Новости за 14.01.2026

Күәм урта мәктәбендә ата-аналар өчен «Ачык ишекләр» көне узды. Бу хакта «Әтнә таңы» газетасы яза.

Россия хастаханәләрендә онкологияне дәвалау өчен «Ракурс, 223Ra» дигән яңа дару барлыкка килде, дип Федераль медицина-биология агентлыгына сылтама белән, «Российская газета» яза.

15 гыйнвар көнне Татарстан Язучылар берлегендә язучы һәм тәрҗемәче Фатиһ Кутлуның «Кардәшлек кадере» китабын тәкъдим итү кичәсе көтелә. Бу хакта ТР Язучылар берлегенең Телеграм-каналында хәбәр ителә.

Бүген, 14 гыйнвар көнне, Бөтендөнья татар конгрессы Башкарма комитеты җитәкчесе Данис Шакиров Стәрлетамак шәһәренең татар җәмәгатьчелеге вәкилләре белән очрашты. Бу хакта Бөтендөнья татар конгрессы матбугат хезмәте хәбәр итә.

Түбән Камада 9 нчы мәктәп базасында маскировка челтәрләрен үрү өчен яңа пункт ачылды. Хәзер теләгән һәркем килә һәм уртак эшкә үз өлешен кертә ала. Шәһәр волонтерлары мәгълүматларына караганда, шәһәрдә балалар бакчаларында, мәктәпләрдә һәм көллиятләрдә урнашкан 10 шундый пункт эшли. 9 нчы мәктәп укучылары беренче челтәрләрне ясый башладылар инде.

2026 елның 12 гыйнварына Россиядә еллык инфляция 6,27 процент тәшкил иткән. Бу хакта Россия Икътисади үсеш министрлыгы әзерләгән агымдагы бәя ситуациясе турында күзәтүдә әйтелә.

АКШ Русия, Бразилия, Иран һәм тагын 70тән артык ил ватандашына иммигрант визсын бирүне туктатып тора. Бу хакта АКШ Дәүләт департаментының эчке хезмәт хатына таянып Fox News хәбәр итте. Башта аның шул хәбәрендә сүз бар визалар (шул исәптән туристик) турында бара дип язылса, соңрак ул фәкать иммигрант, ягъни күчеп килү визаларына карый дип төзәтелде. Ак йорт сүзчесе Кэролайн Ливитт әлеге мәгълүматны X социаль челтәрендә раслады. Документтан аңлашылганча, әлеге вакытта илгә виза алу өчен намзәтләрне... Читать дальше...

Россиядә автомәктәпләрдә укучы гражданнарга юнәлдерелгән мошенниклык схемаларының үсүе теркәлгән. Җинаятьчеләр үзләрен уку йортлары хезмәткәрләре итеп күрсәтәләр һәм керү кодларын алдыйлар, шуннан соң акча урлауның стандарт сценарийларын кулланалар.

Татарстан Республикасы «Саннар дәресе» һәм «Цифрлы ликбез» мәгариф проектларында актив катнашу буенча ил лидерлары бишлегендә позицияләрен ныгытты. Бу хакта ТР цифрлар министрлыгы хәбәр итә.

Казанда Горький шоссесында Renault кроссоверы йөк автомобиле белән бәрелешкән. Нәтиҗәдә йөк машинасы юлны өлешчә япкан.

ТАТМЕДИА медиахолдингы Россия медиаресурслары арасында яңалыклар саны буенча егерменче урынны алды. Мәгълүматлар ММЧ һәм соцмедиа СКАН-Интерфакс мониторингы системасы тарафыннан әзерләнгән.

Кара диңгез яр буенда «Сәләт – Ак Барс» яшьләр үзәгендә «Офык. Кышлау» Яңа ел профильле сменасы тәмамланды. 27 декабрьдән 7 гыйнварга кадәр сменада Татарстан, Кырым, Краснодар, Мәскәү һәм Уфадан 240 бала катнашты.

