Новости за 13.01.2026

Актаныш районы Балалар иҗат үзәгендә Дизайн студиясен җитәкләүче Разида Зарипова бу көннәрдә укучылары белән үзенчәлекле тегү эше белән мәшгуль. Оста куллы укучылары белән ул махсус хәрби операциядә яраланган солдатлар өчен мендәрләр тегә. Бу хакта «Актаныш-информ» газетасы хәбәр итә.

Әгәр авиакомпания пассажир багажын югалтса, мәсьәләне чишүнең өч варианты бар: бер килограммы өчен 600 сумга кадәр түләү, иминиятләштерү һәм, ниһаять, реаль чыгымнарны компенсацияләү. Бу хакта туризм өлкәсендә эшләүче юрист Эдуард Шалоносов «Радио 1»гә сөйләде.

2026 елның 16 гыйнварында Г.Тукай исемендәге Татар дәүләт филармониясе коллективы һәм сәхнә ветераннары легендар җырчылар Илһам Шакировны һәм Әлфия Авзалованы искә алып, каберләрен зиарат кылуны оештыра. Бу хакта Татар дәүләт филармониясе матбугат хезмәте хәбәр итә.

ТР шәһәрләрен үстерү институты карамагындагы «Татарстанда Кыш» проекты һәм «Күрше» фестиваленең кышкы сезоны республикада мәдәни-ял итү программасының үзәк элементларына әверелде. Zima.tatar платформасына төбәктә ачык һавада оештырыла торган 950дән артык чара урнаштырылган. Проект башланганнан бирле сайтка 258 меңнән артык кулланучы кергән, дип хәбәр итә ТР шәһәрләрен үстерү институтының матбугат хезмәте.

Бүген, Россия матбугаты көнендә, Дәүләт Советы Рәисе Фәрит Мөхәммәтшин республика массакүләм мәгълүмат чаралары җитәкчеләре, федераль басмалар вәкилләре, журналистлар һәм массакүләм мәгълүмат чаралары хезмәткәрләре белән очрашты. Тантаналы чара барышында алдынгылар лаеклы дәүләт бүләкләре алды. Алар арасында «Татар-информ» мәгълүмат агентлыгы баш мөхәррире, журналистлар остазы Ринат Билалов та бар иде.

Озак авырудан соң, танылган тәрҗемәче һәм шагыйрь Фаяз Фәиз вафат булган. Бу хакта ТР Язучылар берлеге матбугат хезмәте хәбәр итә.

Татарстанда 2025 елның беренче 11 аенда 375 млрд сумлык авыл хуҗалыгы продукциясе җитештерелгән, бу 2024 елның гыйнвар-ноябрь айлары белән чагыштырганда 7,2 процентка күбрәк. Шул хактагы мәгълүматларны Татарстанстат республиканың социаль-икътисади хәле турында бастырылган докладта хәбәр итә.

Быел Татарстанда федераль автомобиль юлларында төзелеш һәм ремонт эшләре дәвам итәчәк. Бу хакта бүген журналистлар белән очрашуда «Волга-Вятскуправтодор» башлыгы Илдар Минһаҗев сөйләде.

Татарстан Мәскәүдәге милли ат традицияләре үзәгенә татар токымлы айгыр тапшырды. Элегрәк Теләче районының С.Ш. Гыйниятуллин исемендәге нәсел репродукторы айгыры Байкал Сабантуйларда шәһәр һәм район ат чабышларында чыгыш ясаган, дип хәбәр итә Татарстан Республикасы Авыл хуҗалыгы һәм азык-төлек министрлыгы матбугат хезмәте.

Ульяновск өлкәсенең Димитровград шәһәре мәгариф идарәсе җирле татар милли мәдәни автономиясе белән берлектә «Туган илем - йөрәгемдә» исемендәге иҗади бәйге игълан итә. Бу хакта Ульяновскиның «Өмет» газетасы телеграм-каналы хәбәр итә.

РФ Спорт министрлыгы синхрон йөзү буенча Россия җыелма командасының баш тренеры вазифасына җиде тапкыр олимпия чемпионы һәм 21 тапкыр дөнья чемпионы Светлана Ромашинаны билгеләде. Команданың күпьеллык остазы Татьяна Покровская җыелма команда белән Россиянең су спорт төрләре федерациясе рәисе киңәшчесе ролендә эшен дәвам итәчәк.

