Новости за 26.12.2025

Лениногорск районының Мөэмин-Каратай һәм Сарабиккол авылларында фельдшер-акушерлык пунктлары ачылды. Бу хакта «Заман сулышы» хәбәр итә.

Бүген төнлә Татарстан башкаласында кайбер урамнарда карны чистартачаклар. Шуңа бәйле рәвештә, шәһәр халкын муниципаль парковкаларның бер өлеше вакытлыча эшләмәячәге турында кисәттеләр. Бу хакта Казан мэриясе матбугат хезмәте хәбәр итте.

Татарстан Республикасы Дәүләт Советы рәисе Фәрит Мөхәммәтшин еллык матбугат конференциясе вакытында журналистларның сорауларына җавап бирде.

Татарстан Рәисе Рөстәм Миңнехановның шәхсән катнашуы һәм аның ислам дөньясы илләрендәге югары дәрәҗәдәге элемтәләре республикада ислам финанслары үсешенең төп факторы булып тора. Бу хакта «Татар-информ»га ТР Инвестицион үсеш агентлыгы башлыгы Талия Миңнуллина Казанда AAOIFI үзәген ачуга багышланган түгәрәк өстәлдән соң сөйләде.

2025 ел башы Татарстан парламентарийларының муниципаль реформа кысаларында федераль үзәк белән алып барган хезмәтенә дә бәйле. Татарстан ярдәме белән федераль законга сизелерлек үзгәрешләр кертелде. Аерым алганда, тәкъдим ителгән бер дәрәҗәле система урынына төбәкләргә ике дәрәҗәле системаны калдыру хокукы бирелде. Бу хакта ТР Дәүләт Советы рәисе Фәрит Мөхәммәтшин матбугат конференциясендә белдерде.

Ислам финанслары стандартларын эшләүче AAOIFI халыкара оешмасы Бәйсез дәүләтләр берлеге илләре территориясендә беренче вәкиллекле үзәген ачты. Ул рәсми рәвештә Казанда эшли башлады. Бу хакта ТР башкаласында Millennium Panorama Hotels кунакханәсендә узган түгәрәк өстәлдә билгеле булды, дип хәбәр итте «Татар-информ» вакыйга урыныннан.

Татарстан Республикасы Дәүләт Советы рәисе Фәрит Мөхәммәтшин федераль һәм республика массакүләм мәгълүмат чаралары вәкилләре белән очрашуда төгәлләнеп килүче ел нәтиҗәләре турында сөйләде.

Татарстан Республикасы Дәүләт Советы Рәисе Фәрит Мөхәммәтшин парламент хуҗасыз хайваннарга карата кабул иткән закон проектлары турында сөйләде. Ул бу темага ел нәтиҗәләре буенча йомгаклау матбугат конференциясендә сорауларга җавап биргәндә тукталды.

Сентябрьдә Дәүләт Думасына депутатлар сайлау алдыннан яңа «Халык программасы»н формалаштырганда Татарстан халкының мәнфәгатьләрен һәм фикерен исәпкә алырга кирәк. Бу хакта «Бердәм Россия» партиясенең төбәк бүлеге офисында узган матбугат конференциясендә бүлекнең секретаре, ТР Дәүләт Советы Рәисе Фәрит Мөхәммәтшин хәбәр итте.

Татарстан Эчке эшләр министрлыгында Иҗтимагый советның киңәйтелгән утырышы узды. Анда республика эчке эшләр министры, полиция генерал-лейтенанты Дамир Сатретдинов, совет һәм эксперт төркеме әгъзалары катнашты.

2026 елда Казан ислам дөньясының мәдәни башкаласы була. Әлеге статус кысаларында күпсанлы чаралар уздыру планлаштырыла. Бу хакта ВКонтактеда Татарстан Республикасының рәсми паблигында туры эфир вакытында Татарстан мәдәният министры Ирада Әюпова сөйләде.

Татарстан Рәисе Рөстәм Миңнеханов социаль челтәрләрдәге сәхифәләрендә республика территориясендә оештырылган хәрби частьләрдә хезмәт итүче хәрбиләрне Яңа ел алдыннан бүләкләү тантанасынннан видео белән уртаклашты.