Дәүләт Советы Рәисе Фәрит Мөхәммәтшин метро машинисты ролендә булырга хыялланган уналты яшьлек Илдар Хәлиевнең Яңа ел теләген үтәде. Бу хакта ТР Дәүләт Советы матбугат хезмәте хәбәр итә.

Россиядә авиация һәлакәтләре саны 2025 елда алдагы ел белән чагыштырганда өчтән бергә кимегән. Росавиация мәгълүматлары буенча, бер ел эчендә 26 гадәттән тыш хәл теркәлгән – 2024 елга караганда 12гә кимрәк, дип яза РИА Новости.

Татарстан Республикасы Актаныш районының Зөбәер авылы халкы махсус хәрби операциядә катнашучы хәрбиләр өчен 10х6 метрлы маскировка челтәрен әзерләүне төгәлләде. Әзер эшләнмә «Без бергә» фондының Актаныш бүлекчәсе волонтерларына тапшырылды.

В Набережных Челнах возбуждено уголовное дело в отношении 20‑летнего местного жителя, которого обвиняют в убийстве 36‑летнего соседа. Об этом сообщает старший помощник руководителя СУ СКР по РТ Андрей Шептицкий.

Яр Чаллыда 20 яшьлек ир-егеткә карата җинаять эше кузгатылган, ул 36 яшьлек күршесен үтерүдә гаепләнгән. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

18 гыйнварда Казанның «Ак Барс» Көрәш сараенда «Манзара» спорт-музыкаль премиясе узачак. Тантана кысаларында тамашачыларны мавыктыргыч көрәш бәйгесе һәм зур шоу-программа көтә. Ярышлар «стенка на стенку» форматында һәм шәхси зачетта узачак. «Стенка на стенку» форматында ике команда – Казанның «Зилант» командасы һәм Чаллы шәһәре җыелма командасы көч сынашачак.

Татарстанда алдагы ункөнлек шактый салкын булачак. Һава температурасы нормадан берничә градуска түбәнрәк булыр дип көтелә. Бу хакта «Татар-информ»га «Метео» фаразлау үзәге җитәкчесе Александр Шувалов хәбәр итте.

Стәрлетамак шәһәренә эш сәфәре кысаларында Бөтендөнья татар конгрессы Башкарма комитеты җитәкчесе Данис Шакиров күренекле татар язучысы, галим һәм җәмәгать эшлеклесе Галимҗан Ибраһимов бюстына чәчәкләр салды. Бу хакта Бөтендөнья татар конгрессы матбугат хезмәте хәбәр итә.

MAX платформасында Татарстанның якынча 15 мең күп фатирлы йорты чатлары булдырылган. Бу хакта ТР Дәүләт торак инспекциясе хәбәренә таянып, «Республика Татарстан» газетасы хәбәр итә.

Кар, һава температурасы һәм атмосфера басымы үзгәрешләре – Татарстанда бу кышның һава торышы үзенчәлекләре шундый. Республиканың кайбер районнарында кар күп яуды. Бу хакта «Татар– информ»га ТР Гидрометеорология үзәге башлыгы Феликс Гоголь хәбәр итте.

15-17 гыйнвар көннәрендә Алабуга шәһәренең Җиңел атлетика манежында көрәш буенча Татарстан чемпионаты узачак. Бу хакта Татарстан Республикасы Спорт министрлыгы матбугат хезмәте хәбәр итә.

Татарстан халкы коррупция фактлары турында активрак хәбәр итә башлаган. Бу хакта республика Юстиция министрлыгында хәбәр иттеләр. Ведомствода билгеләп үтүләренчә, гражданнарның коррупциягә каршы тору системасына кызыксынуы арта.

«Китап» радиосы – Россиядә тиңе булмаган уникаль әдәби-музыкаль радиоканал – эфирга чыгуының биш еллыгын билгеләп үтә. Радиостанция FM-тапшыруларын Казанда 2021 елның 14 гыйнварында башлый һәм шул вакыт эчендә сизелерлек мәдәни-агарту медиапроектына әверелә.