Новости за 22.12.2025

Алабуга муниципаль районы башлыгы грантына ярышлар район мәктәпләре һәм урта махсус уку йортлары укучылары арасында 7 спорт төре (йөзү, җиңел атлетика, волейбол, баскетбол, чаңгы, мини-футбол, стритбол) буенча үткәрелә, дип яза «Алабуга нуры» газетасы.

24 декабрьдә «Әкият» курчак театры каршындагы паркта Яңа ел чыршысын ачу бәйрәме үткәрелә. Шәһәр халкы һәм башкала кунаклары өчен концерт, театральләштерелгән тамаша, остаханәләр, башка актив чаралар әзерләнә, дип хәбәр итә Парклар һәм скверлар дирекциясе матбугат хезмәте.

Россия Президенты Владимир Путин хәрби хезмәт узу тәртибе турындагы нигезләмәне төгәлләштерүче указга кул куйды. Документ хокукый мәгълүматның рәсми порталында басылып чыкты.

Курск өлкәсендә Татарстан делегациясе Россия Герое, Чаллыда туып-үскән Сергей Чебнёв истәлегенә хөрмәт күрсәтеп, аның һәйкәленә чәчәкләр салды. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Удмуртиянең «Яңарыш» газетасында Фәнзилә Салихованың «Татар кызы» бәйгесенә кызлар сайланды» дигән язмасы чыкты.

Татарстанда еллык инфляция сизелерлек кимеде һәм ноябрьдә 7,49 процент тәшкил итте, әмма бу күрсәткеч Россия буенча уртача күрсәткечтән (6,64 процент) һәм Идел буе федераль округындагыдан (7,42 процент) югарырак. Бу хакта Татарстан Республикасы Милли банкы хәбәр итә.

Рөстәм Галиуллин 1 сентябрьдә Татарстан китап нәшриятының яңа генераль директоры итеп билгеләнеп, коллективка тәкъдим ителгән иде. Яңа вазифага керешеп, 100 көннән узганнан соң ул нәшрият эшчәнлеге, авторлар турындагы фикерләре белән уртаклашты.

Дәүләт Думасында балалар һәм үсмерләргә социаль челтәрләрдән файдалануны тыю мәсьәләсе буенча эш алып барылмый. Бу хакта Дәүләт Думасының мәгълүмати сәясәт комитеты рәисенең беренче урынбасары Антон Горелкин МАХ мессенджерындагы каналында хәбәр итте.

Ульяновскиның Татар мәдәният үзәгендә өлкә татар милли-мәдәни автономиясе башкарма комитеты утырышы узды. Ел нәтиҗәләренә багышланган киңәшмәдә төбәктәге районнардан килгән йөздән артык вәкил, мәгариф һәм мәдәният хезмәткәрләре, дин әһелләре, шәрәфле кунаклар катнашты, дип хәбәр итә «Өмет» газетасының телеграм-каналы.

Татарстанда 9 нчы сыйныфны тәмамлаучыларның 57 проценты колледжлар һәм техникумнарда укуны сайлый. Бу хакта туры эфир вакытында Татарстан Республикасы мәгариф һәм фән министрының беренче урынбасары Рәмис Мөҗипов хәбәр итте.

«Апуш» татар балалар театр студиясе бу елны Казанда дүрт яңа спектакль чыгарган. Шәһәрнең төрле районнарында студиянең барлыгы алты төркеме эшли. Бу хакта аппарат киңәшмәсендә Казан башлыгы урынбасары Гүзәл Сәгыйтова хәбәр итте, дип яза Казан мэриясе матбугат хезмәте.

2026 елның гыйнварыннан Татарстанда укытучылар өчен ике яңа ярдәм чарасы эшли башлый. Бу хакта туры эфир вакытында Татарстан мәгариф һәм фән министры урынбасары Рәмис Мөҗипов хәбәр итте.

21 декабрьдә Казанның тарихи Апанай мәдрәсәсе бинасында татар халкының рухи мирасын саклауга һәм үстерүгә багышланган зур фәнни-гамәли конференция үтте. «Татарстан Республикасы «Иман» мәдәният-мәгърифәт үзәге эшчәнлеге: татар халкының мәдәниятен һәм рухи мирасын өйрәнү, популярлаштыру ысуллары» дип исемләнгән бу чара берьюлы берничә мөһим датага – мәдрәсәнең 255 еллыгына һәм «Иман» нәшриятының 35 еллыгына багышланды. Бу хакта ТР Диния нәзарәте матбугат хезмәте хәбәр итә.

