Новости за 10.12.2025

Кукмарада «Ел тәрбиячесе» республика бәйгесенең муниципаль этабы башланды. Беренче турда 13 педагог катнашты, дип яза «Хезмәт даны» газетасы.

Татарстан Республикасы Премьер-министры урынбасары Ләйлә Фазлыева кышкы «Күрше» фестивален Яңа ел алдыннан «тылсым институты» дип атады. Ул бу хакта бүген Казанда узган проект җиңүчеләрен бүләкләү тантанасында белдерде.

«Татмедиа» бинасында Татарстан массакүләм мәгълүмат чаралары (ММЧ) җитәкчеләренең Шанхай Берләшкән медиа төркеме делегациясе белән очрашу узды. Очрашуда хезмәттәшлекнең киләчәге, журналистика үсеше турында фикер алыштылар һәм зур проектлар хакында сөйләштеләр.

22 декабрьдә элеккеге Камал театры бинасының Кече залында (Татарстан ур., 1) Г.Тукай исемендәге Дәүләт премиясе лауреаты, шагыйрь Роберт Әхмәтҗанның тууына 90 ел тулуга багышланган искә алу кичәсе узачак. Бу хакта ТР Язучылар берлеге матбугат хезмәте хәбәр итә.

Татарстан Республикасының Даими вәкиле Шамил Шәяхмәтов, «Санкт-Петербург һәм Ленинград өлкәсе татар җәмгыяте» төбәкара мәдәни-агарту иҗтимагый оешмасы рәисе Рәшит Мәгъдиев һәм «Трейд» ҖЧҖ генераль директоры Рөстәм Мәгъдиев составындагы делегация Шәһәр Мариинский хастаханәсендә булды.

«Күрше» фестиваленең кышкы сезоны җиңүчеләрен бүләкләү тантанасы бүген Казандагы «Смена» мәдәни үзәгендә узды. Республиканың төрле почмакларыннан килгән иң якты проектлар авторлары грантларга тиешле сертификатлар алды.

Күренекле опера җырчысы, Башкортстанда туып-үскән Илдар Абдразаковка музыка сәнгатен үстерүгә зур казанышлары һәм күпьеллык нәтиҗәле эшчәнлеге өчен Россиянең Халык артисты дигән мактаулы исем бирелде. Бу хактагы Указга РФ Президенты Владимир Путин кул куйды, дип яза «Башинформ».

Россия Фәннәр Академиясе академигы, күренекле совет һәм Россия кардиохирургы Ренат Акчуринга Е.И. Чазов исемендәге Кардиология медицина тикшеренү үзәгендә мемориаль такта ачтылар. Бу хакта Татарстанның Россиядәге тулы вәкаләтле вәкиллеге матбугат хезмәте хәбәр итә.

Казанда «Әдәби марафон» дөньякүләм проекты җиңүчеләрен бүләкләү тантанасы булды. Марафон әйдәманы, Омск якларындагы танылган җәмәгать эшлеклесе һәм Татарстанның атказанган мәдәният хезмәткәре Фәгыйлә Чумарова үзенең ничек проектта катнаша башлавы һәм фикерләре белән бүлеште.

Санкт-Петербургта янгын сүндерүчеләр Уң як яр базарында чыккан янгынны сүндерә.

Казанда узган «Әдәби марафон» дөньякүләм проекты җиңүчеләрен бүләкләү тантасында Татарстан Республикасы Язучылар берлеге рәисе, ТР Дәүләт Советы депутаты Ркаил Зәйдулла да чыгыш ясады һәм катнашучыларны тәбрик итте.

Түбән Кама шәһәренең 23нче балалар бакчасы тәрбияләнүчеләре изге эшкә – махсус хәрби операциядә катнашучылар өчен коры душ ясауга кушылды. Бүген балалар янына мастер-класс үткәрү өчен «Игелекле йөрәкләр» төркеме волонтерлары килгән.

Россия Федерациясе Конституциясе көне алдыннан «Бердәм Россиянең Яшь гвардиясе» Татарстан төбәк бүлекчәсе партия ярдәме белән Казанда зур чара оештыра.