Татарстанда төзелеш эшләре күләме 2025 елның гыйнвар-ноябрь айларында 900 млрд сумга якын тәкән. Тармак аз гына үсеш күрсәткән (аннан алдагы елның шул ук чоры белән чагыштырганда + 0,1 процент). Тиешле мәгълүматларны Татарстанстат хәбәр итә.

Казан муниципаль берәмлеге Башкарма комитетының Административ-техник инспекция идарәсе үзенең рәсми сайтында артык түләнгән штрафларны кире кайтару өчен онлайн рәвештә гариза тапшыру мөмкинлеге бирә торган цифрлы хезмәтне эшләтеп җибәрде. Яңа хезмәт шәһәр халкына, инспекциягә шәхсән килеп йөрмичә, акчаларны тиз һәм уңайлы кайтару мөмкинлеге бирә. Бу хакта Казан мэриясенең матбугат хезмәте хәбәр итә.

Татарстан Рәисе Рөстәм Миңнеханов бүген Казанның «Рубин» футбол клубының элеккеге баш тренеры Рәшит Рәхимовны кабул итте һәм аңа уңышлар теләде. Бу хакта үзенең Telegram-каналында ТР Рәисе матбугат хезмәте җитәкчесе Лилия Галимова хәбәр итте.

Быел беренче тапкыр 15 декабрьдә Бөтендөнья төрки телләр көне билгеләп үтелде. Төркиядән Гамзә Нур Налбант төрки телләр көне барлыкка килүгә карата үз фикерләрен белдерде.

Татарстан Республикасында ОРВИ һәм грипп белән сезонлы авыру дәрәҗәсе саклана. Россия Кулланучы хокукларын яклау буенча күзәтчелек хезмәтенең Татарстан буенча идарәсе (Роспотребнадзор) мәгълүматлары буенча, 2026 елның икенче атнасында ОРВИ һәм гриппның 12 698 очрагы теркәлгән, бу эпидемия бусагасыннан 23,7 процентка түбәнрәк.

Татарстанда сәнәгать җитештерүе индексы 2025 елның гыйнвар-ноябрь айларында 111,6 процент тәшкил итте. Тиешле мәгълүматларны Татарстанстат бастырып чыгарды.

Әлмәттә фатирда бикләнеп калган һәм туганнары белән элемтәгә чыкмаган өлкән яшьтәге хатын-кызны коткарганнар.

Казанның «Чулпан» мәдәният үзәгендә Татарстанның халык артисты, милли җыр сәнгатендә тирән эз калдырган Резидә Шәрәфиеваны искә алу концерты узды. 10 гыйнварда җырчыга 60 яшь тулган булыр иде.

Татарстан Рәисе Рөстәм Миңнеханов, «Россия – Ислам дөньясы» стратегик караш төркеме рәисе буларак, Иран Президенты Масуд Пезешкианга массакүләм протестларда һәлак булганнарның туганнары һәм якыннары адресына кайгы уртаклашу сүзләре белән хат юллады. Бу хакта ТР Рәисе матбугат хезмәте җитәкчесе Лилия Галимова хәбәр итте.

Татарстан башкаласындагы кар эретү станцияләре гыйнвар башында проект куәтен дүрт тапкыр арттырып эшләде. Бу хакта шәһәр башлыгы Илсур Метшин Җиңү проспектындагы кар эретү пунктында узган күчмә киңәшмә вакытында әйтте, дип хәбәр итә Казан мэриясенең матбугат хезмәте.

Кукмара металл савыт-саба заводына «Хезмәт батырлыгы предприятиесе. 1941-1945 еллар» исеме бирелде. Тиешле указга Татарстан Рәисе Рөстәм Миңнеханов кул куйды.

Татарстан башкаласының Казан гаилә үзәге янында урнаштырылган үзәк шәһәр чыршысын пәнҗешәмбе, 15 гыйнварда, сүтә башлаячаклар. Бу хакта Казанның Тышкы төзекләндерү комитеты хәбәр итә.

Алексеевск-Әлмәт трассасын автомобиль хәрәкәте өчен ачтылар.

Юл бүген 13:00 сәгатьтә ачылды. Һава торышы шартлары җайлашу сәбәпле, трасса хәрәкәт итү өчен ачылды, дип хәбәр иттеләр автомагистраль сайтында.

«Татар-информ» хәбәр иткәнчә, юлны 12 гыйнварда 15:00 сәгатьтән һава торышы начар булу сәбәпле барлык транспорт төрләре өчен яптылар.

Хокук яклаучылар аларны сак астыннан азат итүне таләп итте.