М.Н.Садыйков исемендәге 7нче Казан шәһәр хастаханәсендә Татарстан Республикасы Дәүләт академия симфоник оркестрының хәйрия концерты узды. Музыкантлар табибларны якынлашып килүче Яңа ел белән котлады.

«Бердәм Россия» төбәк иҗтимагый кабул итү бүлмәсендә төрле дәрәҗәдәге депутатлар Яңа ел алдыннан Татарстан халкын кабул итүне дәвам итә.

5 гыйнвардан мәшһүр татар шагыйре Габдулла Тукайның 140 еллыгына багышланган «Күңел адреслары. Тукай» яңа театраль экскурсия маршруты башлана. Проект Казанның шагыйрьнең тормышы һәм иҗаты белән бәйле төп урыннарын, заманча театр сәнгатен, музей киңлекләрен һәм милли татар ашлары элементларын берләштерә.

Татарстан Рәисе Рөстәм Миңнеханов ислам банкингы актив үсә торган Бәйсез дәүләтләр берлеге илләре белән партнерлык финанслары законнары өлкәсендә тәҗрибә уртаклашырга тәкъдим итте. Ул бу хакта Казанда AAOIFI вәкиллекле үзәген ачу кысаларында узган түгәрәк өстәлдә әйтте.

Бүген Татарстан вице-премьеры – авыл хуҗалыгы һәм азык-төлек министры Марат Җәббаров Биектауның 3нче номерлы урта мәктәбендә агротехнология сыйныфын ачты. Чарада шулай ук район башлыгы Равил Хисаметдинов та катнашты. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итте.

Татарстанның төрле шәһәрләрендә соңгы атнада сөрем газы белән агулану очраклары теркәлгән. Ун кеше зыян күргән, алар арасында өч бала бар, дип хәбәр иттеләр «Татар-информ»га ТР Торак инспекциясе матбугат хезмәтендә. Барлык очраклар да бер үк сәбәп аркасында килеп чыккан.

Дәүләт Советы Рәисе Фәрит Мөхәммәтшин федераль һәм республика массакүләм мәгълүмат чаралары вәкилләре белән очрашты һәм ел йомгаклары турында сорауларга җавап бирде. Ул шулай ук парламент тормышындагы төп иҗтимагый-сәяси вакыйгалар турында да сөйләде.

Бүген ТР Дәүләт Советында ел йомгаклары буенча матбугат конференциясе булды. Аның барышында республика Дәүләт Советы рәисе Фәрит Мөхәммәтшин журналистларның сорауларына җавап бирде.

Үзбәкстанда күренекле татар дин белгече һәм мәгърифәтчесе Шиһабетдин Мәрҗани турында «Укытучы» нәфис фильмын төшерә башладылар. Бу хакта «Татаркино» матбугат хезмәтендә сөйләделәр.

Казанда Ислам финанс институтлары өчен бухгалтерлык исәбе һәм аудит оешмасының (AAOIFI) беренче вәкиллеген ачу Бәйсез дәүләтләр берлеге киңлегендә ислам финансларын һәм партнерлык банкингын үстерү өчен зур әһәмияткә ия. Бу хакта Татарстан Рәисе Рөстәм Миңнеханов вәкиллекне ачу кысаларында узган түгәрәк өстәлдә белдерде.

Россия Сәламәтлек саклау министрлыгы тормыш өчен мөһим һәм иң кирәкле дарулар исемлеген яңартуы турында хәбәр итте. Исемлектән 20 препарат һәм аерым дару формалары төшереп калдырылган, 8 яңа препарат өстәлгән, дип хәбәр итә РИА Новости.

Төмәннең «Яңарыш» газетасында Гөлнур Вәлиеваның «Өлкә сәнгать осталары бер сәхнәдә» дигән язмасы чыкты.

Бүген Татарстан Рәисе Рөстәм Миңнеханов Россия сәнәгать һәм сәүдә министры урынбасары Геннадий Абраменков белән очрашты. Бу хакта республика җитәкчесе матбугат хезмәте хәбәр итә.