Новости за 28.01.2026

27 гыйнвар – Ленинградны фашистлар блокадасыннан азат итү көне. Бу истәлекле көн уңаеннан «Кояшкай» балалар бакчасының өлкәннәр төркемендә «Блокада икмәге» һәм «Блокада карлыгачы» дип исемләнгән патриотик акцияләр үткәрелгән. Бу хакта «Зәй-информ» хәбәр итте.

Кыш җиткәч бакчачылар үсемлекләргә салкыннарны кичерергә ярдәм итәргә тырыша. Әмма моны белеп эшләмәсәң, үсемлекләргә зыян китерергә була. Бу хакта «Радио 1» белән әңгәмәдә «Мәскәү бакчачылар берлеге» иҗтимагый оешмасы рәисе Андрей Туманов кисәтте.

Черек күл» паркындагы шугалак һәм прокат пункты 28-30 гыйнварда килүчеләр өчен ябык булачак. Чиклөүләр һава торышы шартлары начар булу сәбәпле кертелгән. Бу хакта Казан шәһәре мэриясе матбугат хезмәте хәбәр итте.

Татарстан белән Һиндстанның төрле өлкәләрдә хезмәттәшлек итү өчен чиксез потенциалы бар. Бу хакта «Татар-информ»га Һиндстанның Казандагы генераль консулы Джейсундхар Д. белдерде.

Бүген Казанның «Ак Барс» хоккейчылары Уфаның «Салават Юлаев» командасына 3:4 исәбе белән җиңелде. Уен Казанда узды.

Казанда Һиндстан генераль консуллыгы барлыкка килү Татарстан белән Һиндстан арасындагы элемтәләр өчен ныклы нигез булачак һәм Россия белән Һиндстан арасындагы партнерлыкны ныгытачак. Бу хакта Татарстан Рәисе Рөстәм Миңнеханов Һиндстан көне уңаеннан котлау хатында язган. Казанда бәйрәмгә багышланган тантаналы чарада хатны ТР Дәүләт Советы Рәисе урынбасары Юрий Камалтынов укыды.

ТР вице-премьеры – Татарстан Республикасының Россия Федерациясендәге тулы вәкаләтле вәкиле Равил Әхмәтшин Иракның Россиядәге яңа илчесе Абдул-Кәрим Хашим Мостафа белән очрашты. Ул дипломатны Татарстанга килергә чакырды, дип хәбәр итә Тулы вәкаләтле вәкиллек матбугат хезмәте.

«Татмедиа» АҖ генераль директоры Шамил Садыйков «Татарстан» журналының 105 еллыгына багышланган тантаналы чарада басманың әһәмиятле ролен һәм югары статусын ассызыклады.

Татарстан башкаласында төнлә урамнарны кардан чистартырга 406 берәмлек махсус техника һәм 62 юл эшчесе чыгачак. Бу хакта Казан мэриясе матбугат хезмәте хәбәр итә.

«Татарстан» журналы 105 еллыгы уңаеннан республика авыллары турында китап-җыентык чыгарды. «Авыл» дип аталган басма – журнал редакциясенең «авыл сәяхәтләре»н берләштергән ике телле җыентык.

31 гыйнварда Татарстан башкаласында Казан Кремле Гавәми урыннарында «Әбием сандыгы» спектакле күрсәтеләчәк. Тамаша «Күрше» фестиваленең кышкы сезоны кысаларында узачак. Бу хакта Казан шәһәре мэриясе матбугат хезмәте хәбәр итте.

1 февральдә дөньяда Бөтендөнья хиҗаб көне билгеләп үтелә. Чистай Ислам үзәгендә бу көнне тематик бәйрәм белән билгеләп узачаклар. Чараны Чистай мохтәсибәте һәм Чистай мөслимәләре берлеге оештыра. Бу хакта Татарстан Республикасы мөселманнары диния нәзарәте хәбәр итте.

Бүген Россия Тикшерү комитетының 384нче хәрби тикшерү бүлеге хезмәткәрләре Казанның төзелеш мәйданчыкларында рейд уздырган. Тикшерү нәтиҗәсендә күптән түгел Россия гражданлыгы алган, әмма армиядән качып йөргән һәм хәрби комиссариатта исәпкә куелмаган өч ир-ат ачыкланган.

Казанның Киров районында каршеринг автомобиле электричка белән бәрелешкән

Ульяновск Татар мәдәни үзәгендә Татар теле һәм мәдәнияте көне гөрләп узган. Милли бәйрәмне Ленин районы администрациясе һәм җирле татар автономиясе оештырган. Бу хакта Ульяновск өлкәсенең «Өмет» газетасы хәбәр итте.

2025 елда Татарстан территориясендә янгын вакытында һәлак булган кешеләрнең яртысыннан артыгы исерек хәлдә булган. Бу хакта Татарстан Гадәттән тыш хәлләр министрлыгы коллегиясендә Россия Гадәттән тыш хәлләр министрлыгының ТР буенча баш идарәсе башлыгы Ирек Кадамов сөйләде.

Элек ул инде шартлы хөкемгә тартылган булган.

Көчле кар яву һәм юлларда күрү мөмкинлеге начар булу сәбәпле, Татарстанда берничә трассада автобуслар һәм йөк машиналары өчен хәрәкәтне вакытлыча чикләделәр.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

Биектау районыннан махсус хәрби операция ветераны Рамазан Габделхаковка Казанның «Салават Күпере» торак комплексындагы яңа фатир ачкычын тапшырдылар.

Татарстан Дәүләт Советы Рәисе Фәрит Мөхәммәтшин II дәрәҗә «Ватан алдындагы казанышлары өчен» орденына лаек булды.

Бүген Габдулла Тукай исемендәге әдәби музейда «Татар кызы – 2026» республикакүләм бәйгесенең ярымфиналы башланды. Бәйгедә республиканың алты зонасыннан 20 кыз катнаша.

Бүген «Созвездие-Йолдызлык» театрында «Татарстан» журналының 105 еллыгы уңаеннан тантаналы чара булды. Коллективны юбилей уңаеннан «Татмедиа» республика матбугат һәм массакүләм коммуникацияләр агентлыгы җитәкчесенең беренче урынбасары Илдар Миргалимов котлады. Ул агентлык җитәкчесе Айдар Сәлимгәрәевның сәламләвен һәм тәбрикләүрен ирештерде.

Татарстан Дәүләт җыр һәм бию ансамбле озак еллар дәвамында сәнгать җитәкчесе булган Татарстан һәм Россиянең халык артисты Лима Кустабаеваның 80 яшьлек юбилее уңаеннан зур концерт куйды. Концерт Тинчурин театры залында узды. Театр фойесында Лима Кустабаеваның иҗади эшчәнлегенә багыышланган күргәзмә ясалган иде.

Бүген ТР Дәүләт Советы Рәисе Фәрит Мөхәммәтшин Казанда ТР Кеше хокуклары буенча вәкаләтле вәкиле каршындагы эксперт советының киңәйтелгән утырышында чыгыш ясады. Ул торак мәсьәләләрен вакытында хәл итүнең, махсус хәрби операциядә катнашучыларга һәм күп балалы гаиләләргә ярдәм итүнең мөһимлегенә басым ясады.