Новости за 27.06.2023

Türkmenistanyň bäş welaýatyndan saýlanan “il ýaşulylary” we býujet işgärleri Arkadag şäheriniň 29-njy iýunda geçiriljek açylyş dabarasyna iberilýär. Azatlyk Radiosynyň habarçysy bu çäräniň töwereginde Lebap welaýatynda alnyp barylýan taýýarlyklar barada habar berýär.

Tölegli esasda okadýan türkmen ÝOJ-laryny tamamlanlar ýokary bilim baradaky diplomlaryny ilkinji gezek iberilen ýerlerinde iki ýyl işlemezlerinden ozal ellerine alarlar diýip, türkmen metbugaty habar berýär. Türkmenistanyň prezidentiniň 23-nji iýunda gol çeken kararyna laýyklykda, Orta hünär we ýokary hünär bilimi edaralarynyň uçurymlaryny işe ýollamagyň Düzgünnamasyna üýtgetmeler we goşmaçalar girizildi. Şeýle-de, Serdar Berdimuhamedowyň şu ýyl okuwlaryny üstünlikli tamamlan, Aşgabatdan we Ahal... Читать дальше...

Türkmen häkimiýetleri geçen ýylyň aýagynda geçirilen ilat ýazuwynyň netijeleri barada hasabat berdi, emma munuň bilen bagly anyk sanlary äşgär etmedi.

Türkiýäniň media serişdelerinde türkmenistanlylar barada habarlaryň peýda bolmagy dowam edýär. Türk türmesiniň gaçgagy Türkmenistanyň raýaty Maksat Bahramow Stambulyň aeroportunda tussag edildi. Aýrybaşga bir wakada, Stambulda öý arassalamaga baran türkmen raýaty bolsa, jaý eýesiniň 14 müň dollara golaý serişdesini ogurlady. Şeýle-de, Izmirde öldürilen dört türkmenistanlynyň jesetleriniň kime degişlidigini anyklamak boýunça DNK barlagy tamamlandy.

Türkmenistanyň habar serişdeleri, Aşgabadyň özüniň strategiki hyzmatdaşy atlandyrýan, Russiýada geçen hepdäniň aýagynda “Wagner” şahsy harby topary tarapyndan gurnalan ýaragly pitne barada hiç hili habar bermeýär. Ýogsa bu möhüm hadysa birnäçe günläp tutuş dünýäniň möhüm habar serişdeleriniň üns merkezindäki esasy waka boldy.

Gurban baýramynyň öňüsyrasynda, Mary welaýatynyň Baýramaly şäheriniň bazarlarynda azyk önümleriniň bahalary gymmatlaýar. Bu barada Azatlyk Radiosynyň habarçysy 26-njy iýunda sebitden habar berdi.

Aşgabatda ilata ýeňillikli bahadan satylýan çöregi satyn almaga baran alyjy bilen döwlet dükanynyň satyjysynyň arasynda ýakalaşyk boldy. Muňa satyjynyň köp mukdardaky çöregi diňe bir alyja satmagy we çöregiň nobata duran ýaşaýjylara ýetmezligi sebäp boldy. Azatlyk Radiosynyň paýtagtdaky habarçysynyň we çeşmeleriniň maglumatyna görä, waka geçen şenbe güni, 24-nji iýunda “Desse” atly 14-nji dükanda daňdan sagat 5:40 töwereginde boldy. Dükan satyjysy 40 sany çöregi gymmatbahadan, ýagny her birini 1 manat 50 teňňeden bir adama satdy. Читать дальше...

Balkan welaýatynyň Bereket etrabynyň galla kabul ediş kärhanasynda we daýhan birleşiklerinde Aşgabadyň tabşyrygy boýunça prokuratura derňewleri geçirilýär. Bu barada Azatlyk Radiosynyň habarçysy 27-nji iýunda sebitden maglumat berdi. Barlagçylar etrapda wagtyndan öň tamamlanan orak möwsüminde käbir daýhan birleşiklerde plan borçnamasynyň ýerine ýetirilmezligi bilen baglylykda derňew işlerini alyp barýarlar. “Döwlet plan borçnamasyny ýerine ýetirmedik daýhan birleşikleriň başlyklary gallaçy kärendeçiler... Читать дальше...

Türkmenistanyň dürli künjeklerinde çörek we un gytçylygy ýitileşýär. Söwdagärler ammarlardaky unuň azalandygyny aýdýar. Häkimiýetleriň muňa oňaýly çözgüt hödürlemeýändigi sebäpli, gytçylyk ýagdaýynda hojalyklar gizlin çörek bişirip, hususyýetçileriň üsti bilen ony bazarlarda ýerleýär.

Türkmenistanyň hökümeti Arkadag şäheriniň 29-njy iýunda geçiriljek açylyş dabarasyna taýýarlyk görýän mahaly, bu çärä parallel, Lebap welaýatynyň Türkmenabat şäherinde hem köp gatly ýaşaýyş jaýlarynyň onlarçasynyň açylmagyna garaşylýar. Bu aralykda, ilatyň ýaşaýyş jaý üpjünçiligi bilen bagly problemalar saklanyp galýar.