Татарстанның Мөслим, Буа һәм Әгерҗе районнарында барысы 1,2 мең укучыга исәпләнгән өч мәктәп төзелеше дәвам итә. Моннан тыш, 600 урынлы ике балалар бакчасы да төзелә. Бу хакта туры эфир вакытында Татарстан мәгариф һәм фән министрының беренче урынбасары Рәмис Мөҗипов хәбәр итте.

Казанда киләсе елда Укытучы скверын һәм Мәгариф хезмәткәре йортын ачу планлаштырыла. Бу хакта туры эфир вакытында Татарстан мәгариф һәм фән министрының беренче урынбасары Рәмис Мөҗипов хәбәр итте.

Татарстан башкаласында татар теле курсларында биш ел эчендә 1 меңнән артык кеше белемен арттырган. Бу хакта эшлекле дүшәмбедә Казан муниципаль берәмлеге башлыгы урынбасары Гүзәл Сәгыйтова хәбәр итте, дип яза Казан мэриясе матбугат хезмәте.

В преддверии новогодних праздников администрация Нурлатского муниципального района информирует жителей о готовности коммунальных служб к бесперебойному обеспечению жизнедеятельности в период длительных выходных.

Татарстан 2025 елның 11 ае нәтиҗәләре буенча кадрларга ихтыяҗ һәм тәкъдим ителә торган хезмәт хаклары дәрәҗәсе буенча Идел буе федераль округында беренче урынны алды. Бу хакта hh.ru сайтының Идел буе төбәге директоры Альбина Солтанова хәбәр итте.

Ярышта Казаннан кунак буларак «Тәмле булсын!» рестораны хуҗабикәсе Резедә Хөсәинова белән пешекче Айрат Хөснетдинов катнашты.

Бу елгы «Гәүһәр» проектында 1,2 мең бала катнашкан. Программа 46 мәктәп укучысын һәм 20 балалар бакчасында тәрбияләнүчеләрне берләштергән, алар өчен дүрт ай дәвамында татар телендә төрле юнәлештәге дәресләр үткәрелгән. Бу хакта эшлекле дүшәмбедә Казан башлыгы урынбасары Гүзәл Сәгыйтова хәбәр итте, дип яза Казан мэриясе матбугат хезмәте.

Соңгы өч ел эчендә Казанда 610 күп фатирлы йорт капиталь яңартылды. Бу хакта шәһәр башкарма комитеты җитәкчесе урынбасары Искәндәр Гыйниятуллин аппарат киңәшмәсендә хәбәр итте.

Копилка наград физкультурно-спортивного клуба имени Виктора Мякишева пополнилась еще на 12 наград.

2025 елның 11 ае нәтиҗәләре буенча, Татарстанда иң югары хезмәт хакы тәкъдим ителүче белгечләр – курьерлар. Аларга тәкъдим ителгән медиан хезмәт хакы 144 мең сум тәшкил итә. hh.ru Поволжье директоры Альбина Султанова хәбәр иткәнчә, ел эчендә бу күрсәткеч 22 процентка арткан.

Татарстан Дәүләт Советы Рәисе һәм ТР Волейбол федерациясе президенты Фәрит Мөхәммәтшин «Динамо-Ак Барс» хатын-кызлар волейбол клубы җитәкчелегенә, тренерлар штабына һәм уенчыларына Россия Суперкубогында җиңүләре уңаеннан котлау телеграммасы юллады. Бу хакта ТР Дәүләт Советының матбугат хезмәте хәбәр итә.

Мәскәүдән Казанга кадәр баручы М12 «Восток» трассасы ачылганнан бирле узган ике ел эчендә автомобильчеләр бу юлдан 52 миллионнан артык файдаланган. Шулай ук әлеге магистраль аша 150 миллион тоннадан артык йөк ташылган. Бу хакта үзенең Telegram-каналында РФ Вице-премьеры Марат Хөснуллин сөйләде.