҳамлаи шаби гузашта ба Сурия “наметавонист натиҷаи аз ин беҳтар дошта бошад”. Вай рӯзи 14-уми апрел дар “Твиттер” навишт, ки “маъмурият анҷом шуд”. Трамп, инчунин, аз Фаронсаву Бритониё ба хотири “ҳушмандӣ ва қудрати олии низомӣ” сипосгузорӣ кард. Раиси ҷумҳури Амрико дар паёми баъдиаш дар “Твиттер” нирӯҳои низомии Иёлоти Муттаҳидаро боис ба ифтихор донист ва ёдовар шуд, ки миллиардҳо доллар барои тавони беҳтари ҳарбии Амрико ҳазина шудааст. Шаби... Читать дальше...

Бино ба Консепсияи нави сиёсати давлатии Тоҷикистон дар умури дин айни замон дар кишвар 3900 масҷид, 1 ҷамоатхонаи пайравони мазҳаби исмоилия ва 68 ибодатгоҳи пайравони динҳои ғайриисломӣ сабтином шудааст.

Сафири тозатаъйини Узбекистон дар Тоҷикистон гуфт, танҳо дар моҳи марти имсол марзи ду кишварро 300 ҳазор нафар убур кардаанд. Эргаш Шоисматов ин иттилоъро рӯзи 13-уми апрел, пас аз таслими эътимоднома ба раиси ҷумҳури Тоҷикистон дар Душанбе баён кард. Ӯ гуфтааст, убуру мурури теъдоди зиёди шаҳрвандон ба ифтитоҳи гузаргоҳҳои марзӣ вобаста аст, ки моҳи марти имсол сурат гирифт. Ин гузаргоҳҳо ба камияш даҳ соли охир баста буданд. «Санадҳо барои таъсиси корхонаҳои муштарак омода мешаванд. Робитаҳои фарҳангӣ низ фаъолона рушд доранд»... Читать дальше...

Коргардони маъруф Милош Форман дар 86-солагӣ дар Амрико даргузашт. Форман бо чанд филми сохтааш, аз ҷумла "Девона аз қафас парид", "Парвоз бар фарози ошёнаи фохта", "Марди рӯи моҳ" ва "Фирор аз хона" маъруф аст. Вай ду дафъа – дар солҳои 1975 ва 1984 – барандаи ҷоизаи Оскар шудааст. Милош Форман соли 1932 дар Ҷумҳурии Чех (он вақт Чехословакия) ба дунё омадааст. Соли 1950 роҳи киноро пеш гирифт.  Форман соли 1968 барои сабти филм ба Фаронса рафт ва аз онҷо барнагашт. Сипас, ба Амрико кӯчид. Читать дальше...

Амрикову Бритониё ва Фаронса баъд аз иддаои истифода аз силоҳи кимиёвӣ дар Сурия ба ин кишвар ҳамлаҳои ҳавоӣ анҷом доданд. Доналд Трамп, раиси ҷумҳури Амрико, шоми 13-уми апрел аз Кохи Сафед оғози ҳамлаҳо ба Сурияро эълон кард ва гуфт, ин ҳамлаҳо барои ҷилавгирӣ аз истифода аз силоҳи кимиёвӣ ва дигар силоҳҳои куштори дастҷамъӣ дар Сурия анҷом шудааст. Доналд Трамп раиси ҷумҳури Сурияро як «диктатори қотил» хитоб кард ва гуфт, ӯ ба хотири истифода аз гази кимиёвӣ дар шаҳри Думои Сурия товони бузурге хоҳад пардохт. Читать дальше...

Бархе аз сокинони шаҳри Душанбе дар суҳбат бо хабарнигори Радиои Озодӣ гуфтанд, ки ояндаи Тоҷикистонро чӣ гуна дидан мехоҳанд.