Sosial torlarda ýol polisiýa işgäriniň lybasyndaky pogonyny özi goparýan wideosy giňden ýaýrandan soň, sürüjä muny etmekde töhmet atan ofiseriň wezipesinden boşadylandygy barada maglumat gowuşýar. Bu barada Azatlygyň diňe bir çeşmesi habar berip, muny häzirlikçe resmi we näresmi ýagdaýda tassyklatmak başartmady. Şu aýyň başynda türkmen internet ulanyjylarynyň arasynda Polisiýanyň Ýol Gözegçiligi Gullugynyň (PÝGG) bir işgäriniň lybasyndaky pogonuny, ýagny eginligini özi ýyrtyp, soňy bilen muny... Читать дальше...

Türkmenistanyň orta mekdeplerinde tomusky dynç alyş möwsüminiň başlamagy bilen, ýurtda dilegçilik edýän, hususan-da, şäherara we etrabara awtoulag ýollarynyň ugrunda sürüjilerden çörek we suw soraýan çagalar köpelýär. Bu barada garaşsyz neşir “Turkmen.news” habar berýär.

Türkmen metbugaty 29-njy iýunda açyljak Arkadag şäheriniň Hytaýyň “JAC MOTORS” awtoulag kompaniýasynyň kuwwatlylygy 60 kW bolan 10 sany JAC E-J7 elektrik ulagy we 5 sany tok beriji beket bilen üpjün edilendigini habar berýär. Bu iş “Paýhas Merkezi” hojajlyk jemgyýetiniň arada durmagynda, Ministrler kabinetiniň ýanyndaky Ulag we kommunikasiýalar agentliginiň “Türkmenawtoulaglary” agentliginiň buýurmasy boýunça amala aşyrylypdyr. “ Şäher taksisi hökmünde ulanmak üçin niýetlenilýän model  häzirki... Читать дальше...

Filippinleriň polisiýasy 27-nji iýunda paýtagt Manilada geçirilen reýdde adam gaçakçylygynyň pidasy diýlip bilinýän adamlaryň 1000-den gowragynyň halas edilendigini aýtdy. Pidalar Hytaý, Wýetnam, Singapur we Malaýziýa ýaly ýurtlaryň raýatlary bolup, olar sosial ulgamlarda oýnalýan “onlaýn oýunlarynyň kömekçilerniň” mahabaty arkaly aldawa salnyp, ýurda getirilipdir. Maý aýynda hem 1000 adam halas edildi. Olar aldawa salnyp, ýesirlikde saklanypdyr we onlaýn kezzapçylygy bilen meşgullanmaga mejbur edilipdir.

Gazagystanyň Aktöbe welaýatynyň Žyltyr obasyndaky jaýlary we kömekçi hojalyklary çäge basýar. Syrgynyň aşagynda hatda elektrik sütünleri-de galýar. Ýerli ýaşaýjylar tebigy heläkçiligiň hötdesinden bir özleri gelip bilmän, häkimiýetlerden kömek soraýarlar, olar bolsa muňa el salgaýarlar. Şol bir wagtyň özünde, Žyltyr tebigy betbagtçylykdan ejir çekýän ýeke-täk oba däl. Aktöbe welaýatynda her ýyl 19 oba çägäniň aşagynda galýar. Žyltyr obasynyň ýaşaýjylarynyň esasy eklenç çeşmesi maldarçylykdyr. Obada ýüz töweregi maşgala ýaşaýar. Читать дальше...

2021-nji ýylda daşary ýurt güýçleri ýurtdan çykyp, “Talyban” häkimiýeti ele geçireli bäri Owganystanda bolan partlamalarda we beýleki zorlukly wakalarda müňlerçe owgan raýaty öldürildi diýip, BMG-niň Owganystandaky missiýasynyň 27-nji iýunda çap eden hasabatynda aýdylýar. 2021-nji ýylyň 15-nji maýyndan şu ýylyň maýyna çenli 1095 parahat adam öldürildi we 2667 parahat adam ýaralandy diýip, BMG-niň Owganystandaky wekilhanasy aýtdy. Ölenleriň köpüsi, takmynan 700-den gowragy metjitler, bilim merkezleri we bazarlar ýaly... Читать дальше...

Russiýanyň prezidenti Wladimir Putin 26-njy iýunda garaşylmadyk ýerden halka ýüzlenip, hepde aýagynda gozgalaňa gatnaşan söweşijilere amnistiýa teklibini gaýtalady, ýöne bu teklip olaryň ýolbaşçysy Ýewgeniý Prigožine degişli däl. Bu Kreml lideriniň öz öňki ýarany bilen arasyny doly üzendigini yşarat edýär. Putin özüniň gysgajyk çykyşynda “Wagner” hakyna tutma toparynyň söweşijileriniň rus goşunyna goşulyp-da, öýlerine ýa-da Belarusa hem gidip biljekdigini aýtdy. Ol bir zamanlar Putiniň aşpezi hökmünde tanalýan... Читать дальше...