Казанда узган «Әдәби марафон» дөньякүләм проекты җиңүчеләрен бүләкләү тантасында мәртәбәле кунаклар да катнашты. Танылган шагыйрә, Татарстан Язучылар берлеге әгъзасы Люция Әблиева әйтүенчә, проект әдипләр һәм китап сөючеләр элемтәсе өчен мөһим роль уйный.

Күп миллионлы мошенниклык турындагы җинаять эше буенча халыкара эзләүгә игълан ителгән Эдвард Сабиров Россиягә депортацияләнә. Бу хакта Россия Федерациясенең Генераль прокуратурасы хәбәр итә.

Татарстан Республикасы Авыл хуҗалыгы һәм азык-төлек министры Марат Җәббаров РИА Новостига биргән әңгәмәсендә республиканың үз тармагында илкүләм проектларны ничек тормышка ашыруы турында хәбәр итте.

Бүген Түбән Кама шәһәрендә Шинников урамындагы йортларның берсенең ишегалдында автомобиль (чит ил машинасы) яна башлаган.

«Ватан хакына» иҗади бәйгесенең «Минем герой» номинациясендә кызыксындыру бүләгенә ия булган Яңа Чишмә районы Шахмай авылы мәктәбенең 11 нче сыйныф укучысы Фирүзә Ибраһимова үзенең бабасы турында язган. Ул үзенең бабасын шундый дәрәҗәдә күрсәтә алуына бик шат. Бу турыда ул «Татар-информ»да булган матбугат конференциясендә сөйләде.

Бәйрәм чорында йөкле хатын-кызларны һәм балигъ булмаганнарны эшкә чакыру тыела. Бу хакта юрист Екатерина Нечаева сөйләде, дип хәбәр итә NEWS.ru басмасы.

Бүген «Әдәби марафон» дөньякүләм проекты җиңүчеләрен бүләкләү тантанасына төрле төбәкләрдән катнашучылар килде. Башкортстаннан танылган язучы, Туймазыдагы Мөҗәһит Хәйретдинов исемен йөрткән «Илһам» төбакара әдәби берләшмәсе һәм аның музее җитәкчесе Нурия Валиәхмәтова – марафонда иң зур команда җыйган әйдәман. Ул проектның платина дәрәҗәсендәге әйдәман статусына ирешкән.

«Ватан хакына» кебек бәйгеләр халкыбызны илебез язмышы белән бер гаилә итеп берләштерә. Бу хакта «Татар-информ»да бүләкләү тантанасында Татарстан Дәүләт Советы Рәисе урынбасары, Татарстан Рәисе каршындагы Татар телен һәм Татарстанда яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов әйтте.

Раис РТ Рустам Минниханов во время визита в парк Jebel Ali Free Zone (JAFZA) в ОАЭ опробовал систему, позволяющую управлять многотонными контейнерами с помощью манипулятора. Об этом сообщила руководитель пресс-службы Раиса РТ Лилия Галимова в своем Telegram-канале.

ТР Рәисе Рөстәм Миңнеханов Берләшкән Гарәп Әмирлекләрендәге Jebel Ali Free Zone (JAFZA) паркына сәфәре барышында манипулятор ярдәмендә күп тонналы контейнерлар белән идарә итәргә мөмкинлек бирә торган системаны сынап карады. Бу хакта ТР Рәисе матбугат хезмәте җитәкчесе Лилия Галимова телеграм-каналында хәбәр итте.

Фото предоставлено Эльмирой Гайнутдиновой

Шеф-редактора ТРК «Челны ТВ» Эльмиру Гайнутдинову наградили медалью «За содействие СВО». Церемония прошла сегодня в Совете ветеранов специальной военной операции Набережных Челнов.

«Очень рад сегодня поощрить нашего боевого товарища, корреспондента Гайнутдинову Эльмиру. От имени полка 1232 я вот Вам вручаю благодарственное письмо!» – отметил председатель совета Шамиль Аюпов.

Фото предоставлено Эльмирой Гайнутдиновой

«Чаллы ТВ» телерадиокомпаниясе шеф-редакторы Эльмира Гайнетдинованы «Махсус операциягә ярдәм иткән өчен» медале белән бүләкләделәр. Тантана бүген Чаллы Махсус хәрби операция ветераннары советында узды.