Бархе аз сокинони шаҳри Душанбе дар суҳбат бо хабарнигори Радиои Озодӣ гуфтанд, ки ояндаи Тоҷикистонро чӣ гуна дидан мехоҳанд. Онҳо дар маҷмуъ орзу доранд, ки дар кишвар ҷойҳои корӣ ташкил шуда, муҳоҷирон ба назди хонаводаҳои худ баргарданд ва фасоди молӣ аз байн бурда шавад.

Владимир Путин, раиси ҷумҳури Русия, иқдомии низомии Амрико ва муттаҳидонашро дар Сурия маҳкум кард. Ӯ рӯзи 14-уми апрел ҳамлаҳои муштараки Амрикову Бритониё ва Фаронсаро “таҷовуз ба як давлати мустақил” номид.

Ҳукумати Тоҷикистон созишномаеро тасдиқ кардааст, ки бар асоси он дар шаҳри Самарқанд барои 640 хонанда мактаб хоҳад сохт. Тарҳи созишномаро моҳи марти имсол раиси ҳукумат Эмомалӣ Раҳмон имзо гузоштааст.

Президенти ИМА Доналд Трамп эълон кард, ки ИМА, Британия ва Фаронса болои Сурия ҳамла намуданд.

Ташхис сабаби садама бо иштироки Саидмуъмин Исломов, муфаттиши БДА-и Кӯлобро, ки дар натиҷаи он наврас Фирдавс Ҳалимов ҷон бохт, “айби техника” гуфтааст.

Артиши Исроил иддао кард, ки як ҳавопаймои бесарнишини эрониро дар ҳарими ҳавоии ин кишвар сарнагун кардааст. Ба қавли мақомоти артиш, ин ҳавопаймо маъмурияти ҳамла бар қаламрави Исроилро пеш мебурд. Артиши Исроил рӯзи 14-уми апрел гуфт, чархболҳои ҷангӣ бо сарнагун сохтани ин ҳавопаймои муҷаҳҳаз бо маводи тарканд аз ҳамлае, ки Эрон қасд дошт, аҷном диҳад, ҷилагвирӣ карданд. Исроил гуфтааст, ҳавопаймои бесарнишин рӯзи 10-уми феврали имсол ҳадаф қарор гирифт.

Мақомот дар Суғд 18 тонна маводи дорувории пастсифат ваё муҳлати истифодааш гузаштаро нобуд кардаанд. Масъулони Хадамоти назорати давлатии фаъолияти тандурустӣ дар Суғд рӯзи 13-уми апрел ба Радиои Озодӣ гуфтанд, ки ин миқдор доруро дар се моҳи аввали имсол аз дорухонаҳои вилоят ва анборҳо мусодира намуданд. Ин хадамот мегӯяд, қисмате аз дорувориҳои пастсифат дар пайи як рейди муштараки онҳо бо раёсати Кумитаи давлатии амнияти миллӣ дар вилояти Суғд мусодира шудааст. Дар рейди муштараки ин ду ниҳод дар вилояти Суғд нисбат ба баъзе афрод... Читать дальше...

Ҳукумати Фаронса навори оғози ҳамлаи ҳавлпамоҳояш болои Сурияро пахш кардааст. Дар ҷавоб ба ҳамлаи кимиёӣ болои шаҳри Думои Сурия Фаронса ва Британия ба ИМА пайваста муассисаҳои кимиёии Сурияро ҳадафи ҳамла қарор доданд. (AFP)

Доналд Трамп, раиси ҷумҳури Амрико, гуфт, дастури “ҳамлаҳои дақиқ” алайҳи корхонаҳои ҳукумати Сурияро, ки ба сохтани аслиҳаи кимиёвӣ истифода мешаванд, содир намудааст.

Доналд Трамп, раиси ҷумҳури Амрико, гуфт, дастури “ҳамлаҳои дақиқ” алайҳи корхонаҳои ҳукумати Сурияро, ки ба сохтани аслиҳаи кимиёвӣ истифода мешаванд, содир намудааст.